Jeremia 44:6 - Labrador Inuttitut Heritage Bible

⁶ Tamanna pivlugo ningaumajârnera ᴋaningaumajârneralo kovijauvuk, ikoâlalauᴋpuglo Judab iglugasaksoangine Jerusalemiblo apᴋosineâlungine; tâpkoalo asserortaumavut inuilangorlutiglo sorlo uvlome pingmatta.

Jeremia 44:6 Iomraidhean Croise

Jesaiase 1:7

Nunase sunaᴋarungnairpoᴋ, iglugasaksoase ikkomamut ikkitaumavut, takkorngartat perorsêvise nungupait ijipse sângine, pitaᴋarungnairlunelo sumiglõnêt (nunase) takkorngartarnut mumiksimajotut-ipoᴋ.

Jesaiase 51:17

Tupalerit, tupalerit makkilutillo, Jerusaleme, Nâlekab agganginit imerangne ermguseᴋ ningaumajârningata pinga, ermgusiarsuk kaibjaijutiksatalik nungupat, (kuttingit) alluktorlugit.

Jesaiase 51:20

Kitorngatit kaibjaivlutik iglut akkornganne, terreᴋungine illũnaine nallavut tuktungajotut nulluarsimajotut, Nâlekab ningausinganut Gûdivillo suanganinganut tikkitaummarigamik.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 21:5

Uvangalo nangmineᴋ unatarvigijomavapse agganut issângajunut talermullo pitsartujomut, ila, ningârnerme, ᴋaningaumajârnermelo, ilungertudlarnermelo.

Jeremia 34:22

Ahâk, perᴋojijomavunga, oᴋarpoᴋ Nâlagaᴋ, utertitsomavlugillo iglugasaksoarnut ukkununga, sorᴋsukvigijomârpaillo, tigulugillo, ikoâlatitsomârpait ikomamut; Judablo iglugasaksoangit sunairutitsomârpakka, inuᴋarungnaimariklutik.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 4:27

Imâk Nâlagaᴋ oᴋarmat: Nuna ilûnât asserortaujomârpoᴋ, nungumariklugole pijomangilanga.

Jeremia 4:4

Kipisileritse ilipsingnik Nâlakamut, ômatipselo kipimanginingit pêjarsigik, anguteojose Judame, inôjoselo Jerusaleme; ᴋaningaumajârnera aniᴋonago ikomatut, ikoâlaᴋonagolo ᴋamitaujungnangitomik kimullônêt piniarnipse idluitoᴋsôningat pivlugo.

Jeremia 42:18

Imâk oᴋarmat Nâlagaᴋ Zebaot, Israêlib Gudinga: Sorlo ningaumajârnera ᴋaningaumajârneralo kovijaumangmat Jerusalemib inunginut, taimaktauᴋ ᴋaningaumajârnera kovijaulârivoᴋ ilipsingnut Egiptenaliarupse; ôminarsitiksaujomârposelo, tataminiarutiksauvluselo, oᴋarnerlutjaujutiksauvluselo, mitautiksauvluselo; nunalo tamanna takoniarungnaipase kingorngane.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 7:17

Tautulungilatît piniarnerijanginik Judab iglugasaksoangine Jerusalemiblo apᴋosineâlunginê?

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremia 7:34

Judablo iglugasaksoangine Jerusalemiblo apᴋosineâlungine sorairtitsomavakka ᴋuviasuktut serrijullo nippingit, nulianiktublo uiniktublo nippîgingnik; nuna sunairutisimajungoromârmat.

Jeremia 8:3

Toᴋolo annerijaungâromârpoᴋ inôtsemit ᴋitorngarêt makkoa idluitut amiakunginut, amiakôjunut nunane tamaine ajaktortauvigijangine uvamnut, Nâlagaᴋ Zebaot oᴋarpoᴋ.

Jeremiab Ogguarutigijangit 1:1

Sinaungamek! Iglugasaksuit inuᴋatsialauktut inuêrutingmatta! Uigarnertut iput! Angijôdlalauktut inôᴋatigêksuit akorngane, ataniublo paningatut ilingalauktut nunaᴋutaujut akorngane, akkilêjariaᴋartungorput!

Jeremiab Ogguarutigijangit 1:13

Pângat tiliklilaukpok ikomamik saunimnut, tâmnalo kiblêvok tâpkoninga; issivitsilaukpok nulluanik itikamnut, kingumullo sangutipânga; manigorutiksairutivânga nukkingêrutilungalo uvlok nâvlugo.

Jeremiab Ogguarutigijangit 5:18

Zionib ᴋakᴋanga pivlugo, sunairutijok; terrianiangojârtut arvertarvigivât.

Hesekiel 20:33

Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, aggangnut pitsartujunut, talingmullo issamijomut, ᴋaningaumajârnermullo kovijaujomut, ataniojomavunga ilipsingnut:

Hesekiel 20:34

Tikiutijomavapselo inôᴋatigêksuit akornganit, katersoromavapselo nunanit siamarvigijapsingnit, aggangnut pitsartujunut, talingmullo issamijomut, ᴋaningaumajârnermullo kovijaujomut;

Hesekiel 24:13

Ivsornarnît kangunartulinermik ilaᴋarpoᴋ; epᴋêjalauraloarapkit epᴋêjartaujomanginavillo epᴋêjartaujungnailârpotit salumainernit kingorngane, nâmaksititsiᴋârtinanga ningaumajârnimnik ilingnik.

Hesekiel 24:8

Kaningaumajârneᴋ ᴋagvertitsomavlugo akkiniarutigijomavlugo, aunga kovijautilauᴋpara ᴋairtotuinarmut, saujauᴋonago.

Hesekiel 5:13

Taimak ningaumajârnera nâmaksititaujomârpoᴋ, ᴋaningaumajârneralo ilijomârpara tâpkonunga, merngoerseromârpungalo; ᴋaujijuksauvullo uvanga Nâlegaujunga oᴋalaurama ilungertornimne, ningaumajârnera nâmaksititsomagapko tâpkonunga.

Hesekiel 6:12

Ungasiktoᴋ toᴋojomârpoᴋ nûsilingnartomut; ᴋanitoᴋ toᴋojomârpoᴋ saviksoarmut; amiakôjorlo piulimajaujoᴋ toᴋojomârpoᴋ perlernermut; taimak ningaumajârnera nâmaksititsomârpara tâpkonunga.

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Daniel 9:12

Nalautsitipaillo oᴋausini uvaptingnut idluarsaijiptingnullo uvaptingnik idluarsaijuksanut, oᴋautigijani, tikitauᴋongmatigut idluitomut angijomut; ᴋilaub ilûnarsoangata atâni piniarutaujoᴋalaungimat sorlo Jerusalimut piniarutaungmat.

Leviticus 26:28

Uvangatauk akkerartorluse arvertaromavunga ningadlarlunga; pidlaromârpapselo sevenertortomik ajornise pivlugit.

Leviticus 26:31

Iglugasaksoaselo sunaᴋarungnaititsomârpakka, ivsornaitoviᴋotiselo asserorniluᴋungortitsomavlugit, naijomangilanga tipitsiariksautigijapsingnik.

Nahum 1:2

Nâlegak Gudeovok ilungertortok, akkiniarporlo; Nâlegak akkiniarpok ningarnermiglo ilumikpok; Nâlekab akkerartortine akkiniarpait, ômigijiminullo ningarnek torᴋorpâ.

Saggaria 1:2

Nâlekab angijomik atâtagilauktase nâmaksingijutigilaukpait.

Saggaria 1:6

Oᴋausimale kajusijutigijamalo, perᴋolauktama kivgamnut nalautaijunut, atâtase angulaungilagît? Tâpkoalo sâput oᴋarlutiglo: Sorlo Nâlegak kajusilaurame ᴋanok piniarvigijomavluta apᴋutigijavut piniarnerijavullo maliklugit, taimak piniarvigivâtigut.

Saggaria 7:14

Siamartitsomârpakkale ulajujoksoarmut inôᴋatigêksuit ilitarilaungitangita ilûnatik akornganut. Taimaglo tâpkoa kingorngane nuna ᴋemagauvok, tamaunârtoᴋangilaᴋ utertoᴋangilarlônêt: nuna kajungernartok inuᴋajuitungortingmatsuk.