Jeremia 44:4 - Labrador Inuttitut Heritage Bible

⁴ Uvangale tiliklervigilauᴋpapse kivgamnik tamainik nalautaijunik, makisaraivlunga tililugillo, oᴋarᴋovlugit: Maᴋojungnartulineᴋ tamanna ômigijara piniarniarasiuk.

Jeremia 44:4 Iomraidhean Croise

II Kronika 36:15

Nalegarlo atâtagijangita Gudingat tilliklerpok tapᴋonunga, tillijamigut uvlamit. Innuᴋotine iglunelo ivlerigamigit.

Nehemia 9:30

Igvillo jârit unnuktut nâvlugit ᴋenuêrsârvigilaukpattit, kigligiutsivioᴋolaukpâttillo annernermut, nallautaijoᴋotingnêtomut; ilaliorlaungilâlle siutimingnut. Tamana pivlugo tunnilaukpattit inuᴋattigêksuit nunanetut agganginut.

Nehemia 9:34

Atanniptalo, angajoᴋaunerôjuptalo ajoᴋertortiptalo, atâtagijaptalo malligaksaukojattit pinniarlaungilait, perᴋojattillo, kigligiutsinitillo kigligiutigijaukolauktattit tapᴋonunga, kamagilaungilait.

Jeremia 16:18

Sivorlermigle idluituliningit ajorningillo akkiniarutigijomavakka maggoertorlutik; ivsornartitsisimangmatta nunamnik maᴋojungnartûtimik timivininginut, kingormgutijaralo ilumermatsuk mamaitoâluᴋotimingnut.

Jeremia 26:5

Tusaromanagillo kivgama nalautaijut oᴋausingit tililauᴋtama ilipsingnut, makisaraivlunga tililugillo, tusaromalaungitasele.

Jeremia 29:19

Nâlangimatigit oᴋausikka, oᴋarpoᴋ Nâlagaᴋ, tilikliutigilauᴋtakka tâpkonunga kivgapkut nalautaijutigut, makisaraivlunga tililugillo; tusaromalaungilasele, oᴋarpoᴋ Nâlagaᴋ.

Jeremia 32:33

Tunuterpullo uvamnut, kênalijaromangimut; ajoᴋertulauralloarapkillo, nikovisaraivlunga ajoᴋertorlugit, sulle nâlalaungilat ajoᴋertutsit ilalioromalaungilait.

Jeremia 32:34

Maᴋojungnarᴋotitiglo napartipait iglome attimnut taijaujome, ivjornaitilugo.

Jeremia 32:35

Poᴋtojoliorpullo Baalemut, Hinnomib erningata naᴋsanganêtunik, ernitik panitiglo ikomakôrᴋojomavlugit Môlokemut; perᴋolaungitarale tamanna tâpkonunga, ômamiutarilaungilaralônêt piniarniarmatta maᴋojungnartomik tamattominga; Judakut idluitulitiniarlugit.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 35:17

Taimaimat imâk oᴋarpoᴋ Nâlagaᴋ, Gude Zebaot, Israêlib Gudinga: Ahâk, Judamut Jerusalemiunullo tamainut tikiutjijomavunga idluitunik tamainik oᴋautigijamnik tâpkonunga; oᴋarvigilaurapkit tusalaungimattale; ᴋaigarsugvigilaurapkillo, kiolaungimattale.

Jeremia 7:13

Mânalo tamakkoa tamaita piniarnerilaurapsigik, oᴋarpoᴋ Nâlagaᴋ, oᴋâlavigilaurapselo, makisaraivlunga oᴋâlavlungalo, nâlalaungnapsele; ᴋaigarsugvigilaurapse kiolaunginapsele;

Jeremia 7:17

Tautulungilatît piniarnerijanginik Judab iglugasaksoangine Jerusalemiblo apᴋosineâlunginê?

Jeremia 7:18

Sorutsit ᴋejuktarput, atâtat ikoâlasaivut, arnallo akutsivut sanaugamik, ᴋaᴋᴋôjârsulioromavlutik tunergutiksanik ᴋilait ataningoanganut (tagva taᴋᴋermut, uvloriallônêt ilanganut), kovisijomavlutiglo tunergutiksanik imiksanik Gudeojub assinginut, uvanga ningarsârtauᴋovlunga.

Jeremia 7:25

Uvlormit taimangat atâtagilauᴋtase aulalaungmattanit Egiptenemit uvloᴋ tamanna tikidlugo, ataruilivlunga tiliklervigilauᴋpapse kivgaᴋotimnik nalautaijoᴋotimniglo;

Hesekiel 16:36

Imâk oᴋarpoᴋ Nâlegaᴋ Nâlegaujoᴋ: Kênaujatit siamangatitaulaungmatta, kangunarnîllo ulêrtaungmat ajortulinerne ajortuliᴋatigijarnut; maᴋojungnartulinivillo gudingoangit pivlugit, ᴋitorngavillo, tunijavit tâpkonunga, aungit pivlugit;

Hesekiel 16:47

Igville arvertalaungilatit tâpkoa apᴋutigijangine, pinialaungilatillônêt tâpkoa maᴋojungnartuliningit maliklugit; tamannale mikijoᴋotigivlugo, sugalulualauᴋpotit tâpkonangat apᴋotingne tamaine.

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Hesekiel 8:10

Iterpunga tagva takolungalo; sunaubvalo pâmgortut adsigêngitut unuktut, nergjutillo ᴋuinangnartut, Israêliblo ᴋitorngangita gudingoangit ilûnatik, adsiliortauvut ᴋarmarme ilûnâne.

Daniel 9:6

Nâlangilavullo kivgatit nalautaijut, attini oᴋâlajut ataniptingnut, angajoᴋâᴋsoarijaptingnullo, atâtagijaptingnullo, nunablo inunginut tamainut.

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

I Pêtrusib 4:3

Tâvârutigigaptigo, inônipta anigorningane nelojut pijomajangit atutsainalauraptigik, arvertalaurapta illoᴋeudlarnerme, ikligunermelo, tallanermelo, nerriluadlarnermelo, imiluadlarnermelo, mamaitoâlungnelo, Gûdiungituniglo kivgartornerme.