Jeremia 44:10 - Labrador Inuttitut Heritage Bible

¹⁰ Nikanarsâlungilat uvlome tikidlugo aglât, sivôrangilallônêt, arvertalungilallônêt maligaksauᴋojamne perᴋojamnelônêt pititamne sâpsingnut atâtapselo sânginut.

Jeremia 44:10 Iomraidhean Croise

I Atannit 21:29

Takkovit ᴋanok Ahabe nikkanasarmat ingminik sâmne? Tamânna pivlugo nikkanarsarmat ingminik sâmne, ᴋanoêtok tikkikojomalungilara tapsoma uvlungine; erningatale uvlungine ᴋanoêtok tikkerkojomavara iglunganut.

II Atannit 22:19

Tamanna pivlugo, omattit auksititaulaungmat oᴋautsinut tussarlauktarnut, nikkanarsarlauravillo illingnik Nâlekab sângane, tussarlauravit oᴋauserilauktamnik, iglugasaksuit tamakkoa innungillo pitjutigillugit, asserortaujuksaungmatta, ominarsijaujuksaungmattalo, annoraᴋotitillo allilaurangne, kugviorlauravillo sâmne; tagva uvanga tussarlaurivara, Nâlegak oᴋarpok.

II Kronika 32:26

Tagva Hiskia mannigotitipok omattime ᴋagverninga pivlugo; tamna, Jerusalemiullo tamanna pivlugo Nalekab ningausingata tikkilaungilait Hiskia innôtillugo.

II Kronika 33:12

Kappianartomênamelo ᴋennuvok Nalekamut Gudiminut mannigotitilunelo Nalekab atâtagijame Gudingata sângane.

II Kronika 33:19

Tuksiarningillo, ᴋannorlo tussartauninga, ajorningillo, idluitulliningillo, innillo sannavigilauktangit poktojunik, nappartuniglo Gudingoalingnik, Gudingoaniglo, manigotitiᴋârtinago, ahâk, tamakkoa aglaksimavut takkojut unipkausingine.

II Kronika 34:27

Tamanna pivlugo omattit auksititaumangmat, manigotitilauravillo Gudib sângane, oᴋausingit tussarlaurangne, iglugasaksuit makkoa pivlugit, innungillo pitjutigellugit, manigotitilauravillo sâmne annoraᴋotitit allilaurangne, ᴋugviolauravillo sâmne, tagva uvanga tussarlaurivagittauk, Nalegak oᴋarpok.

Imgerut 34:18

Nâlegak ᴋannipok serᴋomisimajunnik ômattelingnut, ikajorpaillo issumamikut kappiasuktut.

Imgerut 51:17

Tunnergutit Gûdib ᴋuviagijangit, annerniôvut serᴋomisimajok; ômamik kappiasuktomik serᴋomisimajomiglo igvit Gûde nachoniangilatit.

Imgerut 78:10

Gûdib angersimaningit nâlelaungilait, malligaksauᴋojanginnelo arvertaromalaungilet.

Exodus 10:3

Moseselo Aronelo iterpuk tagva Faraomut, oᴋautivlugolo: Imâk oᴋarpok Nâlegak, Ebrêerit Gûdingat: ᴋanok sivitutigijomik manigotitailijomavêt ilingnik sâmne? Inuᴋotikka aularᴋokit, kivgartorvigijaksaringmanga.

Exodus 9:17

Sulle atangusiguvit inuᴋotimnut, aularᴋojomanagit,

Exodus 9:30

Kisiane nallungilapse, igvit kivgatillo sulle Gûde Nâlegaᴋ sivôraginginapsiuk.

Salomob Okâl 14:16

Ilisimajok sivôravok, idluinerlo attortailiva; silaitorle iktoriktailune kamatsengilak sumiglonêt.

Salomob Okâl 16:6

Napᴋigosungnermut mikseᴋârnermullo idluitullinek ullapᴋosertauvok, sivôranermullo Nâlekamik idluinek attortautailivok.

Salomob Okâl 28:14

Pilloridlarpok sivôratsainartok (Gûdemik); ommatiminigle mangaititsijok kattagomârpok pijaksaungitomut.

Salomob Okâl 8:13

Sivôranerub Nâlekamik idluinek, pingijainerlo, piojorinerlo apᴋullo idluitok omigivait, ᴋanerlo mumiksimajok ᴋenugivara.

Jesaiase 42:24

Kia Jâkokkut tunivagît aᴋsârnigautillugit Israêlitillo arᴋtaijunut? Nâlegaᴋ idluitullivigijavut taimailiulungilâᴋ? Tâpsomale apᴋutingine arvertaromangilat, perᴋojangillo nâlalungilait.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 66:2

Aggama tamakkoa tamaita sanavait, taimaglo tamakkoa illũnatik pingulerput, oᴋarpoᴋ Nâlegaᴋ. Imaitoᴋ takunârpara: ajulertoᴋ, serᴋomisimajomik anernilik, oᴋausimnik sivorajoᴋ.

Jeremia 10:7

Kia erᴋsiginajangilâtît, inôᴋatigêksuit ataningât? Igvit nâlaktaujuksauvotit; tagva inôᴋatigêksuit ilisimajungita akorngane, ataniovinginalo tamaine, iliktun-itoᴋangilaᴋ.

Jeremia 26:4

Oᴋautijaksarivatillo: Imâk oᴋarpoᴋ Nâlagaᴋ: Tusaromangikupsinga, arvertaromanase perᴋojamne, sâpsingnut pititamne,

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 36:24

Sivôralungilallo, annorâtiglônêt aliktungilait, atanerublônêt kivgamelônêt tusâlauᴋtut.

Jeremia 44:23

Tipigiksautinik isserluanititsilaurapse, Nâlagarlo idluitulivigigapsiuk, nâlalunginapselo Nâlakab nippinganik, arvertalunginapselo tâpsoma maligaksauᴋojangit perᴋojangillo kigligiutsiningillo maliklugit; tamanna pivlugo idluitûb tamattoma nalaupâse, sorlo uvlome pingmat.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Hesekiel 9:4

Nâlekablo oᴋautivâ: Iglugasaksoatigôrit Jerusalemekut, ᴋaungitigullo nelunaikuserkit inuit anersaumijut ogguartullo maᴋojungnartut tamaita tagvane piniarutaujut pivlugit.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Mattêuse 27:54

Sorsuktuksalle angajoᴋângata ilangitalo, Jêsusemik udjertortut, nuna sajukpilâdlartok takogamitsuk, tatamnartullo assingit, kakilângadlalerput, oᴋarlutiglo: Âhamarik, Gûdib tâmna Ernerivâ!

Lukase 23:40

Aipangata suadlarlugo oᴋautivâ: Igvittauk Gûde erᴋsigingilat, tâpsotunak (toᴋomut) pitlartaugalloarlutît?

Rômiunut 11:20

Naumâne, naviksimavut, okpinginingit pivlugit, igville nangerpotit okpernikut; piojoriniarnak sivôragille!

I Pêtrusib 5:6

Tamanna pivlugo ilipsingnik nikanarsâritse Gûdib agganginut pitsartujoᴋsoarnut, neliunermine ilipsingnik nertornartitserᴋovlugo.

Takotitaunermik 15:4

Kia kuksasugviginajangilâtît, Nâlegak, attît nakorivlugô? Kissivît hailigeojotôgavit. Nelojut ilûnatik tuksiariartorviginiarmatit, akkiniarnitit nelonairsimangmatta.