Jeremia 44:1 - Labrador Inuttitut Heritage Bible

¹ Oᴋauseᴋ tikilauᴋtoᴋ Jeremiamut Judit tamaita nuname Egipteneme nunaᴋartut pitjutigilugit, nunaᴋartut Migdoleme, Tapanêsemelo, Nofemelo, Patrosiblo nunangane, oᴋarlune:

Jeremia 44:1 Iomraidhean Croise

Genesis 10:14

Patrusîllo, Kasluhîllo (tâpkonangat Filisterit pivut) Kaftorîllo.

Exodus 14:2

Israêlikut oᴋarvigikit sangulerᴋovlugit tangmârlutiglo Pi-Hakirotib nalâne, Migdolib imarbiublo akorngangne, Baal-Zefonib nalâne; tâpsoma sângane tangmârtuksauvose imarbiub kiglingane.

Jesaiase 11:11

Nâlekablo nalliutome taipsomane amma aggane issagomârpait, inuᴋotime amiaᴋungit pissiarijomavlugit, amiaᴋôjut Assiriamit Egiptenemillo Patrosemillo Etiopiamillo Elamimillo Sinearemillo Hamatemillo ᴋikkertanillo imarbingmẽtunit.

Jesaiase 19:13

Angajoᴋajat Zoanemẽtut sillaitungortitauvut, angajoᴋajat Nofemẽtut uivêrijauvut, ingmikkôrtartut angajoᴋângita Egiptenemiut tammartipait.

Jeremia 2:16

Nôfib Takpanêsiblo ᴋitorngangita kabjit serᴋomipât.

Jeremia 24:8

Sorlolo paungatannait piungitut, nerrijaujungnangitut taimak piungitigigamik; ahamarik Nâlagaᴋ imâk oᴋarpoᴋ: Taimailioromârpakka Zedekia, Judab ataninga, angajoᴋângillo, Jerusalemiullo amiakungit amiakôjut nuname tamattomane, Egiptenemelo nunaᴋartut;

Jeremia 43:13

Napajoᴋsuit Betsêmeseme nuname Egipteneme naploromârpait; Egipteniblo gudingoangita iglungit ikitsomârpait.

Jeremia 44:15

Tagva angutit ilûnatik ᴋaujimajut nuliamik isserluanititsininginik tipigiksautinik Gudib assianut, arnallo ilûnatik najûtijut, katimajoᴋsuit, ila, inuit ilûnatik nuname Egipteneme nunalit, Patroseme, Jeremia akkivât, oᴋarlutik:

Jeremia 46:14

Egipteneme oᴋâlagitse, Migdoleme unipkâritse, Nofeme Tapanêsemelo tusartitsileritse; oᴋaritse, Sagvarit, opalungairsarit, avatingnêtut saviksûb nungulermagit.

Jeremia 46:19

Igvit ineᴋartotit Egiptenib paningane, opalungairsârit aularutijaugiamut; Nofe asserornilukkungortuksaungmat, ikitaujuksauvoᴋ, inuêrutjilune.

Hesekiel 29:10

Tamanna pivlugo, ahâk, sâvigivagit, kôksoatillo sâvigivlugit, nunalo Egipten asserornilukungortitsomârpara sunaᴋajuitungordlugolo, Sevennib nuvugusinganit Etiopiab kiglinga tikidlugo.

Hesekiel 29:14

Tikiutijomârpaᴋᴋalo Egiptenemit aularutijaujut, utertitsomârlugillo nunamut Patrosemut, inûlervigijanganut; tagvanelo ataniovikullôlârput.

Hesekiel 30:13

Imâk oᴋarpoᴋ Nâlegaᴋ Nâlegaujoᴋ: gudingoattauᴋ asseroromârpakka, gudingoaliarimajullo Nôfemetut sorairtitsomârlugit; kingorngane angajoᴋâᴋsoaᴋarungnairtuksauvoᴋ Egiptenemit pijomik; nunamelo Egipteneme sivôraneᴋaromârpoᴋ.

Hesekiel 30:14

Patroselo inuᴋarungnairtitsomârpara, ikomaᴋartitsijomârlungalo Zoaneme, idluarsaijomârlungalo Nôme.

Hesekiel 30:16

Ikomaᴋartitsijomârpungalo Egipteneme; kapiaktoadlarneᴋaromârpoᴋ Sineme, Nôlo serᴋomitaujomârpoᴋ, Nôfemelo akkerartortoᴋaromârpoᴋ uvloᴋ nâvlugo.

Hesekiel 30:18

Takpanêsemelo uvloᴋ tâᴋsilârpoᴋ, Egiptenib nangmautinga tagvane nakagupko, pitsartuningatalo piojorininga sorairomârpoᴋ tâpsomane: nuvujab tâmna uligomârpâ, paningillo aularutijaujomârput.

Hosea 9:6

Takoitse, ᴋemâvut asserortaunermit, Egiptenible katersoromârpait: Memfisiblo iluveromârpait: perortut ônartut pigilârpait perᴋutingit silbereojut: ukpigaillo kakilautilit tupinginêlârput.