Jeremia 43:6 - Labrador Inuttitut Heritage Bible

⁶ Angutit, arnallo, sorutsillo, ataniublo paningit, inuillo ilûnamasiatik Nebuzaradanib, ataniub udjertortingita angajoᴋângata ᴋemaktaviningit Gedaliamut, Ahikamib, Sâfanib erningata, erninganut, Jeremialo nalautaijoᴋ, Bârukelo, Neriab erninga;

Jeremia 43:6 Iomraidhean Croise

Jeremia 38:22

Ahâk, arnat ilûnatik Judab ataningata iglungane amiakôjut anititaujomârput Babilonib ataningata angajoᴋâᴋsoanginut, arnallo tâpkoa oᴋaromârput: Manigortigilauᴋtavit terliarpâtit, aᴋtorsartipâtillo; itikatit mausimavut aᴋilupiarmut, tunusimavut.

Jeremia 39:10

Nebuzaradanible, ataniub udjertortingita angajoᴋângata inuit aklujungita ilangit, sunaᴋangitut, ᴋemakpait Judab nunangane, tunitjivigiᴋasiutilugillotauᴋ vaineliksatalingnik perorsêvingniglo.

Jeremia 40:11

Taimaktauᴋ Judit ilûnatik Moabemêtut, Ammoniblo kinguvângita akornganêtut, Edomemêtullo, nunanêtullo nalliane, tusaramik Babilonib ataningata Judakut amiakoᴋartisimangmagit, Gedalialo, Ahikamib, Sâfanib erningata, erninga angajoᴋângortisimangmago tâpkonunga;

Jeremia 40:7

Sorksuktuksallo angajoᴋângit ilûnatik nunatuinarmêtut, tâpkoalo angutingillo tusaramik Babilonib ataningata Gedalia, Ahikamib erninga, atanerusingortisimangmago nuname, tâpsomungalo pairijaksautingmagit angutit, arnallo, sorutsillo, aklunerpaujullo nuname, Babilonemut aularutijaungitut;

Jeremia 41:10

Ismaêliblo aularutivait inuit amiakôjut Mispame tamaita, ataniublo paningittauᴋ, inuillo tamaita amiakôjut Mispame, Nebuzaradanib, ataniub udjertortingita angajoᴋângata pititangit Gedaliamut, Ahikamib erninganut; Ismaêliblo, Netaniab erningata, aularutivait, aularporlo ikâriartoromavlune Ammonib kinguvânginut.

Jeremia 43:3

Bârukible, Neriab erningata, ômisuktidlarpâtit uvaptingnik, pititsomavluta Kaldêamiut agganginut, tâpkoa toᴋotsiᴋovlugit uvaptingnik aularutilutalônêt Babilonemut.

Jeremia 45:1

Oᴋauseᴋ Jeremiab nalautaijub oᴋautigijanga Bârukemut, Neriab erninganut, tâpsoma oᴋautsit makkoa aglangmagit aglagvingmut Jeremiab ᴋaninganit, Jojakimib, Josiab erningata, Judab ataningata, jâringita sittamangane, oᴋarlune:

Jeremia 52:10

Babiloniblo ataningata Zedekiab erningit toᴋopait tâpsoma ijîkita sângangne; Judablo angajoᴋâᴋsoangit ilûnaita toᴋogivait Riblame.

Jeremiab Ogguarutigijangit 3:1

Uvangauvunga angut kapiasuktitaujok ningaumajârningata issaᴋautinganut.

Johannese 21:18

Âhamarik, âhamarik oᴋaupagit: Inôsungnersautilutit, nangminernik tapserusilaukpotit, arvertarlutillo pijomajarnut; itôleruville, aggaktit isagomârpatit, asivîllo tapseruseromârpâtit, tesiorlutillo pijomangitarnut.