Jeremia 43:5 - Labrador Inuttitut Heritage Bible

⁵ Johananible, Kareab erningata, sorᴋsuktoᴋatigêksuillo angajoᴋângita ilûnatik ilagivait amiakôjut Judamit, utersimajut inôᴋatigêksoarnit tamainit ajaktortauvigijanginit Judab nunangane nunaᴋarᴋovlugit;

Jeremia 43:5 Iomraidhean Croise

II Atannit 25:22

Innugiartoksuille amiakunginut nuname, Nebukadnezarib Babelemiut atanningata amiakokojanginut, Gedalja Ahikamib Safanib erningata erninga angajoᴋangortipa.

Jeremia 40:10

Uvangale, ahâk, Mispame nunaᴋaromavunga, Kaldêamiut uvaptingnut tikilârtut sângine nangeromavlunga, ilipsele katersoileritse vainemik, paunganiglo aujaᴋsiutinik, orᴋsumiglo, torᴋorlugillo ᴋematulivipsingnut, iglugasaksoapsingnêtuaritselo pigijapsingne.

Jeremia 41:10

Ismaêliblo aularutivait inuit amiakôjut Mispame tamaita, ataniublo paningittauᴋ, inuillo tamaita amiakôjut Mispame, Nebuzaradanib, ataniub udjertortingita angajoᴋângata pititangit Gedaliamut, Ahikamib erninganut; Ismaêliblo, Netaniab erningata, aularutivait, aularporlo ikâriartoromavlune Ammonib kinguvânginut.

Jeremia 41:17

Aularpullo nunatârlutiglo Kimhamib siniktarviane, Betlehemib sanianêtome, Egiptenemut iteriartoromavlutik.

I Samuel 26:19

Taimak tussarittôk manna, nalegâk attanek, kivgame oᴋausinginik: Nalekab kajungertipattit akkerartorlunga, tagva tunnergutiksamik nerᴋiksamik naimalerle; innuble ᴋittorngangit taimailiorpatta, tagva ominarsijaulit Nalekab sângane, uvlome ajiktoraminga, Nalekab kingormgutijanganêtsungnanginama, oᴋarlutiglo: Ailerit kivgartorlutillo Gudib assinginik.