Jeremia 43:3 - Labrador Inuttitut Heritage Bible

³ Bârukible, Neriab erningata, ômisuktidlarpâtit uvaptingnik, pititsomavluta Kaldêamiut agganginut, tâpkoa toᴋotsiᴋovlugit uvaptingnik aularutilutalônêt Babilonemut.

Jeremia 43:3 Iomraidhean Croise

Imgerut 109:4

Nagligigapkit, taimaimat kiglornipânga; uvangale tuksiarpunga.

Jeremia 32:12

Aglaillo pisiniarnermik nalonaijaijut tunivakka Bârungmut, Neriab, Masaiab erningata, erninganut, Hanamêle ᴋatangutiarsuga najûtitilugo, kigligiutjijuksallo attermingnik aglalauᴋtut aglangnut pisiniarnermik nalonaijaijunut najûtitilugit, Judit iksivajut udjertortut iglungane ilûnatik sângine.

Jeremia 36:10

Bârukiblo Jeremiab oᴋausingit aglangnêtut atuarpait Nâlakab iglungane, Gemarîab, Sâfanib erningata aglakpaktub iningane, avaluliorsimajome ilulerme, Nâlakab iglunganut iterviub nutâb pângane, inuit ilûnatik tusâtilugit.

Jeremia 36:26

Ataniuble Jeramêele, Hamalekib erninga, Seraialo, Asriêlib erninga, Selemîalo, Abdiêlib erninga, tigusiᴋolauᴋpait Bârungmik aglakpaktomik Jeremiamiglo nalautaijomik; Nâlakable ijersimalauᴋpak.

Jeremia 36:4

Tagva Jeremiab Bâruk Nerîab erninga ᴋaiᴋovâ; Bârukiblo aglakpait aglaviksamut ᴋissingmut immûmajomut Jeremiab ᴋaninganit Nâlakab oᴋausingit tamaita, oᴋauserilauᴋtangit tâpsomunga.

Jeremia 38:4

Tagva angajoᴋâᴋsuit oᴋarput atanermut: Angut una toᴋotauᴋoleruktôᴋ; sorᴋsuktuksat iglugasaksoane ukkunane amiakôjut aggangit, inuillo ilûnatik aggangit, nukingêrutingmagit, oᴋauseᴋarvigivlugit taimaitunik; angutib oma inuit idluarᴋutiksarsiulungimagit, idluiᴋutisanigle pingmat.

Jeremia 41:18

Kaldêamiut pitjutigivlugit, sivôragigamigit, Ismaêlib, Netaniab erningata, Gedalia, Ahikamib erninga, Babilonib ataningata atanerusingortitanga nunamut, toᴋosimalaungmago.

Jeremia 43:6

Angutit, arnallo, sorutsillo, ataniublo paningit, inuillo ilûnamasiatik Nebuzaradanib, ataniub udjertortingita angajoᴋângata ᴋemaktaviningit Gedaliamut, Ahikamib, Sâfanib erningata, erninganut, Jeremialo nalautaijoᴋ, Bârukelo, Neriab erninga;

Lukase 6:26

Kappianamêk ilipse, inuit ilûnatik ânanâmik oᴋautigikpase. Sivorlingitatauk taimailiorivait nalautainerluktut.