Jeremia 43:12 - Labrador Inuttitut Heritage Bible

¹² Ikomamiglo ikitsijomârpunga Egiptenib gudingoangita iglungine; tâpsomalo ikitsomârpait aularutijomârlaitalo; nunalo Egipten atijomârpâ, sorlo mianersijûb annorâne atingmago; tagvangallo anijomârpoᴋ ulapirᴋsauteᴋarlune.

Jeremia 43:12 Iomraidhean Croise

II Samuel 5:21

Gudingoaᴋotitiglo ᴋemmakpait tagvunga; Davidible anguteᴋotingitalo tiguvait.

Ester 6:9

Annorâglo tamna, horselo tunnijaujuksauvûk, atanniub Angajoᴋâksoangita illangata agganginut, tapsoma angut taimna atanniub opigijomajanga attitilugo piᴋovlugo, tessiorlugolo, ablangatillugo horsib ᴋângane, iglugaseksuit apkosiningittigut, nipliarᴋojilunelo sivurngane: Taimailiorvioniarpok angut atanniub opigijomajanga.

Hiobe 40:10

“Ananausilerit illingnik pinarnartomik, angijoksônermiglo; annorârit nertornarnermik ânanaudlarnermiglo.

Imgerut 104:2

Annorâᴋotit attortat ᴋaumaniôvok; ᴋillak issivipet tulleraraktut.

Imgerut 132:16

Ajochertuijungit piulijaunermik annorâromavakka, ivsornaitungillo ᴋuviasuktuksauvut.

Imgerut 132:18

Omigijingit kangusuktitaunermik annorâromavakka; tâpsomale ᴋângane niaᴋotâ nuvugolârtârtuksauvok.

Exodus 12:12

Unnuarme tamattomane nuna Egipten aulavigigapko, anaulugillo erniangorᴋârtut ilûnnatik nuname Egipteneme, inuillo nergjutillo; Egiptenemiullo gûdingoanginut tamainut nalonaijaijomavunga erᴋartuinermik: Tâmnauvunga Nâlegak.

Jesaiase 19:1

Tamadja oᴋauseᴋ inerterijutiksaᴋ Egiptenemut. — Ahâk, Nâlegaᴋ nuvujakut tuavitokut ingergaromârpoᴋ tikkidlunelo Egiptenemut. Gûdingoallo Egiptenemẽtut sajugomârput sângane, Egiptenemiullo õmatingit kakkillâromârput illungine.

Jesaiase 21:9

Ahâk tagga, aggerput kattimgajoᴋsuit horsine ablângajut, iglugêklutik ingergajut. Kiovlunelo oᴋarpoᴋ: Bâbele ochosimavoᴋ, illa ochosimavoᴋ, Gûdingoaᴋotingillo illũnatik nakkasimavut nunamut.

Jesaiase 46:1

Bele pâmangavoᴋ, Nêbo ochosimavoᴋ, adsingoangit nergjutinut nujuartunut nergjuteᴋotinullo pititauvut, (Gûdingoat) nangmaᴋattartase ussijauvut, merngortortunut (nergjutinut) ussijauvlutik.

Jesaiase 46:2

Ochosimavuk illa pâmangavlutiglo attautsekut, ussiksat piulivlugit sapperpait, nangmineᴋ parngnanairsimavingmut aijuksauvuk.

Jesaiase 49:18

Ijîkik uitarlugik avatingnẽtunik takonârit; tâpkoa kattimajut illũnatik nallipsarpâtit. Sôrlo nallâgut inôgama, oᴋarpoᴋ Nâlegaᴋ, tâpkoa tamaita attijomârpattit ânanausijutiksatut sôrlo, tapserutigivlugillo nulliaksatut sôrlo.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 59:17

Idluarneᴋ attivâ sagvingmiutarivlugo, piuliklerutiksaᴋ illivâ niaᴋominut niaᴋôtigivlugo, akkiniarneᴋ attivâ annorâᴋtut, illungertornerlo ulligivâ ulliksoatut.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Jesaiase 61:5

Takorngartat tamânêdlutik saugaᴋotise mianerijomarpait, nunaᴋatigingitaselo poagijaromârput perorsêvipsingnik, perorsêjomârlutiglo vaineliksatalingnik.

Jeremia 10:11

Taimaimat oᴋautijaksarivase imâk: Gudingoat sanalungitut ᴋilangmik nunamiglo, tâpkoa pêraksauvut nunamit, ᴋilaublo atânit.

Jeremia 10:15

Sulinginiovut mitautiksatuinauvlutiglo; ôktortauvingmingne ajulermarilârput.

Jeremia 25:19

Farao, Egiptenib ataninga, kivgangillo, angajoᴋâᴋsoangillo, inuᴋotingillo tamaita;

Jeremia 43:13

Napajoᴋsuit Betsêmeseme nuname Egipteneme naploromârpait; Egipteniblo gudingoangita iglungit ikitsomârpait.

Jeremia 46:25

Nâlagaᴋ Zebaot, Israêlib Gudinga oᴋarpoᴋ; Ahâk, sugiaromârpakka Amon, Nômêtoᴋ, Faraolo, Egiptenalo, gudingoangit ataningillo ilagilugit; ila, Farao, tâpsomingalo tateᴋartut;

Jeremia 48:7

Suliarijatit pivianartoᴋutigijatillo sungertutigilaurangne, igvittauᴋ tigijauᴋataujomârpotit; Kêmoselo (gudingoaᴋ) aularutijaujomârpoᴋ, ajoᴋertuijungit angajoᴋângillo ilagilugit.

Jeremia 49:27

Ikitsijomârpungalo ikomamik Damaskusib avaluksoangine, tâpsomalo Benhâdadib iglusoangit nungutsomârpait.

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Jeremia 51:44

Belelo Babilonemêtoᴋ nalipsaromârpara, oᴋomiartangalo anititsomârpara ᴋaninganit; inôᴋatigêksuillo takpaungaᴋatigêtsungnairomârput tâpsomunga, ila, Babilonib ᴋarmanga oggojomârpoᴋ.

Hesekiel 29:11

Inuillônêt nergjutillônêt itigangit tagvûna ingerartuksaungilat, jârillo 40 nâvlugit inuᴋartuksaungilaᴋ.

Hesekiel 29:19

Tamanna pivlugo imâk oᴋarpoᴋ Nâlegaᴋ Nâlegaujoᴋ: Ahâk: nuna Egipten tunijomârpara Nebukadnezaremut, Babilonib ataninganut; tâpsomalo aularutijomârpait inugiartoᴋsoangit, tigulugillo akluiningit, aᴋsârnigarilugillo perᴋutingit, sorᴋsuktuksangitalo akkiksarijomârpait tâpkoa.

Hesekiel 30:13

Imâk oᴋarpoᴋ Nâlegaᴋ Nâlegaujoᴋ: gudingoattauᴋ asseroromârpakka, gudingoaliarimajullo Nôfemetut sorairtitsomârlugit; kingorngane angajoᴋâᴋsoaᴋarungnairtuksauvoᴋ Egiptenemit pijomik; nunamelo Egipteneme sivôraneᴋaromârpoᴋ.

Daniel 11:8

Gudingoangillo inungoaliarimajangillo auktisimajut, piᴋutingillo pivianartut goldimit silbirimillo sanamajut, aularutijomârpait Egiptinimut; tâpsomalo jârit ilangit nâvlugit ataniᴋ avanimioᴋ unangmitaililârpâ.

Sefania 2:11

Nâlegak erᴋsinadlaromârpok tâpkonunga, nuname Gûdeojut ilûnaita perlertitsomârmagit; opigijaksarivâllo inuit, ilûnatik inimingnit, ilâ, inôᴋatigêksuit ilûnatik kiglingit.

Rômiunut 13:12

Unnuaᴋ nâvoᴋ ᴋaulerdlunelo;) taimaimat tâᴋtub piniarningit iperarniarlavut, ᴋaumajuble sakkunginik atiniardluta.

Efêsusemiunut 4:24

Inuktârlo atiniarsiuk, Gûde adsilivlugo pingortisimajoᴋ idluarnerme, ajunginermelo, ivsornainermelo.

Efêsusemiunut 6:11

Gûdib saputjiniksanga atiniarsiuk, Sâtanasib pingitsertortub uivêriklerninginut sôngoᴋovluse.

Kolossamiunut 3:12

Taimaimat, Gûdub anerimajangititut ivsornaitutitullo, naglingnartutitullo, atinialeritse ômamut nâpkigosungnermik, inôtsiarnermiglo, piojoringinermiglo, ᴋenuênermiglo, kamangitsertornermiglo;

Kolossamiunut 3:14

Tamakkoale tamaita ᴋângitigut atiniarsiuk naglingnek, tagva nâmaksinerub ᴋelaksûtâ.