Jeremia 42:6 - Labrador Inuttitut Heritage Bible

⁶ Pijominarmangât pijominangimangâllônêt nâlagomavavut, Nâlakab Gudipta, ilingnik uvaptingnut tiliklertûb nippinga, ᴋanoengitsiarᴋovluta, Nâlakab Gudipta nippinga nâlakuptigo.

Jeremia 42:6 Iomraidhean Croise

Imgerut 128:2

Aggakpît sullijangit inogutiksariniarpâttit; pilloringnarmêk igvit, issumanârpotit.

Imgerut 78:36

Takkomôrvigivâllo ᴋannermingnut, sagloᴋilugolo oᴋamingnut.

Exodus 24:7

Angerᴋatigêngnerublo aglangit tiguvait atuarsivlunelo inuit tussâtilugit: tâpkoalo oᴋarput: Nâlekab oᴋauserijangit tamaita piniaromavavut, nâlagomavlutalo.

Jesaiase 3:10

Iduartut oᴋautigisigik, illingatsiarmatta, piniarnerijangita malliktingit inûtigijomâramigit.

Jeremia 22:15

Atanioniarasugivêt Sêdarenik pinnarnarsauteᴋaravît? Atâtait nerrilaungilâᴋ imilunalo, erᴋartuitsiarlunalo idluarsaitsiarlarmelô? Taipsomanalo ᴋanoengitsialauᴋpoᴋ.

Jeremia 43:4

Taimaimat Johanan, Kareab erninga, sorᴋsuktoᴋatigêksuillo angajoᴋângit ilûnatik, inuillo ilûnatik, nâlalungilat Nâlakab nippinganik, nuname Judeamêtuarᴋovlugit.

Jeremia 7:23

Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Rômiunut 7:13

Ajungitoᴋ tagva uvamnut toᴋonartôvâ? Taimaitsangilaᴋ! Ajornerle saᴋᴋerᴋovlugo ajortoᴋsôningane, uvamnut toᴋonartôlerpoᴋ ajungitoᴋ atorlugo; ajorneᴋ ajortovaksônerôlerᴋovlugo perᴋojamut.

Rômiunut 7:7

Kanoᴋ tagva oᴋartuksauvitâ? Perᴋojat idluitulijutauvât? Taimaitsangilaᴋ! Ajornerle illitarilaungilara, perᴋojanut kissiani; ikliguneᴋ nalolaurapko, perᴋojat oᴋangipatta: Ikliguktuksaungilatit.

Rômiunut 8:7

Uvingub issumanga Gûdemik ômisungniongmat; Gûdib perᴋojangit nâlagomanginamigit, saperpaillo.

Deuteronomy 5:27

Igvit ᴋaglisalaurit tusarniarlutillo tamainik Nâlekab Gûdipta oᴋauserijomajanginik; igvillo oᴋautigikit uvaptingnut tamaita Nâlekab Gûdipta oᴋauserijangit ilingnut; tagva tusaromavavut piniarlugillo.

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.

Deuteronomy 5:33

Arvertartuksauvose apᴋome ilûnâne Nâlekab Gûdipse perᴋojangane ilipsingnut, inôᴋovluse, piloridlarᴋovluselo, unuksititsiᴋovluselo uvlupsingnik nuname pigilârtapsingne.

Josua 24:24

Innugasaksuillo Josuamut oᴋarput: Nalegak Gudivut kivgartoromavavut nippingalo nalagomavavut.