Jeremia 42:3 - Labrador Inuttitut Heritage Bible

³ Nâlakab Gudivit unertutjiviginiarmatigut apᴋutiksarijaptingnik piniaraksarijaptingniglo.

Jeremia 42:3 Iomraidhean Croise

I Atannit 8:36

Tagva igvit tusalaurit ᴋillangme, isumagijungnailugillo kivgavit inuᴋotivillo Israelitit ajorningit, apᴋosinermik ajungitomik agvertarvigijaksarijanganik unnertutilaukârlugit, tunnijilutillo sillalungnermik nunakotingnut, tunnilauktarnut inuᴋotingnut, innigijauᴋovlugo tapᴋonunga.

Esra 8:21

Tagvanelo kôngme Ahevametome nerritailinek akpautigijauᴋovara, nikkanarsarluta Gudipta sângane piᴋovluta, ᴋennerluta tapsomangat apᴋomik tammarnangitomik uvaptingnut ᴋittorngaptingnullo, perᴋutiptingnullo tamainut.

Imgerut 27:11

Nâlegâk, apᴋosinernik unertutilaunga, tassiorlungalo apᴋosinerme tammarnangitome, akkerartortikka pivlugit.

Imgerut 86:11

Unertutilaunga Nâlegak apᴋosinernik, agvertarᴋovlunga mikseᴋârnerne; ômattiga pituarijamêtitsainaruk atternik sivuraᴋovlunga.

Salomob Okâl 3:6

Tamnâle erᴋaumatsainaruk apᴋotingne tamaine: tagva nâmaktomik tessiorniarpâtit.

Jesaiase 2:3

Nunaᴋatigêksuillo unuktut aijomârput oᴋarlutiglo: Attê! Nâlekab ᴋaᴋᴋanganut majorarta, Jâkob Gûdingata iglunganut, tâpsoma apᴋutigijaksaurᴋojanginik ajoᴋertortaurᴋovluta tâpsomalo apᴋutigijaksaurᴋojangine arvertarᴋovluta. Zionemit perᴋojat annijomârmatta Nâlekablo oᴋausingit Jerusalemit.

Jeremia 6:16

Imâk Nâlagaᴋ oᴋarpoᴋ: Nangeriartoritse apᴋosinerne, takonârluselo, apᴋosineolauᴋtullo apertsûtigilugit, apᴋutit naliat idluarnerpaumangât, tâpsomanalo arvertaritse, merngoerserviksarsilârpose tagva tarnipsingnut; tâpkoale oᴋarput: Tâpsomane arvertaromangilagut.

Migga 4:2

Inôᴋatigêksuillo unuktut ingeraromârput, oᴋarlutiglo: Kaileritse, majuarta Nâlekab ᴋaᴋanganut, Jâkoblo Gudingata iglunganut; tâpsomalo ajoᴋertulârpâtigut apᴋutauᴋojaminik, arvertaromavogullo apᴋutingine; perᴋojat anijomârmatta Zionemit, Nâlekablo oᴋausinga Jerusalemit.

Deuteronomy 5:26

Kinauvâ uvinilingnit tamainit tusarimajok Gûdib ômajûb nippinganik oᴋâlajomik ikomab iluanit uvaptitut, inôgannerlunelô?

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.