Jeremia 42:2 - Labrador Inuttitut Heritage Bible

² Oᴋarpullo Jeremiamut nalautaijomut: Kenunivut tôklerletôᴋ kênavit sânganut, Nâlagarlo Gudit tuksiarvigilauruk pivluta, amiakôjullo makkoa tamaita pivlugit; unuktôlauᴋtogut ikitôlerapta amiakôjogut sorlo ijîkpit takungmatigut;

Jeremia 42:2 Iomraidhean Croise

I Atannit 13:6

Atannerlo kiovlune oᴋarpok Gûdib anguteᴋotinganut: Nâlekab Gûdivit kênanga ᴋenuvigiuktôk, tuksiutilungalo, aggakka âkiktauᴋovlugit. Tagva Gûdib anguteᴋotingata Nâlekab kênanga ᴋenuvigiva, atanniublo aggangit âkilerput sivurnganetullo îdlutik.

Imgerut 119:170

ᴋennunera tikkile sângnut; piulilaunga angernît malliklugo.

Exodus 8:28

Farao tagva oᴋarpok: Aularᴋojomavapse, Nâlekamut Gûdipsingnut tunerguseriartorᴋovluse inuᴋangitomut, kisiane ungasiktomut pitailijuksauvose. Tuksiutisingatôk!

Exodus 9:28

Tuksialeritik Nâlekamut, Gûdib kallidlartitsininga nattarᴋonâluillo sorairᴋovlugit; tagva aularᴋojomavapse tamânêrᴋojomairluse.

Jesaiase 1:15

Aggaselo uvamnut issagalloarapsigik, kênara ijerpara illipsingnut; tuksiaᴋattaralloarapse, tussangilapse, aggase auliksôngmatta.

Jesaiase 1:9

Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 37:4

Nâlegaᴋ Gûdit tussarniangikune Rabsakib oᴋausinginik illũnainik, tillijaumajub angajoᴋâminut, Assiriamiut attaningannut, Gûdemik ômajomik mittauteᴋalerᴋovlugo. Imaᴋâ sugiarniarpâ oᴋautsit pivlugit Nâlekab Gûdivit tussartangit. Tagva igvit amiakôjut, ᴋemaktaujut sulle tuksiarutigilaukit.

Jesaiase 42:20

Unuktut takogalloarlugit erᴋaumalungilattit, siutîkik angmaralloartillugik tussalungilatit.

Jeremia 15:11

Nâlagarle oᴋalauᴋpoᴋ: Ahamarik, pitsartutitsomavagit ajungitomut, ahamarik, ômisuktut ᴋenujartortitsomavakka ilingnut kapiasungnerub naliuningane oᴋumaititaunerublo naliuningane.

Jeremia 2:27

Oᴋartut ᴋejungmut: Atâtagivagit; ujarᴋamullo: Ernerivarma; taipkoa tunupânga sâvigingilângalo; kapiasungnermiglo naliuningane oᴋaromârput: Nikovilaurit piulilutillo.

Jeremia 21:2

Nâlagaᴋ apertsulauruktôᴋ pivluta; Nebukadnezarib, ataniojub Babiloneme, unatarvigijartormatigut; imaᴋa Nâlakab piniarvigilârpâtigut tatamnartulinerivaktane maliklugit, aularmiᴋovlugo uvaptingnit.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 37:20

Mânalo nâlalaungatoᴋ, nâlagara ataniojotit, ᴋenunera nâmagijaulauletôᴋ sângne; utertitsiᴋonak uvamnik Jônatab aglakpaktub iglunganut, toᴋoᴋonanga tagvane.

Jeremia 37:3

Zedekiablo ataniojub Jehukal, Selemiab erninga, Zefanialo, Masîab erninga, ajoᴋertuijok, tilivak nalautaijomut Jeremiamut, oᴋarᴋolugiglo: Tuksiutisârlauᴋtiguttôᴋ Nâlakamut Gudiptingnut.

Jeremia 38:14

Atanerlo Zedekia tiliklerpoᴋ, Jeremialo pititsartorpâ ingminut Nâlakab iglungata itertarviata pingajuanut; ataniublo Jeremia oᴋautivâ: Atautsemik aperijomavagit; angigutiniarnanga sumik.

Jeremia 40:15

Johananiblo, Kareab erningata, angigutjilune Gedalia Mispame oᴋautivâ: Ailaulangatoᴋ, Ismaêlelo, Netaniab erninga, toᴋotsomavara ᴋaujimajoᴋartinago; sôᴋ tâpsoma toᴋotaksarivâtît, Judillo ilûnatik ilingnut katersortut siamarᴋolugit, Judablo amiakungit asserorᴋovlugît?

Jeremia 42:20

Tarnise terliarapsigik; tililaurapsinga Nâlakamut Gudipsingnut, oᴋarluse: Tuksiutilauᴋtigut Nâlakamut Gudiptingnut, Nâlakablo oᴋauserijangit tamaita maliklugit taimak nalonaijaivigitigut, taimailioromavogullo tagva.

Jeremiab Ogguarutigijangit 1:1

Sinaungamek! Iglugasaksuit inuᴋatsialauktut inuêrutingmatta! Uigarnertut iput! Angijôdlalauktut inôᴋatigêksuit akorngane, ataniublo paningatut ilingalauktut nunaᴋutaujut akorngane, akkilêjariaᴋartungorput!

Hesekiel 12:16

Ikitunigle simnikoᴋartitsomârpakka saviksoarmit kangnartoᴋsoarmillo nûsilingnartomillo; inôᴋatigêksoarnut tikitamingnut unipkarungnarᴋovlugit maᴋojungnartulinerijamingnik tamainik; missigijuksauvullo uvanga Nâlegaugama.

Hosea 8:10

Pajugaksarsioraloarunigle inôᴋatigêksuit akorngane, mâna katersoromavakka; ikitlititaulilârpullo angajoᴋâᴋsuit ataningata oᴋumaiksartsininganut.

Leviticus 26:22

Omajuniglo nujoartunik tiliklilârpunga akunapsingnut, tâpkoalo aᴋsâromârpâse ᴋitorngapsingnik, ômajoᴋotiselo asserorlugit, ikitlitiluselo; apᴋosiniselo inuêrutijomârput.

Amos 7:2

Imaiporlo: nunab iviksukangit nungulugit nerrijarêrmagit, oᴋarpunga: Nâlegak Nâlegaujotit, issumagijungnainilaurittôk; ᴋanok Jâko makitajungnalârᴋâ? Mikijôngmat.

Mattêuse 24:22

Uvlullo taipkoa ikitlijauniangipatta, inuk atauserlônêt piulijaunajangilak; anerimajulle pivlugit uvlut taipkoa ikitlijaujomârput.

Apostelit Piniarningit 8:24

Tagva Simon kiovoᴋ oᴋarlunelo: Iliptik Nâlekamut tuksiaritik pivlunga, oᴋautigijaptik naliallônêt uvamnut perᴋonago.

Deuteronomy 28:62

Ikitôvluselo amiakojomârpose, sivorngane ᴋilaub uvloriangititut unuktigilauraloarapse, Nâlekab Gûdivît nippinganik nâlalaunginapse.

Deuteronomy 28:63

Imaitsomârporlo, sorlo Nâlekab ᴋuviasûtigilaungmase ajungitulivigijomavluse unuksititsomavluselo, taimak Nâlekab ᴋuviasûtigijomârpâse asseroromavluse nunguluselo; pêjartaujomârposelo nunamit aivigijapsingnit pigijomavlugo.

Deuteronomy 4:27

Nâlekablo siamartitsomârpâse inôᴋatigêksuit akorngane, amiakojomârposelo inuit ikitut inôᴋatigêksoarne Nâlekab aularutjauviotitangane ilipsingnut.

Jâkobusib 5:16

Ajornipsingnik kigligiksaritse ilapsingnut, tuksiarutigêgitselo inûlijauᴋovluse. Idluartub tuksiarninga angijomik pitsartuneᴋarpok, ilungertornermut pigune.

I Samuel 12:19

Oᴋarlutiglo Samuelemut: Nalegak Gudit tuksiarvigiuk kivgatit pivlugit, toᴋᴋolerᴋonata; ajornivulle illunaita tappilugit, idluitomik tamattominga pilaurivogut, attannermik tuksiarlaurapta uvaptingnut.

I Samuel 12:23

Ungasigletauk uvamnit, taimak idluitullilunga Nalekamut nokᴋartuksaugama tuksiarutigiluse, ajochertorluselo apᴋomik idluartomik tamarnangitomiglo.

I Samuel 7:8

Oᴋarpullo Samuelemut: Sorairniarnak tuksiarutigiluta Nalekamut Gudiptingnut, piuliklerᴋovlugo uvaptingnik Filisterit agganginit.