Jeremia 42:18 - Labrador Inuttitut Heritage Bible

¹⁸ Imâk oᴋarmat Nâlagaᴋ Zebaot, Israêlib Gudinga: Sorlo ningaumajârnera ᴋaningaumajârneralo kovijaumangmat Jerusalemib inunginut, taimaktauᴋ ᴋaningaumajârnera kovijaulârivoᴋ ilipsingnut Egiptenaliarupse; ôminarsitiksaujomârposelo, tataminiarutiksauvluselo, oᴋarnerlutjaujutiksauvluselo, mitautiksauvluselo; nunalo tamanna takoniarungnaipase kingorngane.

Jeremia 42:18 Iomraidhean Croise

II Kronika 34:25

Tamanna pivlugo, ᴋemmalaungmanga, Gudiblo assingit isserluanititsivigilaungmattigik, ningaksarlunga aggangita pinniarninginut sunatuinarnut. Ningarneralo navijaujuksauvok iglugasaksoarnut makkonunga, ᴋamitauniangilarlo.

Jesaiase 30:3

Kissianele Faraub pitsartuninga kangusûtiksaujomârpoᴋ illipsingnut, ᴋemâniselo Egiptenib tachalininganut mittautiksaujomârpoᴋ.

Jesaiase 65:15

Attiselo ᴋemagomârpasse anerijamnut ôminautiksangortillugo, Nâlekab Gûdib toᴋotsomârmasse; kivganele atseraromârpait attermik assianik.

Jeremia 18:16

Nunangat tataminiarutiksauᴋovlugo mitautiksauᴋovlugolo soraijuitomik; ilûnatik apᴋusârtut tagvunga tataminialârput ileᴋetamârlutiglo.

Jeremia 22:27

Nunamulle tarnimik kajungervigijanganut utertuksauniatsangilak.

Jeremia 23:40

Tikiutjijomavungalo ilipsingnut naggonartiksamik issoᴋarniangitomut, kangusûtiksamiglo sorainiangitomik puigortauniatsangitomik.

Jeremia 24:9

Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 29:22

Tâpkoalo oᴋarnerlutigijaujomârpuk Judamit aularutijaujunut tamainut Babilonemêtunut, oᴋautauvlutik: Nâlakab ilingatilitit Zedekiatut Ahabetullo, Babilonib ataningata ôtitâgiktitut ikomamut;

Jeremia 33:5

Itervigivait Kaldêamiut sorᴋsugomavlugit, tataniarpaille timinik toᴋungajunik, toᴋotamnik ningarnimne ᴋaningaumajârnimnalo, pitjutigijamnik kênara allartitsomagapko iglugasaksoarnit ukkunangat idluituliningit tamaita pivlugit.

Jeremia 44:12

Judablo amiakungit, sangutitsisimajut kênamingnik aijomavlutik nunamut Egiptenemut taikane nunaᴋaromavlutik, tgujomârpakka nungutaujuksauvullo; nuname Egipteneme ioggotsomârput; nungutaujomârput saviksoarmut kângnartoᴋsoarmullo; toᴋojomârput, mikinerpâmit anginerpâk tikidlugo, saviksoarmut kângnartoᴋsoarmullo; ôminarsititaujomârpullo, tataminiarutiksaujomârlutiglo, oᴋarnerlûtiksaujomârlutiglo, mitautiksaujomârlutiglo.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 44:6

Tamanna pivlugo ningaumajârnera ᴋaningaumajârneralo kovijauvuk, ikoâlalauᴋpuglo Judab iglugasaksoangine Jerusalemiblo apᴋosineâlungine; tâpkoalo asserortaumavut inuilangorlutiglo sorlo uvlome pingmatta.

Jeremia 44:8

Taimaidluse ningarsârpapsinga aggapse sanajanginut, tipigiksautinik isserluanititsigapse gudingoanut assimnut nuname Egipteneme nunagijartortapsingne; nakartauᴋovluse, oᴋarnerlutauᴋovluselo mitautauᴋovluselo inôᴋatigêksuit nunamêtut tamaita akorngane.

Jeremia 6:11

Taimaimat tattadlarpunga Nâlakab ᴋaningaumajârninganik; nunnomangudlarpunga; kovileruk sorutsinut apᴋosinernêtunut, inôsuktunullo katimgajunut; tagva angut nuliangalo tigujaujuksauvuk, inuᴋoartoᴋ uvloᴋartorlo unuktunik.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremiab Ogguarutigijangit 2:4

Omisuktotut pitiksine ᴋeluvâ, nangerporlo aggane talerpît issaklugit akkerartortotut, takominartut tamaita toᴋodlugit; ningarninelo kovivâ ikomatut Zionib paningata tuppinganut.

Jeremiab Ogguarutigijangit 2:6

Aksorotjilune avaloksoanga pêjarpâ, sorlo perorsêvingmut kisiane ilingajotut ilingangmat; katimaviksoangalo asserorpâ; Nâlekab katimaniksat opinartut sabbatillo puigortautipait Zioneme, ningaumajârnimelo ilungertorningane atanerlo ajoᴋertuijorlo naggogivâk.

Jeremiab Ogguarutigijangit 4:11

Nâlekab ningaumajârnine nâmaksitilaukpâ, ningarnersoane kovilaukpâ; Zionemelo ikitsivok ikomamik nungutsijomik tungavinginik.

Hesekiel 20:34

Tikiutijomavapselo inôᴋatigêksuit akornganit, katersoromavapselo nunanit siamarvigijapsingnit, aggangnut pitsartujunut, talingmullo issamijomut, ᴋaningaumajârnermullo kovijaujomut;

Hesekiel 22:22

Sorlo silbere auksititaungmat auksititsivingme, taimaluatsiaᴋ auksititaujomârpose iluane; ᴋaujijuksaulârposelo uvanga Nâlegaujunga ningaumajârnera kovigapko ilipsingnut.

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Daniel 9:27

Tâmnalo unuktunut angisimaniliolârpoᴋ aulangitomik vôgi atausiᴋ nâvlugo; vôgiblo ᴋitiᴋangani tunigutit toᴋotaksat tunigutillo niᴋiksat sorairtitsomârpait; maᴋojungnartulinirublo nuvugusingani assirosaijoᴋsoaᴋalârpoᴋ; nâmaksititauninga kajusijutaujoᴋ tikidlugo ningarnisoaᴋ kovijaulârpoᴋ assirosaijunut.

Hosea 7:16

Sâgiarput, ᴋotsiktomêtomulle pinatik; pitiksitulle ᴋasungajotut iput; angajoᴋâᴋsoangit saviksoarmut oggolârput oᴋamik ᴋasilidlarningit pivlugit; tamanna mitautaujutigilârpât Egipteneme.

Nahum 1:6

Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Saggaria 8:13

Imaitsomârporlo, sorlo ômisautiksaulaurapse inôᴋatigêksuit akorngane, ilipse Jûdab Israêliblo ᴋitorngangit, taimak piulijomavapse, saimarsautiksangolârposelo: sivôraniarase, aggaselo pitsartutisigik.

Numbers 5:27

Imerlo tamanna imilerêruniuk, ahâk, sujuktaumakpat uinelo idluitulivigilauᴋpago, imeᴋ ôminarsijutiksaᴋ itilârpoᴋ tâpsomunga sungarnitungorniarlunelo, nângalo publilârpoᴋ, ᴋoktorangalo uvinêrutilârpoᴋ; arnarlo ôminartungolârpoᴋ inôᴋatime akorngane.

Takotitaunermik 14:10

Tâmna imeromârpok Gûdib ningausingata vaininganik illaᴋangitomik ningausingata ermgusiarsunganut kovijaujomik; naiatitauniarlunelo ikomamut orᴋsorutelingmut, Engelit ivsorânitut Saugârsûblo takoane.