Jeremia 42:16 - Labrador Inuttitut Heritage Bible

¹⁶ Tagva saviksûb sivôragijapse angujomârpâse taikane nuname Egipteneme, kângnartoᴋsûblo kapiasûtigijapse udlalârpâse taikane Egipteneme; taikanalo toᴋojomârpose.

Jeremia 42:16 Iomraidhean Croise

Salomob Okâl 13:21

ᴋanoênerub ajortullijut unangmivait, idluartulle ajungitomik akkilertauvut.

Jeremia 27:8

Pijoᴋalârporlo, inôᴋatigêksuit ataniovillo kivgartoromangitut Nebukadnezaremik, Babilonib ataninganik, ilijijomangitullo ᴋongasermingnik Babilonib ataningata nangmautinganut, inôᴋatigêksuit tâpkoa sugiaromavakka saviksoarmut, kângnartoᴋsoarmullo nusilingnartomullo, nungutsiᴋârtinanga tâpkoninga tâpsoma agganginut.

Jeremia 41:18

Kaldêamiut pitjutigivlugit, sivôragigamigit, Ismaêlib, Netaniab erningata, Gedalia, Ahikamib erninga, Babilonib ataningata atanerusingortitanga nunamut, toᴋosimalaungmago.

Jeremia 42:13

Oᴋarupsele: Nuname tamattomane nunaᴋaromangilagut; nâlaktailiᴋovluse Nâlakab Gudipse nippinganik;

Jeremia 44:27

Ahak, kamagijomavakka idluitomut, ajungitomu-ungitorlo; Judablo inungit ilûnaita nuname Egipteneme nunaᴋartut nungutaujuksauvut saviksoarmut kângnartoᴋsoarmullo nungumariᴋârtinagit.

Hesekiel 11:8

Sivôralauᴋpose saviksoarmik: uvangalo saviksoaᴋ tikiutijomavara ilipsingnut, oᴋarpoᴋ Nâlegaᴋ Nâlegaujoᴋ.

Saggaria 1:6

Oᴋausimale kajusijutigijamalo, perᴋolauktama kivgamnut nalautaijunut, atâtase angulaungilagît? Tâpkoalo sâput oᴋarlutiglo: Sorlo Nâlegak kajusilaurame ᴋanok piniarvigijomavluta apᴋutigijavut piniarnerijavullo maliklugit, taimak piniarvigivâtigut.

Johannese 11:48

Taimailingatileruptigo, tagva ilûnnatik okperviginiarpât. Tagva Rômiut ᴋainiarput, aᴋsârniarlutalo nunaᴋotiptingnik inuᴋotiptingniglo.

Deuteronomy 28:15

Nâlekable Gûdivît nipinga nâlagomangikungne, perᴋojangit maligaksauᴋojangillo tamaita, perᴋojijutigijakka ilingnut uvlome kamagitsiaromanagit piniaromanagillo; tagva ôminarsinerit makkoa ilûnatik tikilârpâtit nelaudlutillo.

Deuteronomy 28:22

Nâlekab annaulârpâtit uvinêrutinermut, olingnartoksoarmullo, kiaksoarmullo ikomaujârtotut, imairutinermullo, anoremullo toᴋonartomut, sapᴋarmullo; tâpkoalo unangmilârpâtit nungutauᴋârtinak.

Deuteronomy 28:45

Ominarsinerillo tamakkoa ilûnatik tikilârpâtit, udlalârlutillo, angulutillo, nungutauᴋârtinak; Nâlekab Gûdivît nippinga nâlalaunginangne, tâpsoma perᴋojangit maligaksauᴋojangillo perᴋojijutigijangit ilingnik malilaunginangne;