Jeremia 42:10 - Labrador Inuttitut Heritage Bible

¹⁰ Nuname tamattomanêgomagupse tamattomanêtuinaritse inersititsomârpapse igupteromanaselo, ilijomârpapselo nusugomanaselo; ajortoᴋ piniarnerisimajara ilipsingnut ᴋaᴋialerutigigapko.

Jeremia 42:10 Iomraidhean Croise

II Samuel 24:16

Engeliblo aggane issangmagit Jerusalemib ᴋollânut asseroromavlugit; Nalegak ᴋaᴋᴋialerpok idluinermik tamattominga, oᴋarlunelo Engelemut, asseroijomut innugatsoarnik: Namaksivok, aggaktit erᴋitikit. Nalekable Engelinga Arafnab Jebusitereôjub ᴋaᴋᴋojaksaliorvinganelaukpok.

Imgerut 102:16

Nâlekab Zion iglugasalliormagit saᴋᴋermallo opinarnermine.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 37:3

Nâlegak tattigiuk ajungitullilutillo; nunamêtuarit, nertornarnermiglo serrijuteᴋarit!

Imgerut 69:35

Gûdib Zione ikajorniarmago Judablo iglugasaksoangit iglugaseliorniarpait, tagvane igloᴋartoᴋarᴋovlugo, perᴋutigijauᴋovlugillo.

Exodus 32:14

Nâlegarlo anusingorpok idluinermit piniaromajaminit inuᴋotiminut.

Jeremia 24:6

Ijîkka torârtitsomavâkka tâpkonunga ajungitulivigijomavlugit, utertitsomavakkalo nunamut mattomunga; âᴋiksoromavakkalo serᴋominagillo, perortitsomavakka nussungnagillo.

Jeremia 26:19

Hiskiab, Judab ataningata, Judablo inungita ilûnatik toᴋolauᴋpatsûk? Nâlagaᴋ sivôragilaungilaûk, Nâlakablo saimaninga ᴋenuarilugo, Nâlakablo ᴋaᴋᴋialerutigilaungilaûk idluineᴋ oᴋautigilauᴋtane piniaromavlugo tâpkonungâ? Taimaglo tarnivut idluitulivigidlarajarpavut.

Jeremia 27:11

Inôᴋatigêksuille ilijijomajut ᴋongasermingnik Babilonib ataningata nangmautinganut kivgartoromavlugo, tâpkoa nunamingnêtuarᴋojomavakka, oᴋarpoᴋ Nâlagaᴋ; perorsêvilerivigilârpâllo nunagilugolo.

Jeremia 31:28

Pijoᴋalârporlo, sorlo kamagilaurapkit nusugomavlugit serᴋomitsomavlugillo, oggotitsomavlugit asseroromavlugillo, kapiasuktitsomavlugillo; taimaluatsiaᴋ kamagijomagivakka âᴋiksoromavlugit ilijomavlugillo, oᴋarpoᴋ Nâlagaᴋ.

Jeremia 33:7

Judablo aularutijauningat Israêliblo aularutijauningat utertitsomavakka âᴋiksoromavakkalo sorlo pigiarnerme.

Jeremia 43:4

Taimaimat Johanan, Kareab erninga, sorᴋsuktoᴋatigêksuillo angajoᴋângit ilûnatik, inuillo ilûnatik, nâlalungilat Nâlakab nippinganik, nuname Judeamêtuarᴋovlugit.

Hesekiel 36:36

Inôᴋatigêksuillo amiakôjut avatipsingnêtut ᴋaujijuksaulârput uvanga Nâlegaujunga serᴋimisimajut âᴋiksorapkit, perortoᴋartingmilugillo ᴋemaktaumalauᴋtut; uvanga Nâlegaujunga taimak oᴋarpunga, taimailioromârpungalo.

Hosea 11:8

Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.

Joel 2:13

Omatiselo aliksigik annorâse pinagit, sâgiaritselo Nâlekamut Gudipsingnut; tâmna saimarosudlarmat, ilapsugosuktoᴋsôvlunelo, ningarsarailungitoᴋ, nâpkiniktoᴋsôvlunelo, ajortomiglo anusingorsarpoᴋ.

Amos 7:3

Nâlegak nâpkigosulerpok tagva tamanna pitjutigivlugo; Tamanna pijuksaungilaᴋ, oᴋarpok Nâlegak.

Amos 7:6

Nâlegak nâpkigosulerpok tagva tamanna pitjutigivlugo: Tamannatauk pijuksaungilak, oᴋarpok Nâlegak.

Jona 3:10

Gudiblo iliorningit takovait, sâgiarmatta apᴋotigijamingnit idluitunit; Gudiblo ᴋaᴋialerutigivâ idluitoᴋ oᴋautigilauᴋtane piniaromavlugo tâpkonunga, piniarnerilungilâlo.

Jona 3:4

Jônalo iglugasaksoarnut itilerpoᴋ uvlûb atautsib ingiKavigigianga nâvlugo, oᴋâlalerporlo, oᴋarlune: Uvlut 40 ᴋângerpatta Ninive asserortaulârput.

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Apostelit Piniarningit 15:16

Tamattoma kingorngagut uteromagivunga, Dâvidib iglunga imiksimajok sananiardlugo, aserorningillo idluarsaromavakka nappartilugillo.

Deuteronomy 32:36

Nâlekab inuᴋotine erᴋartoromârmagit kivgaᴋotinelo nâpkigilugit; takogame pitsartuerutingmatta, simnikoᴋarungnairmat ᴋomergutaujomiglônêt atuinaujomiglônêt.

Idluarsaijut 2:18

Nâlekable idluarsaijoᴋartilaurangagit, tagva Nâlekab idluarsaijok aiparilaukpa, ikkajorlugillo omigijingita agganginit idluarsaijok inotillugo. Nâlekab tapkoa ogguarningit, taipkoa oᴋumaiksartitsijut tapkoninga pivlugit, illapsugosujutigingmagit.