Jeremia 40:7 - Labrador Inuttitut Heritage Bible

⁷ Sorksuktuksallo angajoᴋângit ilûnatik nunatuinarmêtut, tâpkoalo angutingillo tusaramik Babilonib ataningata Gedalia, Ahikamib erninga, atanerusingortisimangmago nuname, tâpsomungalo pairijaksautingmagit angutit, arnallo, sorutsillo, aklunerpaujullo nuname, Babilonemut aularutijaungitut;

Jeremia 40:7 Iomraidhean Croise

II Atannit 25:12

Nunamiullo erkananginerpânginit sorsuktuksat angajoᴋangata ilangit nokkarkovait, perorsêvilerijioᴋovlugit Weineliksanik, ᴋakᴋojaksaniglo.

II Atannit 25:4

Iglugasaksuillo pittaktauvut, sorsuktuksallo ilunnatik unnuarme ᴋemâvut itterviksoakut atanniub perorsevingata avalukita akkorngangnetokut. Kaldarille iglugasaksuit avatânelaukput. Atannerlo kemmâvok apᴋosinerme naternamut torartome.

Jeremia 39:10

Nebuzaradanible, ataniub udjertortingita angajoᴋângata inuit aklujungita ilangit, sunaᴋangitut, ᴋemakpait Judab nunangane, tunitjivigiᴋasiutilugillotauᴋ vaineliksatalingnik perorsêvingniglo.

Jeremia 39:14

Tiliklerput, Jeremialo tigulât udjertortut iglunganit, pitilugolo Gedaliamut, Ahikamib, Sâfanab erningata erninganut, tâmna angerautjiᴋovlugo tâpsominga; taimaglo inuit aᴋornganêpoᴋ.

Jeremia 39:4

Pijoᴋarporlo, Zedekiab Judab ataningata sorᴋsuktoᴋatigêksoangitalo ilûnatik takungmagit, ᴋemâvut, unnuarmelo anivut iglugasaksoarnit, ataniub perorsêvingata apᴋutâgut, itertarvikut ᴋarmaᴋsoâk tapitarêk akorngangnêtokut, anivullo naᴋsarsûb apᴋotinganut.

Jeremia 39:9

Nebuzaradaniblo, ataniub udjertortingita angajoᴋângata inuit iglugasaksoanêtualauᴋtut amiakungit aularutivait Babilonemut, ᴋemâmalauᴋtullo tâpsomunga, inuillo amiakôjut simnikungit.

Jeremia 41:1

Pijoᴋarporlo taᴋᴋit 7ingane, Ismaêl, Netaniab, Elisamab erningata, erninga, ataniub ilangat, ataniub angajoᴋâᴋsoangita ilangat, angutinik 10nik ilaᴋarlune, tikingmat Gedaliamut, Ahikamib erninganut Mispamut; tagvanalo neriᴋatigêkput Mispame.

Jeremia 41:10

Ismaêliblo aularutivait inuit amiakôjut Mispame tamaita, ataniublo paningittauᴋ, inuillo tamaita amiakôjut Mispame, Nebuzaradanib, ataniub udjertortingita angajoᴋângata pititangit Gedaliamut, Ahikamib erninganut; Ismaêliblo, Netaniab erningata, aularutivait, aularporlo ikâriartoromavlune Ammonib kinguvânginut.

Jeremia 41:11

Johananele, Kareab erninga, sorᴋsuktoᴋatigêksuillo angajoᴋângit tâpsomanêtut ilûnatik tusarmatta Ismaêlib, Netaniab erningata, idluitulininginik tamainik piniarnerijanginik,

Jeremia 43:6

Angutit, arnallo, sorutsillo, ataniublo paningit, inuillo ilûnamasiatik Nebuzaradanib, ataniub udjertortingita angajoᴋângata ᴋemaktaviningit Gedaliamut, Ahikamib, Sâfanib erningata, erninganut, Jeremialo nalautaijoᴋ, Bârukelo, Neriab erninga;

Jeremia 52:16

Nebuzaradanible, ataniub udjertortingita angajoᴋâᴋsoangata, inuit aklujungita ilangit amiakôtipait vaineᴋuteleriᴋovlugit perorsêvileriᴋovlugillo.

Hesekiel 45:16

Inuit nunamêtut ilûnatik tunitjiᴋataujuksauvut tunergutimut tamattomunga angajoᴋâᴋsoangojomut Israêleme.