Jeremia 4:6 - Labrador Inuttitut Heritage Bible

⁶ Nalunaikusêgitse katimaᴋojijutiksamik Zionemut, unneᴋsioritse muludlaraselo, avangat tikititsijomagama kapianadlartomik asserornartoᴋsoarniglo.

Jeremia 4:6 Iomraidhean Croise

Jesaiase 62:10

Annititse, annititse upkoaᴋsoatigut, inuit apᴋutiksanginik âᴋiksoileritse; maniksaileritse, maniksaileritse apᴋosinersoarmik, ujarait pêrniarsigik, inugasaᴋsoarnut saimasileritse kattilerutiksamik.

Jeremia 10:22

Ahâk, pervalungnerub nipjârninga tamaungalerpoᴋ, perajalungnersoarlo nunamit taggardlermit, Judab iglugasaksoangit asseroromavlugit, inniksangortitsomavlugit terrianiangojârtunut.

Jeremia 18:11

Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 21:7

Kingornganalo, oᴋarpoᴋ Nâlagaᴋ, Zedekia Judab ataninga, kivgangillo, inuillo, amiakôjut nusilingnartomit, saviksoarmillo, kângnartoᴋsoarmillo, tunijomavakka Nebukadnezarib Babilonib ataningata agganginut, ômigijimiglo agganginut, inôsinginiglo pinasuartut agganginut; tâpsomalo annaulârpait saviksûb kênanganut; nikaginiangilait, naiperᴋutiginagillônêt.

Jeremia 22:7

Atuinaruterijomavungalo asseroijuksanik ilipsingnik, ilûnatik sakkolijarlutik; tâpkoalo nakkatsijomârput napârtoᴋotingnik Sêdarenik piojunik, êgilugillo ikomamut.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 4:21

Kanoᴋ akunertigijomik nalunaikutak katimaᴋojijût takonârniarpigô, tiptulautiblo nippinga tusarlugô?

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Jeremia 50:22

Unatarnerub ivulungninga tusaksauvoᴋ nuname, asserorsainersoarlo.

Jeremia 51:12

Nulunaikusêgitse katimaᴋojijutiksamik Babilonib avaluᴋsoangine, udjertortuse sôngotisigik, kamajut âᴋiksorsigik, suingaijuksat atuinarusigik; Nâlakab issumaksarsiorutigilugolo nâmaksitingmago oᴋautigijane Babilone pivlugo.

Jeremia 51:27

Nalunaikusêgitse katimaᴋojijutiksamik nuname, tiptulausijaritse inôᴋatigêksuit akorngane; inôᴋatigêksuit parngnaitisigik sorᴋsungnermut tâpsominga, ataniovît Ararâtelo, Minnilo, Askenâselo katimaᴋosigik tâpsomunga; opaktortuksat tâpsominga angajoᴋâᴋsoaksanganik ilijigitse; horsit takpaungartisigik ᴋuglugiatitut merᴋoliktitut ilivlutik.

Jeremia 51:54

Kôrᴋsudlartut nipliadlarningat tusaksauvoᴋ Babilonemit, nungutsinerublo pervalungninga Kaldêamiut nunanganit;

Jeremia 6:1

Jerusalemit ᴋemâleritse, ilipse Benjaminib ᴋitorngangit, tiptulausijaritselo Tekoame, Nalunaikusêgitselo Bethkerememe, idluitoᴋ aningmat avangat, asserornartoᴋsoarlo.

Jeremia 6:22

Imâk Nâlagaᴋ oᴋarpoᴋ: Ahâk, inugiartoᴋsoarnik tikitoᴋaromârpoᴋ nunamit taggardlermit, inôᴋatigêksuillo allakâromârput nunamit ungasingnerpângojomit.

Hesekiel 9:1

Nippersoarmut tagva nipliavoᴋ tusâtilunga, oᴋarune: Kaglileritse ilipse iglugasaksoarnik udjertorteojose, atunit asserortautise tigumiarlugit.

Hesekiel 9:2

Ahâglo, angutit pingasojortut tikilerput itertarviub timerdliub avunga sangmijub apᴋutâgut, atunit tigumiarlutik sakkomingnik toᴋotsijûtinik; angulle atauseᴋ akuliovoᴋ tâpkonane ᴋaᴋortamik annorâlik, aglaktub pôᴋtanganik ᴋeterumiutalik. Iterpullo nangerlutiglo tunerguserviub ᴋaᴋorliub seniane.

Sefania 1:10

Uvlormelo tâpsomane ᴋôrᴋsudlartut nippingit tusaksaujomârput itertarvingmit aulasagatalingmit, oᴋarpok Nâlegak, erinaluaᴋinermiglo iglunit allerpânit, kataᴋallânermiglo ᴋakᴋanit.

Saggaria 6:6

ᴋamutîk ᴋernertanik horselîk aularpûk nunamut avanêtomut; ᴋaᴋortalîglo aularpûk tâpkoa maliklugik; sinarnalariktalîglo aularpûk nunamut ânêtomut.