Jeremia 4:4 - Labrador Inuttitut Heritage Bible

⁴ Kipisileritse ilipsingnik Nâlakamut, ômatipselo kipimanginingit pêjarsigik, anguteojose Judame, inôjoselo Jerusaleme; ᴋaningaumajârnera aniᴋonago ikomatut, ikoâlaᴋonagolo ᴋamitaujungnangitomik kimullônêt piniarnipse idluitoᴋsôningat pivlugo.

Jeremia 4:4 Iomraidhean Croise

II Kronika 34:25

Tamanna pivlugo, ᴋemmalaungmanga, Gudiblo assingit isserluanititsivigilaungmattigik, ningaksarlunga aggangita pinniarninginut sunatuinarnut. Ningarneralo navijaujuksauvok iglugasaksoarnut makkonunga, ᴋamitauniangilarlo.

Jesaiase 10:17

Israêliblo ᴋaumanerijanga ikkomangolerpoᴋ, ivlernartitorlo Israêlikkune ikkoalajungolerpoᴋ, ukpigait perornerdluktullo kakkilautilît ikkidlugit nungudlugillo uvlorme attautseme.

Jesaiase 30:33

Ikkoalaviksoaᴋ itsaᴋsoarnit pijarêrsimavoᴋ, attanermuttauᴋ pijarêrsimavoᴋ, ittijôvlune nerrotovlunelo; ikkoalaviksoarlo ikkomaᴋarpoᴋ ikkomaksaᴋarlunelo amigangitunik. Nâlekab anerningata ikkitsomârpait, orᴋsorutitut kôktotut illingavlune.

Jesaiase 51:17

Tupalerit, tupalerit makkilutillo, Jerusaleme, Nâlekab agganginit imerangne ermguseᴋ ningaumajârningata pinga, ermgusiarsuk kaibjaijutiksatalik nungupat, (kuttingit) alluktorlugit.

Jeremia 15:14

Atautitsomârpakkalo ômigijingnut nunamut ilitaringitarnut; ikoma ikoâlangmat ningaumajârnimne, ikitsilârtomik ilipsingnik.

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 21:5

Uvangalo nangmineᴋ unatarvigijomavapse agganut issângajunut talermullo pitsartujomut, ila, ningârnerme, ᴋaningaumajârnermelo, ilungertudlarnermelo.

Jeremia 23:19

Ahâk, Nâlakab aᴋᴋunaᴋsoanga, ila, ᴋaningaumajârninga, anisimavoᴋ, ila, ullajujaᴋsoaᴋ; ᴋâgomârpoᴋ idluitulijut niaᴋunginut.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 44:22

Nâlagarlo kamangitsertorungnaisinnarpoᴋ, piniarnipse idluiningit pitjutigilugit, maᴋojungnartulinerijaselo pitjutigilugit; tamanna pivlugo nunase asserorsimavok tataminiarutaularmelo, oᴋarnerlutjauvlunalo, inuᴋarungnaivlune, sorlo uvlome pingmat.

Jeremia 9:25

Ahâk, naliutsomârpoᴋ, Nâlagaᴋ oᴋarpoᴋ, pidlarnigomârama kipimajunik kipimangitut ilagilugit;

Jeremia 9:26

Egipten, Judalo, Edomelo, Ammoniblo ᴋitorngangit, Moabelo, ilûnaitalo salimajunik nujalit ulloangmingne, sunaᴋajuitome nunaᴋarpaktut; inôᴋatigêksuit ilûnatik kipimangitôngmatta, Israêliblo ᴋitorngangit ilûnatik kipimangitongmatta ômatimikkut.

Jeremiab Ogguarutigijangit 4:11

Nâlekab ningaumajârnine nâmaksitilaukpâ, ningarnersoane kovilaukpâ; Zionemelo ikitsivok ikomamik nungutsijomik tungavinginik.

Hesekiel 16:38

Erᴋartoromavagillo sorlo arnat nuliarêngnermik asseroijut aungmiglo kovisijut erᴋartortaungmatta; ningaumajârnerublo ilungertornerublo aunga tikiutijomavara ilingnut.

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Hesekiel 20:33

Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, aggangnut pitsartujunut, talingmullo issamijomut, ᴋaningaumajârnermullo kovijaujomut, ataniojomavunga ilipsingnut:

Hesekiel 21:17

Uvangatauᴋ aggakka pataktoromavakka, ningaumajârneralo nâmaksititsomavara: uvanga Nâlegaujunga taimak oᴋarpunga.

Hesekiel 24:13

Ivsornarnît kangunartulinermik ilaᴋarpoᴋ; epᴋêjalauraloarapkit epᴋêjartaujomanginavillo epᴋêjartaujungnailârpotit salumainernit kingorngane, nâmaksititsiᴋârtinanga ningaumajârnimnik ilingnik.

Hesekiel 24:8

Kaningaumajârneᴋ ᴋagvertitsomavlugo akkiniarutigijomavlugo, aunga kovijautilauᴋpara ᴋairtotuinarmut, saujauᴋonago.

Hesekiel 44:7

Takorngartat, ômatikut kipimangitut, uvinikullo kipimangitut, itertigapsigik ivsornaitovimnut, igluga ivsornaijungnaitilugo, tunergusertiluse nerᴋiksamnik, orᴋsumiglo aungmiglo; tagva serᴋomitsineᴋ angerutigilauᴋtamnik ilautipase maᴋojungnartulinipsingnut tamainut.

Hesekiel 6:12

Ungasiktoᴋ toᴋojomârpoᴋ nûsilingnartomut; ᴋanitoᴋ toᴋojomârpoᴋ saviksoarmut; amiakôjorlo piulimajaujoᴋ toᴋojomârpoᴋ perlernermut; taimak ningaumajârnera nâmaksititsomârpara tâpkonunga.

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Leviticus 26:28

Uvangatauk akkerartorluse arvertaromavunga ningadlarlunga; pidlaromârpapselo sevenertortomik ajornise pivlugit.

Leviticus 26:41

Uvangatauk akkerartorlugit arvertalaurama, tikiutilugillo ômigijimik nunanganut; taimaglo ômatingit kipimangitut nikanarsarpatta, idluitulinimiglo pidlartauninga idluarigunitsuk,

Amos 5:6

Nâlegak ᴋenersiuk, inôjomârpose tagva; ikomatut ikoâlaliaᴋiᴋonago Josefib ᴋitornganginut, nungûtsilune, ᴋamitisijoᴋarungnartinago Beteleme;

Sefania 2:2

Perᴋojak aulangitok aniᴋârtinago, uvlok anigorᴋârtinago iviksukatitut serᴋalijaumajutitut, Nâlekab ningarninga katsungaitoktôᴋârtinago ilipsingnut, Nâlekab ningarningata uvlunga tikiᴋârtinago ilipsingnut.

Rômiunut 2:25

Kipimaneᴋ atornartôgalloaᴋ, perᴋojat malikungne; perᴋojalle malingikungne, kipimanît kipimanginertut-ilerêrpoᴋ.

Deuteronomy 10:16

Taimaimat ômatipse uviningat kipiniarsiuk, ᴋeratajuniglo ᴋongaseᴋarniarase.

Deuteronomy 30:6

Nâlekablo Gûdivît ômatit kinguvâvîllo ômatingit kipijomârpait, naglingniᴋovlutit Nâlekamik Gûdingnik ômatingnut tamânut tarningnullo tamânut, inôᴋovlutit.

Deuteronomy 32:22

Ikoma ikoâlamat ningarnimne, ikomavok itersak allerpâk tikidlugo, nunalo perortungillo mungulerpait, ᴋakᴋallo tungavingit ikipait.

Kolossamiunut 2:11

Tâpsomanetauk kipimavose, kipijaunermut aggangnu-ungitok, time ajortolik uviningmêtok pêjarapsiuk, tagva Kristûsib kipititsininganut;