Jeremia 4:31 - Labrador Inuttitut Heritage Bible

³¹ Nippimik tusarsimagama sorlo ernisuktûb nippinganik, sorlo ernisuᴋârtûb kapiasungninganik, Zionib paningata nippinganik, anerterikaluktûb, aggangminiglo issivitsijûb, oᴋartûblo: Kapianarmêk uvanga! Tarniga nukingêrutivoᴋ inuartut pivlugit.

Jeremia 4:31 Iomraidhean Croise

Genesis 27:46

Isaamullo Rebekka oᴋarpoᴋ: Ariutsivunga Hêtib panningit inôᴋatigivlugit. Jako nulianikpat Hêtib panningita illanganik, ukkotitunaᴋ ovanemiut panningititut-itomik, inôseᴋ suksarinajarpigô?

Hiobe 10:1

Tarnima inôsera sinaungajutigivâ; ârusungnera annikojomavara uvamnit, oᴋauteᴋaromalungalo tarnima kiksarninganik,

Imgerut 120:5

Kappianamêk uvanga tujormiangôgama Mêsechit akkorngane, igloᴋariaᴋaramalo Kêdarit tuppingita akkorngane!

Jesaiase 1:15

Aggaselo uvamnut issagalloarapsigik, kênara ijerpara illipsingnut; tuksiaᴋattaralloarapse, tussangilapse, aggase auliksôngmatta.

Jesaiase 13:8

Koaᴋsâromârput, siorniornartomullo ãnianartomullo tikkitaujomârput, ernisuktotut kappiasugomârput, okkijiutigêgomârput, kênangillo ikkomatut aupallagomârput.

Jesaiase 21:3

Tamanna pivlugo okpatîkka ãnilakteradlarpuk, siornionermullo tikkitauvunga ernisuktotut, ãnialuarnermut tussarungnairpunga, ᴋoaᴋsâluarnermut takkonârungnairpunga.

Jesaiase 26:17

Sôrlo singaijoᴋ, ernisukkune, kappiasulermat ãniadlarnermigullo nipliadlarmat, taimailingavogut kênavit sângane, Nâlegaᴋ.

Jesaiase 42:14

Nippangeralloarpunga sivikitomiungitoᴋ, nippeᴋarnanga ᴋikkarlungalo. Mãnale ernisuktotut nipliadlarpunga anersaumivlunga âlavlungalo.

Jesaiase 6:5

Tagva oᴋarpunga: Kappianarmêk uvanga nungutaksauvunga ᴋangasinâᴋartunga ivsornartoᴋsôjûngnik inuillo ᴋangasinâᴋartut ivsornartoᴋsôjunik akkornganne nunaᴋartunga, ijîngma takkongmakko attaneᴋ ᴋilangmiugasaksuit Nâlegangat.

Jeremia 10:19

Ogguarnarmêk uvanga ânianera pivlugo! Kilera piungitôngmat. Oᴋalauᴋpungale: Tamannale oᴋumaijutiksarijara, nangmaraksarivaralo.

Jeremia 13:21

Sumik oᴋaromârᴋêt nalipsarpatit taimâk? Tagva igvit nangmineᴋ sungiutisalauᴋpatit angajoᴋaulerᴋovlugit ilingnut. kapiasungnerit tigumiarniangilâtît, arnatut ernisuktotut itilutît?

Jeremia 14:18

Aniguma perorsêviliarlunga, ahâk, saviksoarmut toᴋotaumajut takovakka! Iterumalo iglugasaksoarnut, ahâk, perlilertut kângmut takovakka! Tagva nalautaijut ajoᴋertuijullotauᴋ nûgiaᴋalârput nunamut ilitaringitamingnut.

Jeremia 15:18

Sôᴋ ânianera soraijuikâ, killeralo âᴋiᴋtaujungnarungnaivlune, mamititaujomairlunê? Nalâgut ilingavigijomavingâ kôktut tunganangitotût, imeᴋtut nungulertotût?

Jeremia 18:21

Taimaimat ᴋitorngangit tunikit kângnartoᴋsoarmut, unertutigikillo saviksûb pitsartuninganut; arnangit ᴋitorngairtaulit uigarniovlutiglo; angutingit toᴋotaulit, inôsuktungillo annaujaulit saviksoarmut unatarnerme.

Jeremia 22:23

Libanoneme inneᴋartotit, Sêdarene ubloliortotit, nâpkinarsijomârpotit ânilakteradlarnernut tikitauguvit, ernisuktotut ânialeruvit!

Jeremia 30:6

Apertsoritse mâna, missigiluselo angut ernisusôngomangât; sôk angutit ilûnaita tokovigît aggamingnik ᴋettermingnêtitsijut âniatailinasuarmut arnatitut ernisuktutitut, kenaillo ilûnatik ᴋattaktilutîk?

Jeremia 45:2

Imâk oᴋarpoᴋ Nâlagaᴋ, Israêlib Gudinga, ilingnut, Baruk;

Jeremia 48:41

Keriot pijauvoᴋ, iglugasaksoangit sôngojut suingartauvut, Moabiblo pitsartujungita ômatingit ilingalârput naliutome tâpsomane arnab ernisuktûb ômatingatut.

Jeremia 49:22

Ahâk, paungaromârpoᴋ nektoraliktut tingilune, essarûgik issivilugik Bosra tikidlugo; uvlormelo tâpsomane Edomib pitsartujungita ômatingit ilingajomârput arnab ernisuktûb ômatingatut.

Jeremia 49:24

Damaskus nukkingêrutivoᴋ, sanguvoᴋ ᴋemâjomavlune, sajungneruble tigumiarpâ, ânilakteradlarnerub kapiasungnerublo erᴋisimiarpâk, arnatut ernisuktotut.

Jeremia 50:43

Babilonib ataningata tusaumavât unipkautauningat, aggangillo nukingêrutivut; kapiasungnerub erᴋisimiarpâ, ânianerublo sorlo arnatut ernisuktotut.

Jeremia 6:2

Zionib paninga, takominartoᴋ inerᴋonartorlo, kipijomavara.

Jeremiab Ogguarutigijangit 1:17

Zionib aggane isakpait; manigoijiksaᴋangilarle tâpsominga; Nâlegak perᴋojivok Jâko pivlugo ilumajingit ômisukteoᴋovlugit tâpsominga; Jerusalem akornganêpok ivjornartotut-idlune.

Jeremiab Ogguarutigijangit 1:20

Takosalaurit, Nâlegak, kapiasudlarama; ergavikka aulajadlarput; ômatiga mumikpok ilumne; angijomik tapalaurama; silame saviksoak arᴋtaivok, toᴋo iglomêpok.

Jeremiab Ogguarutigijangit 2:21

Inôsuktut inuᴋoartullo nelavut nuname apᴋosineâlungne, uigasukka nullêtukkalo oggotitaumavut saviksoarmut; toᴋosimavatit ningaumajârnivît uvlungane; toᴋorarpatit naiperᴋutigo sungneᴋarnak.

Hosea 13:13

Arnab ernisuktûb sillimajûb kapiasungningit tikituksauvut tâpsomunga; erniovoᴋ silatuneᴋangitoᴋ; noᴋarungnaivinga ᴋitorngat anivingane neliutivoᴋ.

Migga 4:10

Anialerit, ilungertorillo saᴋᴋêjomavlutit ernisulertotut, Zionib paninga; mâna anijomâravit iglugasaksoarnit, naternamelo iniksaᴋalârpotit, Babilonemut aglât tikituksauvotit; tagvane ᴋelujaulârpotit; tagvane Nâlekab piulilârpatit ômigijivit agganginit.

Migga 4:9

Sôᴋ mâna nippeᴋortovlutit ᴋaigarsuᴋêt? Ataneᴋangilaᴋ ilingnê? Atanertuijêrutivêt, tikitaugavit ânianernut sorlo ernisulertotût?

Migga 7:1

Kapianarmek uvanga! Ilingavunga sorlo kinguraijoᴋ katersorêrpatta paunganik aujaᴋsiutinik, sorlo vainiksat amiakunginik ᴋenertoᴋ katersoiviub kingorngane; nerrijaksaᴋangilaᴋ; aungatannaᴋarungnaiporlo tarnima ikligijanganik.

Mattêuse 21:5

Zionib pania oᴋautisiuk: Ahâk, atanît ᴋaivok ilingnut sunaungaidlune, siuterᴋortojome iksivavlune, siuterᴋortojublo nangmarpaktub noggangata ᴋânganêdlune.

I Korintemiunut 9:16

Oᴋautsit tussarnertut oᴋâlatigigapkit, nertortuksaungilanga uvamnik; taimailiortuksaugama. Kappianarmêk uvanga, oᴋautsit tussarnertut oᴋâlatigingikupkit.

I Tessalônikamiunut 5:3

Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.