Jeremia 4:16 - Labrador Inuttitut Heritage Bible

¹⁶ Inôᴋatigêksuit unipkautisigik; oᴋâladlaritse Jerusalemut, kamajut maungalermatta nunamit ungasiktomit nippitik tusartautitsomavlugit Judab iglugasaksoanginut.

Jeremia 4:16 Iomraidhean Croise

Jesaiase 34:1

Kaititse, illipse, nallojose tussarniarluse, nunaᴋatigêktoselo kamatsiaritse, nuna tussarmile tâpsomanẽtullo, sillaᴋsoaᴋ perortungillo illũnatik,

Jesaiase 39:3

Tagva nallautaijub Jesaiasib attaneᴋ Hiskia tikkipâ oᴋautivlugolo: Kanoᴋ oᴋarᴋât angutit taipkoa, nakillo tikkipâtît? Hiskia oᴋarpoᴋ: Nunamit ungasiktomit tikkipânga, Bâbelemit.

Jeremia 1:15

Ahâk, erᴋârdlerêt ilûnaita ataniovingnit avanêtunit ᴋaiᴋojomârpakka, Nâlagaᴋ oᴋarpoᴋ, tikituksauvullo, ilûnatiglo atunit âᴋiksoijuksauvut iksivautamingnik Jerusalemib itertarvingita sivurâne, avaluᴋsoangitalo ilumajingita ilûnatik sivurâne.

Jeremia 16:6

Angijut mikijullo toᴋojuksauvut nuname tamattomane; iluvertaulângilat, inuillo oggorilângilait, killersilângilat nangminermingnik tâpkoa pivlugit, sallijaujutigilângilaillônêt.

Jeremia 2:15

Loeviarait ᴋallingoarput tâpsomunga, ᴋuggudlarpullo; nunangallo asserorpât; iglugasaksoangit nungutauvut ikomamut, inuᴋarungnailutik.

Jeremia 31:10

Nâlakab oᴋausinga tusarsiuk, inôᴋatigêksoangojose ilipse, oᴋautigisiuglo ᴋikertane ungasiktune; oᴋaritselo: Israêlikunik siamartitsilauᴋtûb katersoromârivait ama, pairijomârlugillo, sorlo saukanik mianersijûb saukane pairingmagit.

Jeremia 39:1

Pijoᴋarporlo Jerusalem tigujaungmat, (Zedekiab Judab ataningata jâringita 9ingita taᴋᴋingita 10ingane, Nebukadnezar Babilonib ataninga tâpsomalo sorᴋsuktoᴋatigêksoangit ilûnatik Jerusalemut tikilauᴋput ilumalugolo;

Jeremia 4:17

Avatâgut ilumavât, sorlo udjertortut perorsêvingmik; ᴋepêservigingmanga, Nâlagaᴋ oᴋarpoᴋ.

Jeremia 5:15

Ahâk, Ilipse Israêlib ᴋitorngangit, ilipsingnut tikiutjijomavunga inôᴋatigêksoarnik ungasidlartomit, inôᴋatigêksoarnik sôngojoᴋsoarnik, inôᴋatigêksoarnik itsarsoarnit inôᴋatigêngolauᴋtunik, inôᴋatigêksoarnik oᴋauseᴋartunik ᴋaujimangitarnik, tukkisijungnangitarniglônêt ᴋanoᴋ oᴋarmangâta.

Jeremia 5:6

Taimaimat loevib napârtunit pijûb aliktoromârpait, amarkublo sunaᴋajuitomit pijûb asseroromârpait, pûsevâlub iglugasaksoaᴋotingit terliaromârpait, ilûnatiglo anijut tagvangat aliktortaujomârput; tapaningit unuktôngmatta, kingupiartorningillo sugaluluarmatta.

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Jeremia 6:18

Taimaimat tusaritse, ilipse inôᴋatigêksoangojose, kamatsiaritselo, ilipse ilagêngojose, sumut tikitaumangâta.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Jeremia 6:22

Imâk Nâlagaᴋ oᴋarpoᴋ: Ahâk, inugiartoᴋsoarnik tikitoᴋaromârpoᴋ nunamit taggardlermit, inôᴋatigêksuillo allakâromârput nunamit ungasingnerpângojomit.

Jeremia 6:23

Pitiksinik ᴋalugianiglo tigumiarput; takopsoajuiput nâpkigosujuitôlarmiglo; nippingit pervaludlarput imarbiktut, horsine ablangavut; siakput sorᴋsugomajutitut unatarvigijomavlutit, Zionib pania.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Hesekiel 21:22

Nelautaijût Jerusalemut ilingajoᴋ talerpianêpoᴋ, kautaᴋsoarmik ilijiᴋovlugo, ᴋannerlo angmarᴋovlugo toᴋotsiᴋojinermut, nippillo angijororᴋovlugit ᴋaigarsungnermut, kautaᴋsoarmik ilijiᴋovlugo upkoaᴋsoarnut, taluksat âᴋiktauᴋovlugit, sôngoviksaliortoᴋarᴋovlugo.