Jeremia 4:13 - Labrador Inuttitut Heritage Bible

¹³ Ahâk, tikilârpoᴋ nuvujatitut, ᴋamutingillo aksaloalît ullalujaᴋtut; horsingillo sukkalinersauvut naktoralingnit. Kapianarmêk uvagut, asserortaugapta.

Jeremia 4:13 Iomraidhean Croise

II Samuel 1:23

Saule Jonathanelo erdlingnarlutik innerᴋonarlutiglo innôsigingne, toᴋᴋomingnetauk aviutingilâk; oᴋinersauvuk nektoralingmit, sanginersaulutiglo Loewemit.

Jesaiase 13:5

Nunanit ungasiktunit, ᴋilaub issuanit tikkilerput Nâlegaᴋ ningaumajârningatalo sakkungit, nunaᴋsoaᴋ illũnât asseroriartorlugo.

Jesaiase 19:1

Tamadja oᴋauseᴋ inerterijutiksaᴋ Egiptenemut. — Ahâk, Nâlegaᴋ nuvujakut tuavitokut ingergaromârpoᴋ tikkidlunelo Egiptenemut. Gûdingoallo Egiptenemẽtut sajugomârput sângane, Egiptenemiullo õmatingit kakkillâromârput illungine.

Jesaiase 3:8

Jerusaleme pâlasimavoᴋ, Jûdalo ochosimavoᴋ, oᴋangita piniarningitalo Nâlegaᴋ akkerartormatsuk, ijîgik nâlengnartoᴋsoâk kamaginagik.

Jesaiase 5:28

Kargjungit ipikput, pittiksingillo illũnatik noᴋarsimavut. Horseᴋotingita kukkiujangit ᴋairtotut illingarᴋôrput ᴋamutingitalo aksalloangit aᴋᴋunaᴋsoatut.

Jesaiase 66:15

Ahâgle, ikkomakut Nâlegaᴋ tikkitsomârpoᴋ, ᴋamutingillo aᴋᴋunaᴋsoatut-iput, ningaumajârnine saᴋᴋijârtipâ ikkomakut suangadlarninelo ikkomab ikkoalaningagut.

Jeremia 10:19

Ogguarnarmêk uvanga ânianera pivlugo! Kilera piungitôngmat. Oᴋalauᴋpungale: Tamannale oᴋumaijutiksarijara, nangmaraksarivaralo.

Jeremia 4:12

Aᴋᴋunaᴋsoarle tikilârpoᴋ taipkonangat pivlunga; mânalo erᴋartuinikka tâpkoninga oᴋautigijomavakka.

Jeremia 4:31

Nippimik tusarsimagama sorlo ernisuktûb nippinganik, sorlo ernisuᴋârtûb kapiasungninganik, Zionib paningata nippinganik, anerterikaluktûb, aggangminiglo issivitsijûb, oᴋartûblo: Kapianarmêk uvanga! Tarniga nukingêrutivoᴋ inuartut pivlugit.

Jeremia 46:18

Sorlo mikseᴋârtomik inôgama, oᴋarpoᴋ Ataneᴋ, Nâlakamik Zebaotemik attelik, sorlo Tabor ingmat ᴋaᴋᴋaᴋsuit akorngane, sorlolo Karmel ingmat imarbiksub sinâne, taimaidlune tikituksauvoᴋ.

Jeremia 48:40

Imâk oᴋarmat Nâlagaᴋ: Ahâk, tingilârpoᴋ nektoraliktut, esaûngne issivilârpak Moabemut.

Jeremia 49:22

Ahâk, paungaromârpoᴋ nektoraliktut tingilune, essarûgik issivilugik Bosra tikidlugo; uvlormelo tâpsomane Edomib pitsartujungita ômatingit ilingajomârput arnab ernisuktûb ômatingatut.

Jeremia 6:23

Pitiksinik ᴋalugianiglo tigumiarput; takopsoajuiput nâpkigosujuitôlarmiglo; nippingit pervaludlarput imarbiktut, horsine ablangavut; siakput sorᴋsugomajutitut unatarvigijomavlutit, Zionib pania.

Jeremia 9:19

Nippe ogguadlartoᴋ tusartaungmat Zionemit: Adjai! asserortaumadlarpogut! Sunairudjaudlarpogut, nunab ajaktorpâtigut, iglupta pingujarpâtigut.

Jeremiab Ogguarutigijangit 4:19

Udlartivut sukalinersaulaukput nektoralingnit ᴋilaub ikianganêtunit; tupjalaukpâtigut ᴋakᴋaksoarne, terlialaukpâtigullo inuᴋajuitome.

Hesekiel 26:10

Horsingit unuktoᴋsôngmatta uliktaulârpotit pujunginut: avaloᴋsoatit sajukpilugomârput horsit aksaloalillo ᴋamutillo unatautiksat pervalungninginut iterviksoatigôrpatta, sorlo inuit itârmatta iglugasaksoarnut ᴋoppakut.

Hesekiel 38:9

Igvillo takpaungalârpotit, aᴋᴋunaᴋsoatut tikiaᴋilutit, nuvujatut ilingajomârpotit nuna mattujomavlugo, igvit siaktitatillo ilûnatik, inôᴋatigêksuillo unuktut ilagilutit.

Daniel 11:40

Naggatiksablo naliuniksangani ataniub ânimiub pâgomârpâ, atanilo avanimioᴋ tâpsomunga tikitsomârpoᴋ ulajujaᴋsoatut, ᴋamutiniglo horsilijartuniglo umiaᴋsoaniglo unuktunik ilaᴋarluni; nunanullo itâromârpoᴋ siamârlunilo ᴋângilunilo.

Daniel 7:4

Sivorliᴋ loivitun-ipoᴋ, isaroᴋarluni naktoraliub pingatut: takonârpunga isarungit iritartauᴋârtinagit, nunamillo ᴋangatartitauvoᴋ nikovititauvlunilo itikamingni maggungni inuktut, tunitjiviovorlo inûb ômatinganik.

Hosea 8:1

Tiptulaut ᴋanernut pileruk; nektoraliktut Nâlekab iglunganut pivoᴋ; angiᴋatigêngnera tapagingmatsuk, perᴋojakkalo nâlagungnailugit.

Migga 2:4

Uvlorme tâpsomane adsiujomik atulârput pivluse, oggualârpullo ogguarutimut kiksarnelingmut, oᴋarlutik: Asserortaumarikpogut; inuᴋotima pigijaksangat ablatsangortipâ; pêjaivigivânga; perorsêvivullo tâpsoma avgorpait pikablâjunut.

Nahum 1:3

Nâlegak ᴋenuesârpok pitsartuneliksôvlunelo, pidlartailitsingitorle ᴋaᴋialerneᴋangitunik: Nâlegak ineᴋarpok ullajujarme akᴋunaksoarme, itigangitalo nuvujat pujoragivait.

Habakûb 1:8

Horsingit sukaliluarput pûsevâlungnit, kêsuktoᴋsônersauvlutiglo amarᴋunit unuksiortunit; horsilijartungillo pangaliᴋatârput; ilâ, horsilijartungit ungasiktomit tikiput; sukalidlarput nektoraliktitut nerrisâdlaromajutitut.

Saggaria 6:1

Ijikka arlortilerivâka ama tautuklungalo, ahâglo, ᴋamutit unatautit sitamat allakarput ᴋaᴋaksoâk maggûk akorngangnit; ᴋaᴋaksoâglo ᴋaᴋorliovûk.

Mattêuse 24:30

Inûblo Erningata nalunaikutanga tâva takuksaujomârpok ᴋilangme. Kinguvângoᴋatigello nunamêtut ilûnatik ᴋeadlaromârput, Inûblo Erninga takojomarpât ᴋilaub nuvujangitigut akᴋartok, pitsartudlarlune ânanaudlartok.

Deuteronomy 28:49

Nâlekab inôᴋatigêksuit tikiutilârpait ilingnut ungasidlartomit, nunab issuanit, sorlo nektoralik tingimat; inôᴋatigêksuit nelojarnik oᴋauselit;

Takotitaunermik 1:7

Ahâk, ᴋaivok nuvujatigut, ijillo ilûnatik takojomârpât, tâpsomingalo kappisilauktuttauk, inûᴋatigêllo nunaksoarmiut ilûnamasiatik avâladlaromârput. Ilâ, Amen.