Jeremia 4:11 - Labrador Inuttitut Heritage Bible

¹¹ Naliutome tâpsomane inugasaᴋsuit ukkua Jerusalemiullo oᴋautijaujomârput: Anore ônartoᴋ tikilârpoᴋ ᴋaᴋᴋanit merᴋuᴋangitunit sunaᴋajuitomêtunit inuᴋotima paninga torârlugo, sannêjainermu-ungitoᴋ ivsornaititsinermu-ungitorlônêt;

Jeremia 4:11 Iomraidhean Croise

Imgerut 11:6

Sillaluᴋojijomârpok Gûdeᴋangitunnut ᴋaumalangnik; ikkoma, orksoruglo, annorelo ônadlartok, ermgusiangeta piksarivait.

Jesaiase 22:4

Taimaimat oᴋarpunga: Takkonârniarasinga; illungertornermut ᴋeajomavunga; pinasuarniarase manigoromavlunga inuᴋotima panningata nungutauninga pivlugo.

Jesaiase 27:8

Nãmatuinartomik pidlarpattit taipsomane, avigavit taipkonangat. Nuktipait anorersoarmut, uarngnartillugo.

Jesaiase 41:16

Siamartitsomârpattit, anoremullo tiktaujomârput aᴋunamullo pêrtauvlutik. Igville Nâlegaᴋ iggiaᴋomijarvigijomârpat, ivlernartitorlo Israêlikkune nertôtigijomârpat.

Jesaiase 64:6

Illûnamatsiata ivsornaitutitut-ipogut, idluarnivullo tamât annorâtut-ipoᴋ salumaitotut; millukataᴋtitut ᴋunorlerpogut illũnata, idluitulliniptingnullo tiktauvogut sôrlo aᴋᴋonamut.

Jeremia 13:24

Taimaimat siamartitsomavakka iviksukatitut kiblornilukutitut anoremut tiktaumajutitut sunaᴋajuitome.

Jeremia 14:17

Oᴋauserlo tamanna oᴋauserijaksarivat tâpkonunga: Ijîkka ᴋugviudlarlik ᴋugvingnik unnuarme uvlôtilugolo sorairatik; uigasuk inuᴋotima paningat serᴋomitaungmat serᴋomitsinermut angijomut, killermut piungitoᴋsôjomut.

Jeremia 23:19

Ahâk, Nâlakab aᴋᴋunaᴋsoanga, ila, ᴋaningaumajârninga, anisimavoᴋ, ila, ullajujaᴋsoaᴋ; ᴋâgomârpoᴋ idluitulijut niaᴋunginut.

Jeremia 4:12

Aᴋᴋunaᴋsoarle tikilârpoᴋ taipkonangat pivlunga; mânalo erᴋartuinikka tâpkoninga oᴋautigijomavakka.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Jeremia 9:1

Kanoktok niaᴋora imetuinaulerle ijîkkalo puailaviovlutik ᴋugvingnik, uvloᴋ nâvlugo unnuarlo nâvlugo ᴋugviorᴋovlunga inuᴋotima paningita toᴋorartauningit pivlugit.

Jeremia 9:7

Taimaimat imâk oᴋarpoᴋ Nâlagaᴋ Zebaot: Ahâk, auksititsomavakka ôktoromalaitalo; sumik tamattoma assianik piniarungnarᴋingâ inuᴋotima paningat pivlugô?

Jeremiab Ogguarutigijangit 2:11

Ijîkka ᴋugveᴋarungnaipuk, ergavikka kapiasuktitauvut, tinguga nunamut kovijauvok, inôᴋatima paningata asserortauninga pivlugo; sorusiarsuit amâmaktullo ᴋaujimangermatta iglugasaksuit apᴋosineâlungine.

Jeremiab Ogguarutigijangit 3:48

Kugvit kôkput ijîmnit, inôᴋatima paningata nungutauninga pivlugo.

Jeremiab Ogguarutigijangit 4:10

Arnat nagligosungnerpaujut nangminek aggangmingnut ᴋitorngatik igavait; tâpkoa nerᴋiksatuarilaukpait inuᴋotima paningata asserortauningane.

Jeremiab Ogguarutigijangit 4:3

Terrianiangojârtut iviangitik mannimavait, piaratik amâmaktilugit: inuᴋotimale paninga takopsoajuitungorsimavoᴋ, sorlo tingmiaksuit strausit inuᴋangitome.

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Hesekiel 17:10

Ila, omat, ilijaugaloardlune perolârᴋâ? Kunoleromângilâᴋ aktortaugune nigermût? Kunolilârpoᴋ perorsêvingme perorvigijamine.

Hesekiel 19:12

Ningaumajârnermele nusuktauvoᴋ, nunamut egitauvoᴋ, paungangit panertitauvut unangârmut: akkerungit sôngojut naviktauvut panersivlutiglo; ikomablo nungupait.

Hosea 13:15

Kinguvâᴋarnersaugaloarame ᴋatangutiminit, anore unangâk tikilârpoᴋ, Nâlekab anoringa tikilârpoᴋ sunaᴋajuitomit, imeᴋarvingalo kigilârpoᴋ puailavingalo panilârpoᴋ; perᴋutillo pijominartut ilûnatik katersortaujut tâpsoma asserolârpait.

Hosea 13:3

Tamanna pivlugo nuvujatut uvlâᴋsiutotut ilârput, mitsuksoatullo nungusaraitotut, saniktullo ulajujab tiktangatut senaugaksat katjuktauvingata natinganit, isseᴋtullo igalingmit pijotut.

Hosea 4:19

Anorib erᴋisimiarpâ esaruminut; tâpkoalo tunergutiksatik kangusûtigilârpait.

Habakûb 1:11

Anoretulle tikiaᴋijotut ᴋângiutilârpoᴋ, pidlaraksautilunelo: ilâ, tâmna pitsartunerminik Gûdelik.

Habakûb 1:6

Tagva, âhâk, Kaldêamiut, inôᴋatigêksuit erᴋsinartut kajusidlartullo, makititsomârpakka; nunaᴋsûb silingningagut ingeraromârtut, nunat pigilungitatik pijomavlugit.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Lukase 3:17

Poagit tâpsoma agganginêpok; ᴋematullivingmelo natinga sanneromârpâ, ᴋakᴋôjaksataillo ᴋematulivingminut katitsomârpait, piungitulle ôtsomârpait ikomamut ᴋamisuitomut.