Jeremia 39:7 - Labrador Inuttitut Heritage Bible

⁷ Pêjarpâglo Zedekiab ijîgik, ᴋelaksorpâlo ᴋelaumgujanut Babilonemut âtsomavlugo.

Jeremia 39:7 Iomraidhean Croise

II Atannit 25:7

Zedekiablo ᴋitorngangit toᴋopait ijikita sângangne, ijigiglo tautugungnaitipakit, kellaksorlâllo kellaumgujanut aularutivâllo Babelemut.

Imgerut 119:8

Malliktauᴋojattit nâlagomavakka; ᴋemmaniarnanga soraijunak.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 34:3

Igvillo ᴋemâjuksaujomângilatit agganginit, tigujaujomârpotille pititaujomârlutillo agganginut; ijîkiglo takojomârpuk Babilonib ataningata ijîgingnik, oᴋaᴋatigijomârpâtillo ᴋanermit ᴋanermut, Babilonemullo aijuksaulârpotit.

Jeremia 44:30

Imâk oᴋarpoᴋ Nâlagaᴋ: Ahâk, Farao Hofra, Egiptenib ataninga, tunijomavara ômigijime agganginut, pinasuartullo inôsinganik agganginut; sorlo Zedekia, Judab ataninga tunilaurapko Nebukadnezarib, Babilonib ataningata, ômigijingata, inôsinganiglo pinasualauᴋtûb agganginut.

Jeremia 52:11

Zedekiablo ijîgik pêjarpak; Babiloniblo ataningata ᴋelaksorpâ ᴋelaumgujanut, aularutilugolo Babilonemut, parngnanairsimavingmêtipâlo toᴋovia tikidlugo.

Hesekiel 12:13

Nulluakkalo issivitsomârpakka tâpsomunga, nigamnullo nigartitaulârpoᴋ; tikiutijomârparalo Babilonemut, Kaldêarit nunanganut; takojomângilâlle, tagvane toᴋolâraloarame.

Idluarsaijut 16:21

Filisterille tiguvât, kappitsivigilâllo ijigingnik, attersartipâllo Gasamut, ᴋellaksorpâllo ᴋellaumgujanut maggûinut kannujarnut; parngnanaisimavingmelo serᴋalitsijuksaulaukpok.