Jeremia 39:6 - Labrador Inuttitut Heritage Bible

⁶ Babiloniblo ataningata Zedekiab erningit toᴋopait tâpsoma ijîkita sângangne Riblame, Babiloniblo ataningata angajoᴋât Judamêtut ilûnaita toᴋopait.

Jeremia 39:6 Iomraidhean Croise

Genesis 21:16

Ailunelo ᴋargjub tupvingatut ᴋaningitigijomik, akkianut ingilerpoᴋ, oᴋarame: Nukapiab toᴋolerninga takolugo sapperpara. Akkianut ingilerpoᴋ, nipliadlarlunelo ᴋeavoᴋ.

Genesis 44:34

Sugama atâtamnut paungartuksauvêk inôsuktoᴋ illaginago? Kapianartoᴋ atâtama tikkitautigijanga takojariaᴋarajarpara.

II Atannit 22:20

Tamanna pivlugo atâtagijarnut ilaliutitsomavagit, ullapirsautekarlutillo illuvingnut ilautitaujuksauvotit, ijikpîllo ᴋanoêtut tamaita takkojaksaringilait tikkerkojomârtakka iglugasaksoarnut tamakkonunga. Tapᴋoalo tamakkoa oᴋautigivait atannermut.

II Atannit 25:7

Zedekiablo ᴋitorngangit toᴋopait ijikita sângangne, ijigiglo tautugungnaitipakit, kellaksorlâllo kellaumgujanut aularutivâllo Babelemut.

II Kronika 34:28

Ahâk illaliutitsomavagit atâtagilauktarnut, ullapirsauteᴋarlutillo illautitaujuksauvotit illuvingnut, ijikpillo ᴋannoêtut tamaita tikkerᴋojomârtakka iglugasaksoarnut makkonunga innunginullo takkojaksaringilait. Tapᴋoalo tamakkoa oᴋautigivait attannermut.

Ester 8:6

ᴋanorle ᴋanoêtok inuᴋotima tikkitautiginajartangat Takᴋonarungnarajarpigo? ᴋanorlo takkonârungnarᴋîk illama nungutauninginik?

Jesaiase 13:16

Kitorngangit serᴋomitaujomârput takkunârtillugit, iglungillo piksaerutijaujomârput, nulliangillo sujuktaujomârput.

Jesaiase 34:12

Attaningit taijaujariaᴋaromârput attaniojunik nunaᴋangitunik, attanersoangillo nungutaujomârput.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 21:7

Kingornganalo, oᴋarpoᴋ Nâlagaᴋ, Zedekia Judab ataninga, kivgangillo, inuillo, amiakôjut nusilingnartomit, saviksoarmillo, kângnartoᴋsoarmillo, tunijomavakka Nebukadnezarib Babilonib ataningata agganginut, ômigijimiglo agganginut, inôsinginiglo pinasuartut agganginut; tâpsomalo annaulârpait saviksûb kênanganut; nikaginiangilait, naiperᴋutiginagillônêt.

Jeremia 34:3

Igvillo ᴋemâjuksaujomângilatit agganginit, tigujaujomârpotille pititaujomârlutillo agganginut; ijîkiglo takojomârpuk Babilonib ataningata ijîgingnik, oᴋaᴋatigijomârpâtillo ᴋanermit ᴋanermut, Babilonemullo aijuksaulârpotit.

Jeremia 38:23

Nuliatit tamaita ᴋitorngatillo anititsomârpait Kaldêamiunut; annagomângilatit, agganginit tigujaulârpotille Babilonib ataningata agganginut; iglugasaksuillo ikitautitsomârpait ikomamut.

Jeremia 52:10

Babiloniblo ataningata Zedekiab erningit toᴋopait tâpsoma ijîkita sângangne; Judablo angajoᴋâᴋsoangit ilûnaita toᴋogivait Riblame.

Hesekiel 23:24

Ilingnut pijomârput sakkolijarlutik ᴋamutilijarlutiglo unatautinik aksaloalingniglo, inugiartoᴋsoalijarlutiglo katersortaujunik; ilumajomârpâtillo avatikut ilûnâgut sagvingmiutalijarlutik sapûlutalijarlutiglo niaᴋoarêkutilijarlutiglo; tâpkonungalo erᴋartuineᴋ perᴋojomârpara, erᴋartoromârpâtillo erᴋartuinitik maliklugit.

Hesekiel 24:5

Saukat katimgajut pionerpânganik tigusigit, sauningillo ᴋalerêktikit tâpsomunga; ᴋallatsiarlit; ila, sauningit ᴋallatsiarlit iluane.

Sefania 1:8

Uvlormelo Nâlekab tunergutiksangata toᴋotaksab tunijauviane, angajoᴋâᴋsuit, ataniublo erningit, ilûnaitalo annorâlijartut takorngartanik pidlaromârpakka.

Deuteronomy 28:34

Issumairutilârpotillo ijîkpît tautuktangit pivlugit.