Jeremia 39:14 - Labrador Inuttitut Heritage Bible

¹⁴ Tiliklerput, Jeremialo tigulât udjertortut iglunganit, pitilugolo Gedaliamut, Ahikamib, Sâfanab erningata erninganut, tâmna angerautjiᴋovlugo tâpsominga; taimaglo inuit aᴋornganêpoᴋ.

Jeremia 39:14 Iomraidhean Croise

II Atannit 22:12

Atanniublo Hilkia ajochertuijok, Ahikamelo Safanib erninga, Achborelo Michajub erninga, Safanelo aglakpaktok, Asajalo atanniub kivganga perkovait, oᴋarlunelo:

II Atannit 22:14

Tagva Hilkia ajochertuijok, Ahikamelo, Achborelo, Safanelo, Asajalo aivut nallautaijomut arnamut Huldamut, Sallumib, Tikvab erningata Harhamib udsertortub anorânik erningata nullianganut, (igloᴋarporlo Jerusalemib abvakungata aipangine) oᴋarvigivâllo.

II Kronika 34:20

Attanniublo Hilkia, Ahikamelo Safanib erninga, Abdonelo, Michab erninga, Safanelo aglakpaktok, Asajalo attanniub kivganga, perᴋovait oᴋarlunelo:

Imgerut 105:19

Oᴋausingit tikkerᴋârtinagit, Nâlekab oᴋauserijangit, namaksititsiᴋartinagit tâpsominga.

Jeremia 26:22

Jojakimelo ataniojoᴋ tiliklilauᴋpoᴋ inungnik Egiptenemut, tamadja, Elnatanemik, Aᴋborib erninganik, angutillo ilanginik tâmna ilagivlugo;

Jeremia 26:24

Ahikamible, Sâfanib erningata, Jeremia serngnigivâ tunijauᴋonago inuit agganginut, toᴋotauᴋonago.

Jeremia 32:2

Naliutome tâpsomane Babilonib ataningata sorᴋsuktungita Jerusalem ilumavât; Jeremialo nalautaijoᴋ parngnanairsortaulauᴋpoᴋ Judab ataningata iglungata udjertortungita iglungane.

Jeremia 37:21

Zedekialo ataniojoᴋ perᴋojivoᴋ tagva, Jeremialo pititauvoᴋ udjertortut iglunganut, ᴋaut tamâllo tunitjivigivât niaᴋôjamik atautsemik niaᴋôjaliorvingmit, niaᴋôjat ilûnatik iglugasaksoarnêtut nungutauᴋârtinagit. Jeremialo udjertortut iglunganêtuarpoᴋ.

Jeremia 38:13

Taimaglo Jeremia amuarpât aklunânut, ᴋaᴋitipâllo itersaliarmit Jeremialo udjertortut iglunganêtuarpoᴋ.

Jeremia 38:28

Jeremialo udjertortut iglunganêtuarpoᴋ Jerusalemib tigujauvia tikidlugo.

Jeremia 39:13

Taimaimat Nebuzaradan, ataniub udjertortingita angajoᴋângat, tiliklilauᴋpoᴋ, Nubusasbânalo, pimaklertit angajoᴋângat, Nergal-Sarêzerelo, ilisimajut angajoᴋângat, Babiloniblo ataningita aulatsijingit anginerojut ilûnatik,

Jeremia 39:15

Nâlakable oᴋausinga tikilauᴋpoᴋ Jeremiamut, parngnanairtaumatilugo udjertortut iglungane, oᴋarlune:

Jeremia 40:1

Oᴋausek tikilauᴋtoᴋ Jeremiamut Nâlakamit, Nebuzaradanib, ataniub udjertortingita angajoᴋângata aulartisimaᴋârlaungmago Ramamit, taipsomane tigulauramiuk ᴋelaksortaumajoᴋ ᴋelaumgujanut aularutijaujut Jerusalemit Judamillo akorngane, Babilonemut aularutijaujut ilagellugit.

Jeremia 40:5

Kajusingimallo sulle, oᴋautivâ: Tagva uterit Gedaliamut, Ahikamib, Sâfanib erningata, erninganut, Babilonib ataningata atanerusingortitanganut Judab iglugasaksoanginut, tâpsomanêlutillo inuit akorngane; namullônêt idluarijarnut aituinarit. Taimaimallo ataniub udjertortingita angajoᴋângata tunitjivigivâ taᴋoaksamik inôgutiksarsiniutiksamiglo, aulartilâllo.

Jeremia 40:6

Jeremialo aivoᴋ Gedaliamut, Ahikamib erninganut, Mispamut, tâpsomanêlerporlo inuit nuname amiakôjut akorngane.

Jeremia 40:7

Sorksuktuksallo angajoᴋângit ilûnatik nunatuinarmêtut, tâpkoalo angutingillo tusaramik Babilonib ataningata Gedalia, Ahikamib erninga, atanerusingortisimangmago nuname, tâpsomungalo pairijaksautingmagit angutit, arnallo, sorutsillo, aklunerpaujullo nuname, Babilonemut aularutijaungitut;

Jeremia 41:1

Pijoᴋarporlo taᴋᴋit 7ingane, Ismaêl, Netaniab, Elisamab erningata, erninga, ataniub ilangat, ataniub angajoᴋâᴋsoangita ilangat, angutinik 10nik ilaᴋarlune, tikingmat Gedaliamut, Ahikamib erninganut Mispamut; tagvanalo neriᴋatigêkput Mispame.