Jeremia 38:6 - Labrador Inuttitut Heritage Bible

⁶ Jeremia tiguvât tagva egilugolo Malkiab Hamalekib erningata itersaliarimajanganut, udjertortut iglunganêtomut; Jeremialo ningitipât aklunânut. Itersaliarlo imeᴋangilaᴋ, aᴋilupiamigle; Jeremialo kivivoᴋ aᴋilupiamut.

Jeremia 38:6 Iomraidhean Croise

Genesis 37:24

Tiguvâllo egidlugolo itersaliamut: itersaliarle sunaᴋangilaᴋ, illua imeᴋangilaᴋ.

Imgerut 109:5

Idluitomik akkiniarpânga ajungitomut, ômigijaunermiglo naglingnermut.

Imgerut 40:2

ᴋellulaukpângalo ittersâlungmit asserornartomit, aᴋᴋilupiub maujanganit, ittiggakkalo pitipait ᴋairtomut, ablornikkalo nakkimarnijuitipait.

Imgerut 69:2

Kivivunga aᴋᴋilupingmut ittijomut tungaverᴋangitomut; tikkipunga imiksuit pârpalatsijut illuanut, ulliublo ipititsomavânga.

Jeremia 32:2

Naliutome tâpsomane Babilonib ataningata sorᴋsuktungita Jerusalem ilumavât; Jeremialo nalautaijoᴋ parngnanairsortaulauᴋpoᴋ Judab ataningata iglungata udjertortungita iglungane.

Jeremia 36:26

Ataniuble Jeramêele, Hamalekib erninga, Seraialo, Asriêlib erninga, Selemîalo, Abdiêlib erninga, tigusiᴋolauᴋpait Bârungmik aglakpaktomik Jeremiamiglo nalautaijomik; Nâlakable ijersimalauᴋpak.

Jeremia 37:16

Jeremialo tikisimangmat iglomut itersâlungmêtomut, parngnanairsimavingnullo ingmigolingajunut, uvlullo unuktut nâvlugit tagvanêᴋârdlune;

Jeremia 37:21

Zedekialo ataniojoᴋ perᴋojivoᴋ tagva, Jeremialo pititauvoᴋ udjertortut iglunganut, ᴋaut tamâllo tunitjivigivât niaᴋôjamik atautsemik niaᴋôjaliorvingmit, niaᴋôjat ilûnatik iglugasaksoarnêtut nungutauᴋârtinagit. Jeremialo udjertortut iglunganêtuarpoᴋ.

Jeremia 38:13

Taimaglo Jeremia amuarpât aklunânut, ᴋaᴋitipâllo itersaliarmit Jeremialo udjertortut iglunganêtuarpoᴋ.

Jeremia 38:22

Ahâk, arnat ilûnatik Judab ataningata iglungane amiakôjut anititaujomârput Babilonib ataningata angajoᴋâᴋsoanginut, arnallo tâpkoa oᴋaromârput: Manigortigilauᴋtavit terliarpâtit, aᴋtorsartipâtillo; itikatit mausimavut aᴋilupiarmut, tunusimavut.

Daniel 6:16

Ataniᴋ piᴋojivoᴋ tagva, Danielilo ᴋaipât igilugolo loivit itisâluanut. Ataniublo nipliluni Danieli oᴋautivâ: Gudivît soraijuitomik kivgartortavît piuliniarpâtit.

Saggaria 9:11

Igvillo ômât, auk ilingnut angerutaulauktok pitjutigilugo parngnanairsortaumajoᴋotitit aulartitsomârpakka itsarmit imeᴋangitomit.

Apostelit Piniarningit 16:24

Taimâk perᴋojaugame, tâpsoma parngnanairsimavît ᴋamanênerpânganut pitipak, niungillo parngnanairsordlugit ᴋejuksoarmut.

Ebrêerinut 10:36

Kenuersârnermigle pijariaᴋarpose, Gûdib pijomajanganik atutsiarᴋovluse, angerutigijaumajomiglo illangiutititaulerᴋovluse.