Jeremia 37:3 - Labrador Inuttitut Heritage Bible

³ Zedekiablo ataniojub Jehukal, Selemiab erninga, Zefanialo, Masîab erninga, ajoᴋertuijok, tilivak nalautaijomut Jeremiamut, oᴋarᴋolugiglo: Tuksiutisârlauᴋtiguttôᴋ Nâlakamut Gudiptingnut.

Jeremia 37:3 Iomraidhean Croise

I Atannit 13:6

Atannerlo kiovlune oᴋarpok Gûdib anguteᴋotinganut: Nâlekab Gûdivit kênanga ᴋenuvigiuktôk, tuksiutilungalo, aggakka âkiktauᴋovlugit. Tagva Gûdib anguteᴋotingata Nâlekab kênanga ᴋenuvigiva, atanniublo aggangit âkilerput sivurnganetullo îdlutik.

Exodus 10:17

Taimaimat idluinikka isumagijungnaisigiktôk tamattomanetuinak, Nâlegarlo Gûdise tuksiarvigitikko ajangititserᴋovlugo toᴋomik ômingainak uvamnit.

Exodus 8:28

Farao tagva oᴋarpok: Aularᴋojomavapse, Nâlekamut Gûdipsingnut tunerguseriartorᴋovluse inuᴋangitomut, kisiane ungasiktomut pitailijuksauvose. Tuksiutisingatôk!

Exodus 8:8

Tagva Faraub Mosese Aronelo ᴋairᴋovak, oᴋautivlugik: Tuksiutitinga Nâlekab sângane, narrâjinik pêjairᴋovlugo uvamnit inuᴋotimnillo, tagva inuit aularᴋojomavakka, Nâlekamut tunerguserᴋovlugit.

Exodus 9:28

Tuksialeritik Nâlekamut, Gûdib kallidlartitsininga nattarᴋonâluillo sorairᴋovlugit; tagva aularᴋojomavapse tamânêrᴋojomairluse.

Jeremia 15:11

Nâlagarle oᴋalauᴋpoᴋ: Ahamarik, pitsartutitsomavagit ajungitomut, ahamarik, ômisuktut ᴋenujartortitsomavakka ilingnut kapiasungnerub naliuningane oᴋumaititaunerublo naliuningane.

Jeremia 2:27

Oᴋartut ᴋejungmut: Atâtagivagit; ujarᴋamullo: Ernerivarma; taipkoa tunupânga sâvigingilângalo; kapiasungnermiglo naliuningane oᴋaromârput: Nikovilaurit piulilutillo.

Jeremia 29:21

Imâk oᴋarpoᴋ Nâlagaᴋ Zebaot, Israêlib Gudinga, Ahabe, Kolaiab erninga pivlugo, Zedekialo, Massaiab erninga pivlugo, saglonermik nalautaisimajûk ilipsingnut attimne: Ahâk, Nebukadnezarib, Babilonib ataningata, agganginut tunijomavakka, tâpsomalo toᴋotsomârpak ijipse sângine;

Jeremia 29:25

Imâk oᴋarpoᴋ Nâlagaᴋ Zebaot, Israelib Gudinga, oᴋarlune: Attit Nalunaikusiutigilugo tilikliutjilauravit aglangnik inungnut tamainut Jerusalemêtunut, Zefaniamullo, Masaiab erninganut ajoᴋertuijôjomut, ajoᴋertuijunullo tamainut, oᴋarlutit:

Jeremia 37:17

Ataniub Zedekiab tiliklerlune aijautipâ; ataniublo angigutjivlune iglomine aperivâ, oᴋarlune: Nâlakamit pijomik oᴋauseᴋarᴋâ? Jeremialo oᴋarpoᴋ: Pitaᴋarpoᴋ. Oᴋarporlotauᴋ: Igvit tunijaulârpotit Babilonib ataningata agganginut.

Jeremia 37:7

Imâk oᴋarpoᴋ Nâlagaᴋ, Israêlib Gudinga: Imâk oᴋautitikko Judab ataninga tiliklertoᴋ iliptingnik uvamnut aperijauᴋovlunga: Ahâk, Faraub sorᴋsuktoᴋatigêksoangit anisimajut ikajoromavluse utertuksauvut nunamingnut Egiptenemut.

Jeremia 38:1

Sefatialo, Mattanib erninga, Gedalialo, Passurib erninga, Jukalelo, Selemiab erninga, Passurelo, Malkiab erninga, tusarput oᴋautsinik Jeremiab oᴋauserijanginik inungnut tamainut, oᴋarmat:

Jeremia 42:1

Tagva sorᴋsuktoᴋatigêksuit angajoᴋângit, Johananalo, Kareab erninga, Jesanialo, Hosaiab erninga, inuillo ilûnatik, mikinerpânit anginerpânut aglât, ᴋanilerput,

Jeremia 42:20

Tarnise terliarapsigik; tililaurapsinga Nâlakamut Gudipsingnut, oᴋarluse: Tuksiutilauᴋtigut Nâlakamut Gudiptingnut, Nâlakablo oᴋauserijangit tamaita maliklugit taimak nalonaijaivigitigut, taimailioromavogullo tagva.

Jeremia 52:24

Ataniublo udjertortingita angajoᴋâᴋsoangata tiguvait Seraia ajoᴋertuinerojoᴋ, Zefanialo ajoᴋertuijoᴋ tugleᴋ, itertarvingmiglo udjertortut pingasut;

Numbers 21:7

Inugiartoᴋsuillo Mosesemut aivut, oᴋarlutiglo: Idluitulidlarpogut, Nâlegaᴋ igvillo oᴋarnilutigigaptik; Nâlegaᴋ ᴋenuvigilauruk, pêjaiᴋovlugo ᴋuglugianik uvaptingnit. Mosesiblo inugiartoᴋsuit tuksiupait.

Apostelit Piniarningit 8:24

Tagva Simon kiovoᴋ oᴋarlunelo: Iliptik Nâlekamut tuksiaritik pivlunga, oᴋautigijaptik naliallônêt uvamnut perᴋonago.

I Samuel 12:19

Oᴋarlutiglo Samuelemut: Nalegak Gudit tuksiarvigiuk kivgatit pivlugit, toᴋᴋolerᴋonata; ajornivulle illunaita tappilugit, idluitomik tamattominga pilaurivogut, attannermik tuksiarlaurapta uvaptingnut.