Jeremia 36:4 - Labrador Inuttitut Heritage Bible

⁴ Tagva Jeremiab Bâruk Nerîab erninga ᴋaiᴋovâ; Bârukiblo aglakpait aglaviksamut ᴋissingmut immûmajomut Jeremiab ᴋaninganit Nâlakab oᴋausingit tamaita, oᴋauserilauᴋtangit tâpsomunga.

Jeremia 36:4 Iomraidhean Croise

Jesaiase 30:8

Ailerit tagva, aglagvingmut aglaklugo sângine, pitillugolo aglangnut, illingarᴋovlugo uvluksat kingorlerpângannut, issoᴋangitomut aglât,

Jesaiase 8:1

Nalekable oᴋarvigivânga: Aglagaksamik angijomik tigusilerit aglaklutillo, inuit aglangnerivaktangit attorlugit: Mahersalalemut Hasbasemut! (imaipoᴋ: aᴋsârniksaraitomut, arᴋtaisaraitomut.)

Jeremia 25:13

Nunamullo tâpsomunga nalautsititsomavakka oᴋauserijakka tamaita, tâmna pivlugo oᴋauserisimajakka, ila aglangne tamakkonane aglaksimajut tamaita, Jeremiab nalautaijutigijangit inôᴋatigêksuit tamaita pivlugit.

Jeremia 30:2

Imâk oᴋarpoᴋ Nâlagaᴋ, Israêlib Gudinga, oᴋarlune: Oᴋautsit ilûnaita oᴋauserisimajakka ilingnut aglakit aglagaksamut.

Jeremia 32:12

Aglaillo pisiniarnermik nalonaijaijut tunivakka Bârungmut, Neriab, Masaiab erningata, erninganut, Hanamêle ᴋatangutiarsuga najûtitilugo, kigligiutjijuksallo attermingnik aglalauᴋtut aglangnut pisiniarnermik nalonaijaijunut najûtitilugit, Judit iksivajut udjertortut iglungane ilûnatik sângine.

Jeremia 36:14

Taimaimallo angajoᴋâᴋsuit ilûnatik Jehudi Netaniab erninga, Selemiab erngutanga, Kusib erngutadjusânga tilivait Bârungmut, oᴋautjauᴋolugo: Aglait immûmajut atuarsivigijatit inuit tusâtilugit tigukit aggangnut maungarlutillo. Bârukiblo aglait immûmajut tiguvait aggangminut ailunalo tâpkonunga.

Jeremia 36:21

Ataniublo Jehuda tilivâ aiklerᴋovlugo aglangnik immûmajunik; tâpsomalo tiguvait Elîsamab aglakpaktub ininganit. Jehudiblo atuarpait ataneᴋ tusâtilugo, angajoᴋâᴋsuillo ataniub saniane nangertut tusâtilugit.

Jeremia 36:23

Pijoᴋarporlo, Jehudib ingmigolingajut pingasut sittamallônêt atuarêramigit, ataniub aglait sêkpait saviarsungmut, egilugillo ikomamut kiaksautemêtomut, immûmajoᴋ ilûnane nungutauᴋârtinago ikomamut kiaksautemêtomut.

Jeremia 36:26

Ataniuble Jeramêele, Hamalekib erninga, Seraialo, Asriêlib erninga, Selemîalo, Abdiêlib erninga, tigusiᴋolauᴋpait Bârungmik aglakpaktomik Jeremiamiglo nalautaijomik; Nâlakable ijersimalauᴋpak.

Jeremia 36:27

Nâlakablo oᴋausinga tikipoᴋ Jeremiamut, atanek ikitsilauᴋârdlune immûmajomik, oᴋautsiniglo Bârukib aglalauᴋtanginik Jeremiab ᴋaninganit, oᴋarlune:

Jeremia 36:28

Tigusilaungmit immûmajomik tâpsoma assianik aglagvigilugillo oᴋautsinik sivorlititut itunik immûmajomêlauᴋtunik sivorlerme, Jojakimib Judab ataningata ikitaviningine.

Jeremia 36:32

Jeremialo immûmajub assianik tigusivoᴋ, tunilugolo Bârungmut, Neriab erninganut, aglakpaktomut; Tâpsomalo aglagvigivait Jeremiab ᴋaninganit aglait oᴋausertanginik tamainik, Jojakimib, Judab ataningata ikitavininginik ikomamut; oᴋautsiniglo taimaitunik unuktunik taipkoa assinginik illavait.

Jeremia 36:6

Igville tagvungarit, Nâlakablo oᴋausingit immûmajome aglalauᴋtatit ᴋanimnit atuakit Nâlakab iglungane inuit ilûnatik tusâtilugit uvlorme nerritailivingme, atuaraksarivatittauᴋ Judab iglugasaksoanginit anijut ilûnatik tusâtilugit.

Jeremia 43:3

Bârukible, Neriab erningata, ômisuktidlarpâtit uvaptingnik, pititsomavluta Kaldêamiut agganginut, tâpkoa toᴋotsiᴋovlugit uvaptingnik aularutilutalônêt Babilonemut.

Jeremia 51:59

Oᴋausek Jeremiab nalautaijûb perᴋojarilauᴋtanga Seraiamut Neriab erninganut Masaiab erngutanganut, Zedekia Judab ataninga Babilonaliaᴋatigingmago, atanioningata jâringita sittamangane. Seraia tagva pimaklertit angajoᴋângat.

Jeremia 51:60

Jeremiablo idluitut tamaita tikituksat Babilonemut aglakpait aglagvingmut atautsimut, oᴋautsit tamakkoa tamaita aglaksimajut Babilone pivlugo.

Hesekiel 2:9

Takosaramalo, ahâk, aggait uvamnut issamijut; sunaubvalo aglait immûmajut tigumiarpait;

Daniel 7:1

Belsazarib, Babilonib ataningata, jâringita sivorlipângani, Danieli sinnartômavluni takotitjumik takovoᴋ niaᴋomigut, iglimini inangagami: sinnartômaniᴋ tagva aglagutigivâ, pijoᴋartullo unipkautigilugit.

Saggaria 5:1

Amalo ijîkka arlortipâka takolungalo, ahâglo, aglarait immûmajut tingijut.

Rômiunut 16:22

Uvanga Terziuse, aglangnik ukkuninga aglaktunga, salutipapse Nâlekame.