Jeremia 36:3 - Labrador Inuttitut Heritage Bible

³ Imaᴋa Judab kinguvângit tusarajarput idluitunik tamainik kajusijutigijamnik piniaromavlugit tâpkonunga; sâgiarajarmattalo ilûnatik atunit apᴋotigijamingnit idluitomit; issumagijungnaivigivlugit ajorninginit idluitulininginillo pijungnarᴋovlunga.

Jeremia 36:3 Iomraidhean Croise

Nehemia 1:9

Sâniarupsele uvamnut perᴋojakkala kamagigupsigik, pinniarutigigupsigiglo, ajaktortaumagalloarupselo ᴋilaub issua tikkidlugo; sulle tagvangat kattersoromavapse, atsomaluselo innemut annerijamnut, atera tagvaneᴋovlugo.

Imgerut 139:24

Takkolutillo, apᴋomêmangârma idluitome; tassiulaungalo apᴋome issoᴋangitome.

Jesaiase 6:10

Inuit tâpkoa õmatingit mangaitikit siutingillo tussilartikit, ijingillo takpẽtikit, ijimingnut takkurᴋonnagit, siutimingnut tussarᴋonnagit, õmatimingnullo tukkiserᴋonnagit, sâgiarᴋonnagillo inûlijaurᴋonnagillo.

Jeremia 18:11

Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 18:8

Inôᴋatigêksuit tâpkoa oᴋautigijakka, sâgiarpatta idluitulinermingnit, ᴋaᴋialerutigijomavara idluitoᴋ kajusijutigilauᴋtara piniaromavlugo tâpkonunga.

Jeremia 23:14

Maᴋojungnartomiglo takosimagivunga nalautaijune Jerusaleme; assiniarput, arvertarpullo saglonerme, idluitulijullo aggangit pitsartutipait, sâgiartoᴋarᴋonago idluitulinerminit; uvamnut ilûnatik Sodomatut iput, inungillo Gomorratut iput.

Jeremia 24:7

Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

Jeremia 26:3

Imaᴋa tusaromalârput sâgiarlutiglo ilûnatik apᴋotigijamingnit idluitunit, idluitoᴋ piniarnilungnerijomalauᴋtara tâpkonunga piniarnerijamik idluiningat pivlugo ᴋaᴋᴋialerutigivlugo pijungnarᴋovlunga.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Hesekiel 12:3

Taimaimat, igvit inûb erninga, perᴋutitit opalungaisarkit aulârnermut, uvlôtilugolo tâpkoa takonârtilugit aulârit; nunagijarnillo aulartuksauvotit nunagijavît assianut tâpkoa takonârtilugit; imaᴋa malugosulârput tapatojoᴋsôᴋatigêgamik.

Hesekiel 18:23

Kuviasûteᴋarᴋêk idluitulijûb toᴋunganîk? oᴋarpoᴋ Nâlegaᴋ Nâlegaujoᴋ: ᴋuviagilualungilarâ sâgiarpat apᴋotiminit inôvlunelô?

Sefania 2:3

Nâlegak ᴋenersiuk, ilûnnase sinaungaitose nuname, tâpsoma perᴋojanganik nâlektose; idluarniksak ᴋenersiuk, sinaungainek ᴋenersiuk; ijertortauniangimangâpse Nâlekab ningarningata uvlungane.

Mattêuse 13:15

Inuit ukkua ômatingit mangaidlarmata, siutimingnullo tussânerludlarput sikungilarmiglo; ijimingnut takoᴋonagit, siutimingnullo tussarᴋonagit sâgiarᴋonagillo ikajortauvlutik uvamnut.

Markuse 4:12

Ijinut uitajunut tautuklutik illitarserᴋonagit, siutinullo angmajunut tussâvlutik tukkiserᴋonagit, sâgiarᴋonagillo, ajorningillo issumagijaujungnairᴋonagit.

Lukase 20:13

Perorsêviub inua tagva oᴋarpok: ᴋanok piniartuksauvêk? Ernera nagligidlartara tilijomavara; tâmna takogunitsuk, ileraginiarpallukpât.

Apostelit Piniarningit 26:18

Ijingit uititaulerᴋovlugit, taᴋtomit sâgiarᴋovlugit ᴋaumajomut, Sâtanasiblo pitsartuninganit Gûdemut; ajorninginit isumangnarungnaitomik kingormgutijaksamiglo pititauᴋovlugit, ivjornaititaujut ilagivlugit, okpernermut uvamut uvamnut.

Apostelit Piniarningit 26:20

Oᴋâlavlungale sivorlermik Damaskusemêtunut Jerusalemêtunullo, ilûnainullo nuname Jûdêamêtunut, taimaktauk nalojunut, ᴋakialerᴋovlugit sâgiarᴋovlugillo Gûdemut ᴋaᴋialernerublo piniarᴋojanginik idluartunik piniarᴋovlugit.

Apostelit Piniarningit 28:27

Inuit ukua ômatingit mangaidlarmatta, siutimingnullo tusânerludlarput, sikkungilarmiglo; ijimingnut takoᴋonagit, siutimingnullo tusarᴋonagit, ômatimingnullo tukiserᴋonagit, sâgiarᴋonagillo ikajortaujungnarlutik uvamnut.

Apostelit Piniarningit 3:19

Tagva mâna ᴋaᴋialeritse sâgiarluselo, ajornise pêjartauᴋovlugit.

Deuteronomy 30:2

Sâgiaruvillo Nâlekamut Gûdingnut, tâpsomalo nippinga nâlagungne, uvlome perᴋojakka ilingnut tamaita maliklugit, igvit ᴋitorngatillo, ômatingnut tamânut tarningnullo tamânut, maligomalerungne;

Deuteronomy 30:8

Igvillo sâgiaromârpotit, Nâlekab nippinga nâlegomavlugo, perᴋojangit tamaita, perᴋojijutigijakka ilingnut uvlome, piniaromavlugit.

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.

II Pêtrusib 3:9

Nâlekab angersimanine mulutingilâ, illangita mulutitaunasugigalloarmatsuk; ᴋenuersârvigitigulle, assioniartoᴋarᴋojinginame, ilûnaitale sâgiarᴋovlugit.

I Samuel 7:3

Samuele Israelib iglomiokotinginut illunamasianginut oᴋarpok: Omamut illunânut sâlerupse Nalekamut, tagva Gudingoat takkorngartat Astarotelo pêjarsigik illipsingnit, omattiselo torartisigik Nalekamut, kivgartortuarisiuglo; tagva piuliniarpâse Filisterit agganginit.