Jeremia 33:9 - Labrador Inuttitut Heritage Bible

⁹ Iglugasaksuillo makkoa attingortitsomavakka uvamnut ᴋuviagijaujomik, nertoraksaujomik opigijaksaujomiglo, inôᴋatigêksuit nunamêtut tamaita sângine, tusaromârtut ajungitunik tamainik piniarnerijomajamnik tâpkoninga, sivôrajomârtullo sajugomârtullo ajunginerit tamaita ulapirᴋsaullo tamât tikititsomajakka tâpkonunga pivlugit.

Jeremia 33:9 Iomraidhean Croise

II Kronika 20:29

Gudiblo sivuranarningata attanniovit illunaita nunane tupvigilerpait, tussarmatta Nalekab Israelitit omigijingit sorsugvigilaungmagit.

Nehemia 6:16

Omigijiptalo ilûnatik tamânna tussaramitsuk, nallojut avatiptingnêtut ilûnatik sivuravut, mungolerlutiglo, mallugosukamik pinniarnek tamânna Gûdemit pingmat.

Ester 8:17

Nunanelo ilûnaine, iglugaseksoarnelo tikkitaujune atanniub oᴋausinginut, perᴋojanganullo, ᴋuviasungneᴋalaukpok, erᴋiêrtorneᴋalarmelo Jûdit akkorngane, nerrimartitsivut uvloksiorlutiglo. Unuktullo nunat inunginit Jûdingorlaukput; Jûdit sivuranarningita tupvigilaungmagit.

Imgerut 130:4

Illingne issumagijaujungnaineᴋarmat, sivôragijauᴋovlutit.

Imgerut 40:3

Imgerusertâmiglo tunnitsivigilaukpânga ᴋannimnut Gûdivut nertorlugo. Unnuktut tamanna takkojomârpât Nâlegarlo sivuragijomârpât nerriugilugolo.

Jesaiase 43:21

Inuit tâpkoa âᴋiksorpakka uvamnut, nertornadlarnera oᴋautigijaksarivât.

Jesaiase 55:13

Keblariktut peroromârput ukpigait kakkilautiggit innangerlugit, mirtillo perornerdluktut kakkilautiggit innangerlugit; Nâlekamullo tamanna nertornautiksaujomârpoᴋ nallunaikutaksaularmelo asserojuitoᴋ nâksaungitomut.

Jesaiase 60:5

Tagva takonârlutit erᴋiertoromârpotit, õmatillo tiglerlunelo angijororomârpoᴋ, pivianartoᴋsuit imarbiksûb kiglinganẽtut nũtitaukpatta illingnut, nallojoᴋsuillo perᴋutigijangita tikkipattit.

Jesaiase 62:1

Zione pitjutigivlugo nippangeromangilanga, Jerusaleme pitjutigivlugo ᴋikkaromangilanga, idluarsijutiksanga nuilerᴋârtinago ᴋaumanartoᴋsôjotut, piulijauviksangalo naneroatut ikkijotut.

Jesaiase 62:12

Taijaujomârpullo inûᴋatigêksoarnik ivsornaitunik Nâlekab piulijanginik, igvillo taijaujomârpotit iglugasaksoarnik takojartortauvaktunik, ᴋemaktauniangitunik.

Jesaiase 62:4

Kemadlaraujomik taijaujungnairomârpotit kingorngane, nunallo inuᴋangitomik taijaujungnairomârpoᴋ kingorngane, taijaujomârpotille ᴋuviagijamnik, nunallo uilingmik (taijaujomârpoᴋ), Nâlekab ᴋuviagingmattit, nunallo uiᴋarmat.

Jesaiase 62:7

Nippangerviginiarasiuk (Nâlegaᴋ), Jerusaleme tungavilertaurᴋârtinago nertornartitaurᴋârtinagolo nuname tâpsomunga.

Jesaiase 64:2

Sôrlo ikkomab ᴋessertutit ikkingmagit, sôrlolo ikkomab imeᴋ tertiktingmago; attit nallonarungnairtitaurᴋovlugo ômigijingnut, nallojullo sajuktitaurᴋovlogit kênavit sângane,

Jeremia 13:11

Sorlo tapserut atsungersortaungmat angutiub makitinganut, taimak Israêlib ᴋitorngangit ilûnaita Judablo ᴋitorngangit ilûnaita atsungersoromalauᴋpakka uvamnut, Nâlagaᴋ oᴋarpoᴋ; inuᴋutauᴋovlugit, unipkautiksauᴋovlugillo, nertortaujutiksauᴋovlugillo, opigijaujutiksauᴋovlugillo uvamnut; tusaromalaungilalle.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jeremia 24:6

Ijîkka torârtitsomavâkka tâpkonunga ajungitulivigijomavlugit, utertitsomavakkalo nunamut mattomunga; âᴋiksoromavakkalo serᴋominagillo, perortitsomavakka nussungnagillo.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 29:1

Makkoangovut aglait oᴋausertangit nalautaijub Jeremiab tilijangit Jerusalemit aularutijaujut angajoᴋângita amiakunginut, ajoᴋertuijunullo, nalautaijunullo, inungnullo tamainut Nebukadnezarib aularutijanginut Jerusalemit Babilonemut;

Jeremia 3:17

Naliutomele tâpsomane Jerusalem atseraromârpât Nâlakab iksivautaᴋsoanganik; inôᴋatigêksuillo ilûnatik katijomârput tagvunga, Nâlakab attinga pivlugo, Jerusalemut; arvertarungnairomârpullo ômatingita idluitut nâmagijangat maliklugo.

Jeremia 3:19

Oᴋalauᴋpungale: ᴋanoᴋ tagga pititsungnarpagît ᴋitorngat akornganût, tunidjivigilutillo nunamik pijominartomîk, kingormgutijaksamik pionerpaujomik inôᴋatigêksoarnît? Oᴋalauᴋpungalo: Taijomârparma: Atâtamik; maligungnainiarungnaiparmalo.

Jeremia 31:14

Ajoᴋertuijullo tarningit nâmaksititsomârpakka ajunginermut, inuᴋotimalo pitsiarnera nâmagijomârpât, oᴋarpoᴋ Nâlagaᴋ.

Jeremia 31:4

Attauk, sananiarpagit pijarêrsimaniarpotillo tagva, uigasôjotit Israêle; ᴋillausijarlutit pinnarnarsititaujomârivotit, anijuksauvotillo ᴋuviasuklutillo oᴋigêsertut ilagilugit.

Jeremia 32:42

Imâk oᴋarmat Nâlagaᴋ: Sorlo idluitoᴋ tamanna ilûnât tikiutigapko inungnut ukkununga, taimak ajungineᴋ tamât angerutigijara tâpkonunga tikiutijomagivara tâpkonunga.

Jeremia 33:14

Ahâk, uvlut naliutijomârput, oᴋarpoᴋ Nâlagaᴋ, piniarvigijomârtamnik oᴋausermik ajungitomik oᴋauserisimajamnik Israêlib kinguvângit pivlugit Judablo kinguvângit pivlugit.

Jeremia 4:2

Soᴋoserungnangitomiglo angermariktuksauvotit: Sorlo Nâlagaᴋ inôngmat, mikseᴋârnerme, erᴋartuinermelo, idluarnermelo; inôᴋatigêksuit tagva saimartitaujutigijomârpât, nertornautigijomârlâllo.

Jeremia 44:8

Taimaidluse ningarsârpapsinga aggapse sanajanginut, tipigiksautinik isserluanititsigapse gudingoanut assimnut nuname Egipteneme nunagijartortapsingne; nakartauᴋovluse, oᴋarnerlutauᴋovluselo mitautauᴋovluselo inôᴋatigêksuit nunamêtut tamaita akorngane.

Jeremia 49:25

Ahâk, iglugasaksuit nertordlertotalit ᴋemaktaungilât, iglugasaksuit ᴋuviagijakkâ?

Hesekiel 26:20

Kanungartitsomavagit attersârtut itersâlungmut ilagivlugit, inungnut itsarnitanut, nunaᴋartitsomârpagillo nunane allerpâne, inine nutaungitomit inuêrutjaujune, itersâlungmut attersârtut ilagivlugit, inuᴋarungnaiᴋovlutit, allianarnîllo ilijomângilara inôjut nunangane.

Hesekiel 36:35

Oᴋaromârpullo: Nuna tâmna ᴋemaktaumajovineᴋ perorsêviktut Edenetut ipoᴋ; iglugasaksuillo inuᴋarungnaitovinit ᴋemaktavinillo serᴋomitavinillo avalutârput inuktaᴋarlutiglo.

Hesekiel 39:13

Nunablo inungit ilûnatik ilijijomârput tâpkoninga, nertornautigilârpâllo uvlorme ânanausijauvimne, oᴋarpoᴋ Nâlegaᴋ Nâlegaujoᴋ.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Saggaria 1:17

Nipliasârit, oᴋarlutit, Imâk oᴋarpok Nâlegak Zebaot: Iglugasaksoaᴋotikka pikuminartut aglivalialârput sulle; Nâlekablo Zione manigoromârpâ, Jerusalemelo ama annerijomârpâ.

Saggaria 12:2

Ahâk, Jerusalem ᴋajûtangortitsomârpara oggojarnartok inôᴋatigêksoarnut tamainut avanêtunut, Jûdatauk pijauᴋataujomârpok Jerusalem sorᴋsuktunut ilumajaulerpat.

Deuteronomy 30:5

Nâlekablo Gûdivît tikiutilârpâtit nunamut atâtagijavît pigilauᴋtanganut, igvillo pigilârpat; tâpsomalo ajungitulivigilârpâtit, unuksitilutillo piluartomik atâtagijarnit.