Jeremia 32:8 - Labrador Inuttitut Heritage Bible

⁸ Tamanna pivlugo Hanamêlib ᴋatangutiarsuma tikilauᴋpânga udjertortut iglunganêtilunga, Nâlakab oᴋauserijanga maliklugo, oᴋautilungalo: Pisiarilauruktôᴋ perorsêviga Anatotemêtoᴋ Benjamib nunangane; igvit kingormgutijaksarigangne, pijuksaunerpângovotillo pisiarilugo; pisiarilauruk nangminerijomavlugo. Kaujimavunga tagva Nâlakab tamanna oᴋauseringmago.

Jeremia 32:8 Iomraidhean Croise

I Atannit 2:26

Ajuᴋertuijomullo Abjatharemut atannek oᴋarpok: Ailerit Anatotemut perorsêvikotingnut, toᴋotaksaugavit. Uvlomele toᴋotsomangilagit, Nâlekab iklervinga akjarlaurangne atâtama Davidib sivorngane, siorniorᴋataulauravillo atâtaga siorniudlartillugo.

I Atannit 22:25

Micha oᴋarpok: Ahâk takkojomârpat uvlorme taipsomane, innimit atautsemit ᴋemâᴋattarniaruvit asianut ailutit, ijerlutit.

I Kronika 6:60

Kinguvarênillo Benjaminekunit Geba, Alemetelo, Anatotelo, aiparusingit ilaliudlugit. Tapkoalo iglogasaksoangit abvakungine 13 ôlaukput.

Jeremia 1:1

Tamadja Jeremiab, Kilkiab erningata ajoᴋertuijut Anatôtemêtut Benjaminib nunangane, ilangata oᴋauserijangit.

Jeremia 32:2

Naliutome tâpsomane Babilonib ataningata sorᴋsuktungita Jerusalem ilumavât; Jeremialo nalautaijoᴋ parngnanairsortaulauᴋpoᴋ Judab ataningata iglungata udjertortungita iglungane.

Jeremia 32:25

Igvillo Nâlagaᴋ Gudik! oᴋautivarma: Perorsêvik pisiariuk kênaujanut, kigligiutjijuksaniglo ᴋaiᴋojilerit; sunaubva iglugasaksuit tunijaumagaloartilugit Kaldêamiut agganginut.

Jeremia 32:7

Ahâk, Hanamêlib ᴋatangutiarsuvit, Sâlumib erningata, tikilârpâtit oᴋarlune: Perorsêviga Anatotemêtoᴋ pisiariuk, igvit ilamnit kingormgujijuksaunerpaugavit pisijuksauvlutit.

Jeremia 33:1

Nalekablo oᴋausinga aipanganik tikipoᴋ Jeremiamut, parngnanairsortautilugo sulle udjertortut iglungane, oᴋarlune:

Jeremia 37:12

Jeremia anivoᴋ Jerusalemit Benjamib nunanganut aijomavlune, tagvane inuit akorngane pijaksaminik tigusijomavlune.

Hesekiel 12:7

Taimailiorpungalo sorlo perᴋojaugama; uvlôtilugo perᴋutikka anipakka nûgomajub perᴋutingititut, unnulermallo ᴋarmaᴋ puttovara aggamnut; tâᴋsilermalle anipakka erᴋsuklugillo tâpkoa takoane.

Saggaria 11:11

Serᴋomitaulaukporlo uvlorme tâpsomane: saukallo ajulernerpât uvamnik kamatsiartut misigidlarput Nâlekab tamanna oᴋauseringmago.

Johannese 4:53

Tagva atâtanga tukkisivoᴋ, stûnde tâmnaungmat, oᴋautjauvine Jêsusemut: Ernît inôvok. Okpilerporlo iglomioᴋatine ilûnaita illagilugit.