Jeremia 32:7 - Labrador Inuttitut Heritage Bible

⁷ Ahâk, Hanamêlib ᴋatangutiarsuvit, Sâlumib erningata, tikilârpâtit oᴋarlune: Perorsêviga Anatotemêtoᴋ pisiariuk, igvit ilamnit kingormgujijuksaunerpaugavit pisijuksauvlutit.

Jeremia 32:7 Iomraidhean Croise

I Atannit 14:5

Nâlekable Ahia oᴋautiva: Ahâk Jerobeamib nullianga ᴋaivok, suna apperᴋutigijomavlugo illingnit, ernine pivlugo, tamna ᴋanimangmat. Tagva mânna oᴋautiniarpet imâk imâglo. Itteramelo mânna takkorngartausertorpok.

Jeremia 1:1

Tamadja Jeremiab, Kilkiab erningata ajoᴋertuijut Anatôtemêtut Benjaminib nunangane, ilangata oᴋauserijangit.

Jeremia 11:21

Taimaimat imâk Nâlagaᴋ oᴋarpoᴋ Anatotemiut, inôsernik pinasuartut, pivlugit, oᴋarlutik: Nalautainiarnak Nâlakab attingane, aggaptingnut toᴋotauᴋonak.

Jeremia 32:6

Jeremialo oᴋarpoᴋ: Nâlakab oᴋausingata tikilauᴋpânga, oᴋarlune:

Jeremia 32:8

Tamanna pivlugo Hanamêlib ᴋatangutiarsuma tikilauᴋpânga udjertortut iglunganêtilunga, Nâlakab oᴋauserijanga maliklugo, oᴋautilungalo: Pisiarilauruktôᴋ perorsêviga Anatotemêtoᴋ Benjamib nunangane; igvit kingormgutijaksarigangne, pijuksaunerpângovotillo pisiarilugo; pisiarilauruk nangminerijomavlugo. Kaujimavunga tagva Nâlakab tamanna oᴋauseringmago.

Leviticus 25:23

Nunalo aulaijaksaringilase issoᴋangitomut; nuna perᴋutigigapko, ilipselo takorngartauvluselo tujormiogapse uvamne.

Leviticus 25:24

Nunamelo ilûnâne perᴋutigijapsingne angiᴋatigêktuksauvose nuna aulaijak pisiangojuksaungmat.

Leviticus 25:25

ᴋatangutit akludlalerpat, perᴋutimelo ilanga niorvgutigikpago, ilanga ᴋaninerpâk ᴋaijuksauvok ᴋatangutimelo niorvgutigijanga pisiaringmilugo.

Leviticus 25:34

Perorsêville nerrinasugvit iglugasaksuit avatâne aulaijaujuksaungilat; tâpkoa perᴋutigingmagit soraijuitomik.

Leviticus 25:49

Akkamelônêt angamelônêt, tâpkoalônêt erningita ilangata pisiarijungnarpâ, ilamelônêt ᴋanitut ilangata pisiarijungnarpâ; akluinajarunelônêt nangminerminik pisiarijungnarpok.

Numbers 35:2

Israêlikut perᴋokit tunitjiᴋovlugit Levikunut iglugasaksoarnik iniginiartanginik kingormgutijanit pigijamingnit; nerrinasugviksaniglo iglugasaksuit avatângine tunitjijuksauvose Levikunut.