Jeremia 32:5 - Labrador Inuttitut Heritage Bible

⁵ Tâpsomalo Zedekia tassigoalârpâ Babilonemut, tagvanêtuksauvorlo nalipsaiᴋârtinanga tâpsominga, oᴋarpoᴋ Nâlagaᴋ; Kaldêamiut sorᴋsugaloarupsigik suliniatsangilasê?

Jeremia 32:5 Iomraidhean Croise

II Kronika 13:12

Ahâglo, uvagut illagivâtigut sivuniptingne, Gudib ajochertuijoᴋotingitalo, Trompetillo trompetesijautigijauᴋovlugit akkingerluse. Kittorgaujose Israelemut, akkerartorniarase Nalekamut atâtagijapse Gudinganut, sullinianginapse.

II Kronika 24:20

Gudible annerningata Zacharja Jojadab ajochertuijub erninga tupvigilerpa, nangeriartorporlo innugasaksuit ᴋollânut, oᴋautilaitalo: Gude imâk oᴋarpok: Sôg Nalekab perᴋojangit tappagivissigîk? Sulliniatsangilase. Nalegak ᴋemagapsiuk, ᴋemaniarivâse.

Salomob Okâl 21:30

Ilisimanerlonêt, silatônerlonêt, kajusimanerlonêt sullitsengilat Nâlegak akkerartorlugo.

Jeremia 2:37

Tâpsomungatauᴋ anijomârpotit, aggatit pâᴋtigêktisimatilugit niaᴋovît Kângane; Nâlakab tatigijatit ajaktolaungmagit, igvillo suliniatsangilatit tâpkonane.

Jeremia 27:22

Babilonemut âtaujuksauvut tagvanêtuksauvullo uvloᴋ naliutiᴋârtinago tâpkoninga nalipsaiviksara, oᴋarpoᴋ Nâlagaᴋ; taipsomane tamaungautitsomavakka, utertitsomavlugillo tamaunga.

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 32:6

Jeremialo oᴋarpoᴋ: Nâlakab oᴋausingata tikilauᴋpânga, oᴋarlune:

Jeremia 33:5

Itervigivait Kaldêamiut sorᴋsugomavlugit, tataniarpaille timinik toᴋungajunik, toᴋotamnik ningarnimne ᴋaningaumajârnimnalo, pitjutigijamnik kênara allartitsomagapko iglugasaksoarnit ukkunangat idluituliningit tamaita pivlugit.

Jeremia 37:10

Annaulersimagaloarupsigik Kaldêamiut sorᴋsuktoᴋatigêksoangit sorᴋsukvigijise ilûnaita, ikkelingnik kissianik amiakoᴋartilugit, sulle tâpkoa ilûnatik makitajârput atunit tupermine, iglugasaksuillo makkoa ikilugit ikomamut.

Jeremia 39:4

Pijoᴋarporlo, Zedekiab Judab ataningata sorᴋsuktoᴋatigêksoangitalo ilûnatik takungmagit, ᴋemâvut, unnuarmelo anivut iglugasaksoarnit, ataniub perorsêvingata apᴋutâgut, itertarvikut ᴋarmaᴋsoâk tapitarêk akorngangnêtokut, anivullo naᴋsarsûb apᴋotinganut.

Jeremia 39:5

Kaldêamiulle sorᴋsuktoᴋatigêksoangita udlapait, Zedekialo anguvât Jerikub naternangine; tigugamitsuglo Nebukadnezaremut Babilonib ataninganut âpât, Riblamut Hâmatib nunangane, tâpsomalo erᴋartorpâ.

Jeremia 39:7

Pêjarpâglo Zedekiab ijîgik, ᴋelaksorpâlo ᴋelaumgujanut Babilonemut âtsomavlugo.

Jeremiab Ogguarutigijangit 1:14

Tapatonima nangmautinga ᴋelaksortauvok tâpsoma agganginut; pergaijauvut, ilijauvullo ᴋongesimnut; nukkeᴋarungnaitipânga. Nâlekab pitisimavânga ipkoa sâlagijungnangitama agganginut.

Hesekiel 12:12

Angajoᴋârlo tâpkonanêtoᴋ erᴋsuklune anijomârpoᴋ tâᴋsitilugo; ᴋarmarlo puttolârpât tagvûna anijomavlutik; kênane mattulârpâ, nunamik takojomanane ijiminut.

Hesekiel 12:13

Nulluakkalo issivitsomârpakka tâpsomunga, nigamnullo nigartitaulârpoᴋ; tikiutijomârparalo Babilonemut, Kaldêarit nunanganut; takojomângilâlle, tagvane toᴋolâraloarame.

Hesekiel 17:15

Kissianele tâpsoma tapagivâ, aᴋpârtunik tiliklerame Egiptenemut, tâpkonunga tunitjiviojomavlune horsenik inugasaksoarniglo. Piluangolârkâ? Taimailiortoᴋ pijautaililârkâ? Angiᴋatigêngneᴋ serᴋomilârᴋaûk pijautaililunelô?

Numbers 14:41

Moseselo oᴋarpoᴋ: Suna pivlugo Nâlekab perᴋojanga tapagijomavisiûk, suliniatsanginapsê?