Jeremia 32:23 - Labrador Inuttitut Heritage Bible

²³ Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 32:23 Iomraidhean Croise

Esra 9:7

Atâtagijapta nalliuninganit passijaksaudlalaukpogut uvlok tamanna tikkidlugo; idluitullinivullo pitjutigellugit uvagut, attannivullo, ajochertuijôvullo, tunnijaumavogut nunat attannertangita agganginut, saviksoarmut, parngnanairsimavingmullo, aksartaunermullo, kênaptalo kangusuktitauninginut, sorlo uvlorme tamattomane illingangmat.

Nehemia 9:15

ᴋakᴋojamiglo ᴋilangmit tunnitsivigilaukpattit kâktilûgit, immermiglo anniᴋojilaukpotit tapᴋonunga ᴋairtomit immerulauktilûgit; oᴋarvigivattillo aijuksaungmatta nuna nangmineliutilugo, aggangnik issajutigilauktat kôngmut, tunnijomavlugo tapᴋonunga.

Imgerut 78:10

Gûdib angersimaningit nâlelaungilait, malligaksauᴋojanginnelo arvertaromalaungilet.

Jeremia 2:7

Uvangale tikiutilauᴋpapse nunatsiariktomut, nerriᴋovluse perortunginik perᴋutinginiglo; iterapsele nunaᴋutiga ivsornartilauᴋpase, kingormgutijaksaralo maᴋojungnartilauᴋpase.

Jeremia 26:4

Oᴋautijaksarivatillo: Imâk oᴋarpoᴋ Nâlagaᴋ: Tusaromangikupsinga, arvertaromanase perᴋojamne, sâpsingnut pititamne,

Jeremia 44:10

Nikanarsâlungilat uvlome tikidlugo aglât, sivôrangilallônêt, arvertalungilallônêt maligaksauᴋojamne perᴋojamnelônêt pititamne sâpsingnut atâtapselo sânginut.

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Jeremiab Ogguarutigijangit 1:18

Nâlegak idluarpok; tâpsoma perᴋojangit tapagilaurapkit; tusalauritse, inôᴋatigêngojose ilûnase, kapiasungneralo ulernairtorsiuk: uigasukka angutikkalo inôsuktut aularutijaumavut.

Jeremiab Ogguarutigijangit 1:8

Jerusalem sôngojomik idluitulilaukpok; taimaimat ilingavok ivjornartungortitaumajotut; ilûnatik opigosulauktut tâpsominga naggogivât, takogamik ussinganinganik; ilâ, anersaumivok, tunumullo sanguvok.

Hesekiel 20:18

Sunaᴋajuitomelo ᴋitorngangit oᴋautivakka: Arvertarniarase atâtapse maligaksauᴋojangine, nâlengniaraselo perᴋojanginik, ivsornartiniaraselo ilipsingnik gudingoanginut;

Hesekiel 20:21

Kitorngalletauᴋ tapagivânga; arvertalaungilat maligaksauᴋojamne, perᴋojakkalo nâlengilait piniaromavlugit, inûb tamakkoa piniarpagit inôjûtigijangit; sabbatikka ivsornaijungnaitipait, oᴋarpunga tagva ᴋaningaumajârnera kovijomagapko tâpkonunga, ningaumajârnera tâpkoninga nâmaksijomavlugo sunaᴋajuitome.

Hesekiel 20:8

Tâpkoale tapagilauᴋpânga nâlegomanangalo; egitsijoᴋangilaᴋ ijingita maᴋojungnarutigijanginik, iperaingilallônêt Egiptenemiut gudingoanginik: oᴋarpunga tagva, kovisivigijomavakka ᴋaningaumajâdlarnimnik, nâmaksijomavlugo ningaumajârnera tâpkoninga tagvane Egipteneme.

Lukase 17:10

Taimâktauk ilipse, perᴋojaunise tamaita pinialaurupsigik oᴋaritse: Kivgakullôvogut; piniaraksavut kissêta pigaptigik.

Johannese 15:14

Ilipse ilannârivapse, piniarutjigupse perᴋojamnik.

Galâtsiamiunut 3:10

Perᴋojat piniarᴋojanginik tatteᴋartut ilûnatik ôminarnermêngmatta. Aglaksimangmat: Ominarsile neliat nâlengitoᴋ tamainik aglaksimâjunik aglangne perᴋojane, malingnagillo.

Jâkobusib 2:10

Perᴋojanik tamainik nâlektub, atauserle nâlengikuniuk, tamaita pidlartaujutigivait tâpsoma.

Josua 21:43

Taimak Nalekab Israelitit tunnitsivigilaukpait nunamik illunânik, angermarijutigilauktaminik atatagijanginut tunnijijomavlune, aksarnigarilaukpâllo innigilugolo.

Josua 23:16

Tappagigupsiuk Nalekab Gudipse angerutigijanga, perᴋolauktanga illipsingnut, aigupselo kivgartorluselo Gudib assinginik (Gudingoanik) tuksiarvigigupsigiglo, tagva Nalekab ningausinga illungertorniarpok pivluse, pêjarniarpâselo nunamit ajungitomit tunnilauktaminit illipsingnut.