Jeremia 32:22 - Labrador Inuttitut Heritage Bible

²² Tunitjivigilugillo nunamik ominga, angerutigilauᴋtarnik atâtagilauᴋtanginut tunijomavlugo tâpkonunga, nunamik imungmik igupsaujartullo orᴋsuanik kôlingmik;

Jeremia 32:22 Iomraidhean Croise

Genesis 13:15

Nuna takojat ilûnât tunijomavara perᴋutautsainartilugo illingnut kinguvâksarnullo.

Genesis 24:7

Nâlekab, ᴋilaub Gûdingata atâtama iglunganit inûlervimnillo aulartingmanga oᴋarvigivlungalo angermariklungalo, oᴋarlune: Kinguvâksarnut nuna tamanna tunijomavara; tâpsoma engeline sivunikkut tillilârpâ, taikangallo ernera nuliaksarsilârpat.

Genesis 50:24

Josefiblo ᴋatangutine oᴋautivait: Toᴋolerpunga; Gûdiblo nalipsaromârpâse, nunamit mattomangat paungartiluse nunamut angerutigijaminut Abrahamut Isaamullo Jakomullo.

Nehemia 9:15

ᴋakᴋojamiglo ᴋilangmit tunnitsivigilaukpattit kâktilûgit, immermiglo anniᴋojilaukpotit tapᴋonunga ᴋairtomit immerulauktilûgit; oᴋarvigivattillo aijuksaungmatta nuna nangmineliutilugo, aggangnik issajutigilauktat kôngmut, tunnijomavlugo tapᴋonunga.

Exodus 13:5

Taimaimat Nâlekab tikiutitikpatit Kânaanemiut Hetiterillo Amoriterillo Heviterillo Jebusiterillo nunanginut angermarijutigilauktanganut atâtapsingnut tunijomavlugo ilingnut, nunamut imungmik igupsaujârtullo orᴋsunganik kôktomut, tagva piniutaunek tamanna uvloksiorutigijaksarivat takᴋerme ômane.

Exodus 3:17

Oᴋarpungalo: Egiptenib kapianartoksôninganit paungartitsomavapse Kânaanemiut Hetiterillo Amoriterillo Feresiterillo Heviterillo Jebusiterillo nunanganut, nunamut imumik igupsaujârtullo orksuanik kôlingmut.

Exodus 3:8

Akᴋarpungalo, Egiptenemiut agganginit piulijartoromagapkit aulartitsomavlugillo nunamit tamatomangat nunamut ajungitomut nerrotojomullo, nunamut imumik igupsaujârtullo orᴋsuanik kôlingmut, Kânaanemiut Hetiterillo Amoriterillo Feresiterillo Heviterillo Jebusiterillo nunanganut.

Jeremia 11:5

Nalautsititsijungnarᴋovlunga angernermik soᴋoserungnangitomik angerutigilauᴋtamnik atâtagijapsingnut, tunidjivigijomavlugit nunamik imungmik igupsaujârtullo orᴋsuanik kôlingmik, sorlo uvlome pingmat. Kiolauᴋpungalo, oᴋarlunga: Amen, Nâlagaᴋ.

Hesekiel 20:15

Aggakkalo isângatilauᴋpakka tâpkonunga sunaᴋajuitome, tikiutijomanginapkit nunamut tunijamnut tâpkonunga, kôᴋartomut imungmik igupsaujârtullo orᴋsuanik, nunanit tamainit pionerpaujomut;

Hesekiel 20:6

Uvlorme tâpsomane aggakka ᴋolangiutitilauᴋpakka tâpkonunga anititsomavlugit nunamit Egiptenemit nunamut tâpkonunga ᴋenilauᴋtamnut imungmik igupsaujârtullo orᴋsuanik kôᴋartomut, nunat tamaita pionerpânganut.

Numbers 14:16

Nâlegaᴋ sapilaungmat inugiartoᴋsuit tâpkoa tikiutitilugit nunamut angerutigilauᴋtaminut tâpkonunga, toᴋorarpait sunaᴋajuitome.

Numbers 14:30

Tikituksaungilase nunamut angerutigilauᴋtamnut, aggakka issângatilugit, nunaᴋutautitsomavlugo ilipsingnut, Kâle, Jefunib erninga, Josualo, Nunib erninga, kissimik.

Deuteronomy 1:35

Angutit ukkua kinguvârêt idluitut ilangata atautsiblônêt nuna ajungitok angerutigilauᴋtara tunijomavlugo atâtanginut, takojaksaringilâ,

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 6:10

Nâlekablo Gûdivit tikiutitikpatit nunamut, oᴋamariklune angerutigijaminut atâtagijarnut, Abrahamut, Isaarmullo, Jakomullo, tunijomavlugo ilingnut; iglugasaksuit angijut ânanaudlartullo, senalaungitatit,

Deuteronomy 6:18

Idluartomiglo ajungitomiglo Nâlekab takkoane piniartuksauvotit, piloridlarᴋovlutit, iterungnarᴋovlutit pigilugolo nuna piodlartok Nâlekab angerutigijanga atâtagijarnut,

Deuteronomy 6:23

Tikiupâtigullo tagvangat, itertitsomavluta, nunalo angerutigijane atâtagijaptingnut tunijomavlugo uvaptingnut.

Deuteronomy 7:13

Nagliginiarpâtillo, saimarsarniarpâtillo, unuksitiniarpâtillo; timivîllo paungangit nunavîllo paungangit saimarsarniarpait, senaugaksatillo, vainiksatillo, orᴋsutillo, tuktuvaᴋotivîllo piarangit, saugakotivîllo piarangit, nuname oᴋamariklune angerutigijane atâtagijarnut tunijomavlugo ilingnut.

Deuteronomy 8:1

Perᴋojat uvlome ilingnut perᴋojijutigijakka tamaita kamagijaksarivase piniarlugillo, inôᴋovluse, unuksiᴋovluselo, iterᴋovluselo nunalo Nâlekab angerutigijanga atâtagijapsingnut pigilugo piᴋovluse.

Josua 1:6

Maksoalerit mungungajuilutillo; nunamik aviksijuksaugavit innugasaksoarnut ukkununga, angerutigilauktamnik atâtagijanginnut, tunnijomagapᴋo tapkonunga.

Josua 21:43

Taimak Nalekab Israelitit tunnitsivigilaukpait nunamik illunânik, angermarijutigilauktaminik atatagijanginut tunnijijomavlune, aksarnigarilaukpâllo innigilugolo.