Jeremia 32:19 - Labrador Inuttitut Heritage Bible

¹⁹ Angijôvotit atanertuinerme, pitsartudlarlutillo piniarnerme; ijîkik uitavuk inuit ᴋitorngangita apᴋotinginut tamainut, tamaita tunitjivigijomavlugit apᴋotingit maliklugit, piniarningitalo kinguniksangit maliklugit;

Jeremia 32:19 Iomraidhean Croise

I Atannit 8:32

Tagva igvit tusalaurit ᴋillangme, pinniarlutillo, Erᴋartorlugillo kivgatit, uivêtok pasijaksaunerarlugo, agvertarningalo pitilugo niaᴋunganut; idluartorlo idluartonerarlugo, tunnitsivigilugolo idluarninga malliklugo.

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

Hiobe 34:11

Tâpsomale inuk akkiniarpâ, sôrlo pinialaungningatut, attunîllo nachvârᴋovait apᴋosinerijatik malliklugit.

Hiobe 34:21

Tâpsoma ijikita ilûnatik attunnît apᴋosiningit takkonârmagit, ablorningillo ilûnaita tautukpait.

Imgerut 111:2

Nâlekab pinniarningit angijôvut, makkoninga kamajub ᴋuviagidlarpait.

Imgerut 34:15

Nâlekab ijikita idluartut kamagivait, siutikitaklo nipliadlarningit.

Imgerut 62:12

Igvillo Nâlegak saimarviᴋarpotit; illunaita attunit akkilêvigigangne pinniarningit malliklugit.

Imgerut 92:6

Sillaitub tamanna ᴋaujimangilâ illissimaitublo mallugingilâ.

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Salomob Okâl 5:21

Ilûnâmasiatik atunît apᴋotingit Nâlekab ijikita sangangnêput, ainingillo tamaita nautsertorpait.

Salomob Okâl 8:14

Ajuᴋertusek, (atanertuinek) piniarnerlo tamarmik nangminerivâka; silatuneᴋarpunga, pitsartuneᴋalarmalo.

Okaluktok 12:14

Gûdib piniarnerit tamaita pititsomârmagit Erᴋartuivingmut, tamaita illaliudlugit sagvarsimangitut, idluarmangâta idluimangâtalonêt.

Jesaiase 28:29

Tamannatauᴋ pivoᴋ ᴋilangmiugasaksuit Nâlegangannit. Kajusimaninga tattamnarpoᴋ, illisimaningalo inornarpoᴋ.

Jesaiase 40:13

Kina Nâlekab anerninganik aulatsivâ? Kialo attanertuijotut ajoᴋertorᴋaûk?

Jesaiase 59:18

Piniarnerijangit malliklugit, illa tamakkoa malliklugit akkileromârpait akkerartortine ningaumajârnermik, ômigijine akkiniarnermik; ᴋikkertallo akkiniadlaromârpait,

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Jeremia 16:17

Ijîngma tâpkoa apᴋotingit tamaita tautungmatikik; ijertaulungimatta kênamnit, idluituliningillônêt angiarijaulungilat ijimnut.

Jeremia 17:10

Uvanga Nâlagaujunga ômate nautsertorpara, uvanga taᴋtut ôktorpakka, inuit tamaita tunidjivigijomavlugit piniarningit maliklugit, suliarijangitalo sakᴋertitangit maliklugit.

Jeremia 21:14

Sugiaromavapselo piniarnipse saᴋᴋertangit maliklugit, oᴋarpoᴋ Nâlagaᴋ; ikitsijomavungalo ikomamik napârtungine, nungutsijomârporlo tamainik avatânêtunik.

Jeremia 23:24

Inuk ijertorviksarsijungnarᴋâ uvanga takonianginapkô? oᴋarpoᴋ Nâlagaᴋ. Nâjimalungilangâ ᴋilangmik nunamiglô? oᴋarpoᴋ Nâlagaᴋ.

Jeremia 25:14

Inôᴋatigêksuit unuktut atanersuillo kipalungortingmagit tâpkoa; akkiniaromavakkalo piniarningit maliklugit, aggangitalo suliangit maliklugit.

Daniel 2:45

Sorlolo takolauravit ujaraᴋ saviujartortaulaungmat ᴋaᴋᴋamit aggangnu-ungitoᴋ, siᴋalilaungmagillo kikiak, ᴋaᴋorlilo, maggarlo, silbirilo, goldilo, Gudib angijoᴋsôjub ataniᴋ nalonaijaivigivâ sunamik mattoma kingorngani pijomârtuksanik: sinnartômanilo nalautsimarikpoᴋ tukkigijangalo nalonangimarikpoᴋ.

Daniel 4:35

Silaᴋsoarmiullo ilûnamatsiatik sunaungitotun-ingmatta, issumaminik piniarami ᴋilangmiugasaksoarni, silaᴋsoarmiugasaksuillo akorngani; agganginiglo noᴋartitsijoᴋarungnangilaᴋ, oᴋarvigilugolônêt: Suvêt?

Saggaria 9:1

Oᴋausek oᴋumaitok Nâlekab oᴋauserijanga Hâdrakib nunanga pivlugo, tôlârporlo Damaskusemut; Nâlekab inuit takonârmagit, Israêliblo kinguvângit tamaita.

Mattêuse 16:27

Inûb Erninga tikitsomârmat Atâtame ânanauningane Engeleᴋotine illagivlugit; tagvalo ilûnaita akkiniarvigijomârpait piniarningit maliklugit.

Johannese 5:29

Anivlutiglo makitsomârput ajungitulilauᴋtut inônermut pijuksauvlutik, idluitulilauᴋtulle erᴋartuivingmut pijuksauvlutik.

II Korintemiunut 5:10

Ilûnata saᴋᴋijartuksaugapta Kristûsib erᴋartuiviksangata sângane, ilûnata atunit akkiniartaulerᴋovluta iliorniptingnik timeme inôtiluta, ajungitomiglônêt ajortomiglônêt.

Efêsusemiunut 1:11

Tâpsomûna uvaguttauᴋ kingormgujijuksautitauvogut, sivorngagut anerimajogut issumasimaninganut, tamaitaᴋsoarnik piniartub pijomajame issumasimaninga maliklugo;

Ebrêerinut 4:13

Pingortitamiglo takuksaungitoᴋangilaᴋ tâpsomunga; ilûnamasiatigle ijersimanatiglo saᴋᴋersimavut ijîkita sângangne; tamanna oᴋautigivavut.

Takotitaunermik 2:23

ᴋitorngangillo anauvlugit toᴋotsomavakka. Illagêllo ilûnatik nelojungnainiarpânga, taᴋtuniglo ômatiniglo kiglisiniartok uvangaugama, ilûnaselo atunit piniarvigijomârpapse iliornerijase maliklugit.

Takotitaunermik 22:12

Ahâk mânakasâkut ᴋainiarpunga, akkiliutiksaralo neksarlugo, akkileriartordlugit piniarningit maliklugit.