Jeremia 30:8 - Labrador Inuttitut Heritage Bible

⁸ Pijoᴋalârporlo uvlorme tâpsomane, oᴋarpoᴋ Nâlagaᴋ Zebaot, tâpsoma nangmautanga pêjaromagapko ᴋongasernit, ᴋelarutitillo kiktoraromagapkit, takorngartallo kivgarijungnailârpât;

Jeremia 30:8 Iomraidhean Croise

Imgerut 107:14

Tassiorlugillo târmit, tâksinermillo, ᴋellarutingillo kiktoratilugit:

Jesaiase 10:27

Taipsomane nangmartaurᴋojanga tuipsingnit pêromârpoᴋ nangmautangalo ᴋungasipsingnit, nangmautâluk serᴋomitaujomârmat sôngodlartomut.

Jesaiase 14:1

Nalekab Jâko nâpkigijomârpâ, Israêle aneriluarlugo, âtillugik nunangangnut. Takkorngartallo tikkitsomârput, Jâkokkunut kattimgajomavlutik.

Jesaiase 14:25

Assure asserorasuarpara nunaᴋotimne. Tulleraromârpara ᴋaᴋᴋamne, nangmautanga pêrlugo taipkonangat (Israêlitinit), nangmartaurᴋojangalo pêrlugo tuinginit.

Jesaiase 14:3

Pijoᴋaromârporlo, Nâlekab merngoerserviksarsitipattit ogguarnernit kiksarnernillo kippaludlarnernillo attortarnit taipsomane,

Jesaiase 9:4

Nangmautit nangmagaksangit, issaᴋautit ᴋollêgingnut attortut, aulatsijingitalo annautangit navigangne, sôrlo Midianib nalliuningane.

Jeremia 2:20

Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 25:14

Inôᴋatigêksuit unuktut atanersuillo kipalungortingmagit tâpkoa; akkiniaromavakkalo piniarningit maliklugit, aggangitalo suliangit maliklugit.

Jeremia 27:2

Imâk Nâlagaᴋ oᴋarpoᴋ uvamnut: Aklunâliorlutit nangmautisiorit ilingnut, ᴋongasingnullo ilivlugit;

Jeremia 27:7

Inôᴋatigêksuillo ilûnatik kivgartortuksauvut tâpsominga, erninganiglo, erningatalo erninganik, tâpsoma nunangata naliuninga tikerᴋârtinago; taipsomanalo tagva inôᴋatigêksuit unuktut atanersuillo kivgartortautilârput nangminermingnik tâpsomunga.

Jeremia 28:10

Tâva nalautaijub Hannaniab nangmaut tiguvâ nalautaijub Jeremiab ᴋongasinganit navgorlugolo.

Jeremia 28:13

Ailerit, Hannanialo oᴋautiuk, oᴋarlutit: Imâk Nâlagaᴋ oᴋarpoᴋ: Nangmaut ᴋejuk navgorsimavat, tâpsomale inningane nangmauteliortuksauvotit kikkiangmik.

Jeremia 28:4

Jekonialo, Jojakimib erninga, Judab ataninga, tamaitalo Judamit aularutijaulauᴋtut Babilonemut pijut tamaungautitsomagivakka, oᴋarpoᴋ Nâlagaᴋ; Babilonib ataningata nangmautanga navgorapko.

Hesekiel 30:18

Takpanêsemelo uvloᴋ tâᴋsilârpoᴋ, Egiptenib nangmautinga tagvane nakagupko, pitsartuningatalo piojorininga sorairomârpoᴋ tâpsomane: nuvujab tâmna uligomârpâ, paningillo aularutijaujomârput.

Hesekiel 34:27

Napârtorlo naternamêtoᴋ paungatâlârpoᴋ, nunalo saᴋᴋêlârpoᴋ perortuminik, inuillo nunatik nunagilârpait terliklutik; ᴋaujijuksaulârpullo uvangaugama Nâlegaᴋ, nangmautât navgorêrupko, piulilugillo kipalotitingita agganginit.

Nahum 1:13

Mânalo tâpsoma nangmautanga pêjaromavara ilingnit, ᴋelarutingillo kiktoraromavakka.