Jeremia 30:12 - Labrador Inuttitut Heritage Bible

¹² Imâk Nâlagaᴋ oᴋarmat: ᴋanoenerijat inûlijaujungnangilaᴋ, ikîllo piungitoᴋsôdlarpoᴋ.

Jeremia 30:12 Iomraidhean Croise

II Kronika 36:16

Tapᴋoale Gudib tillijangit mittautigivait nachogilaitalo oᴋausingit, ijorivaillo nallautaijoᴋotingit, Nalekab kanningajarninga innuᴋotine pivlugit angijororᴋârtinago, innulijaujungnarungnaimatta.

Jeremia 14:17

Oᴋauserlo tamanna oᴋauserijaksarivat tâpkonunga: Ijîkka ᴋugviudlarlik ᴋugvingnik unnuarme uvlôtilugolo sorairatik; uigasuk inuᴋotima paningat serᴋomitaungmat serᴋomitsinermut angijomut, killermut piungitoᴋsôjomut.

Jeremia 14:19

Juda ipperarsimamarikkiûk tâvâ? Tarnivît Zione ariumarikkaûk? Suna pivlugo annausimavitigût inûlijaunangitomîk? Nerriulauᴋpogut ulapirᴋsaumik, sunaubvale ajungitomik saᴋᴋertoᴋangilaᴋ, naliunermiglo inûlijauvionartomik, sunaubvale kapianartomik!

Jeremia 15:18

Sôᴋ ânianera soraijuikâ, killeralo âᴋiᴋtaujungnarungnaivlune, mamititaujomairlunê? Nalâgut ilingavigijomavingâ kôktut tunganangitotût, imeᴋtut nungulertotût?

Jeremia 30:15

Sôᴋ ᴋeavêt ᴋanoenerijat pivlugô? Anianerijat inûlijaujungnangilaᴋ; idluitulinivit angininga pivlugo, ajornitit unuksisimangmatta taimailiorvigisimavagit.

Jeremia 6:7

Sorlo puailaviub imangit puilangmatta, taimak idluitulineᴋ puilavoᴋ tâpsomangat; nâmangitulineᴋ asserorsainerlo tusartauvut tâpsomane; inuarneᴋ annauningnerlo sâmnetsainarput.

Jeremia 8:22

Mangiptaksaᴋangilâᴋ Gileademê? Aniasiorteᴋangilâᴋ tagvanê? Suna pivlugo tagva inuᴋotima paningata ᴋanoeninga inûlijaungilâᴋ?

Jeremiab Ogguarutigijangit 2:13

Sunamik kigligiutjuteᴋartuksauvingâ ilingnût? Sunamut adsiutitaksarivagît, igvit, Jerusalemib paningâ? Suna adseᴋartok ilingnut oᴋautigijaksarivigô, manigoiᴋovlunga ilingnik, Zionib paninga uigasôjotît? Asserorsimanît imarbiktut angitigingmat; kia inûlijungnarpâtît?

Hesekiel 37:11

Oᴋautivânga tagva: Inûb erninga, saunit ukkua, tagva Israêlib ᴋitorngangit ilûnaita: ahâk, oᴋarput, saunivut panerput, neriungnivullo assiomavoᴋ; kipijaumarikpogut.

Hosea 5:13

Efraimib ᴋanimanine takogamiuk, Jûdablo ikkine takogamiuk, Efraim Assiriamut aivoᴋ, tiliklerlunelo atanermut Jârebemut; tâpsomale inûlijungnangilâse, ikkiselônêt mamititsungnangilait.

Migga 1:9

Ikingit inûlijaujungnangimatta; Jûda aglât aitortauvoᴋ; inuᴋotima itertarvinganut tikiutivoᴋ, aglât Jerusalemut.

Nahum 3:19

ᴋanoetoᴋarnît oᴋitlititaujungnangilak; ikkitit piungitovaksôvut; tusartut ilûnatik unipkautaunernik aggatik pattaktorpait pivlutit; kikunut ajornitit soraingitomik tôlungilât?