Jeremia 30:11 - Labrador Inuttitut Heritage Bible

¹¹ Ilingnênama, oᴋarpoᴋ Nâlagaᴋ, piulijomavlutit; inôᴋatigêksuit ilûnaita siamangatitauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagillo.

Jeremia 30:11 Iomraidhean Croise

II Samuel 24:12

Ailerit tagvunga Davidelo oᴋarvigiuk: Imâk Nalegak oᴋarpok: Pingasunik adsigêngitunik ᴋaitsivunga illingnut; annerosulerit tapkoa illanganik, taimailiorᴋovlunga illingnut.

Imgerut 6:1

Nalegak ningarlutit pitlarniarnangatôk, sugiarnangalo ᴋaningaumajarlutit.

Exodus 34:7

Naglingnermik soᴋosertailitsijok tausendeoᴋatartunut, idluitulinernik tappatonerniglo ajornerniglo isumagijungnainiktok, pidlartailitsingitorle ᴋaᴋialerneᴋangitunik; atâtat idluitulininginik pidlarniktok ᴋitorngane, ᴋitorngallo ᴋitorngangine, ernerêt kingorlerêt pingajungit sitamangillo tikidlugit.

Jesaiase 43:25

Uvanga, uvanga idluinitit pêjarpakka uvanga pivlunga, idluitullinitillo issumagijungnairpakka.

Jesaiase 8:10

Angeᴋatigêgitse kajusimanipsingnik, serᴋomitauvoᴋ; oᴋausermik oᴋaluaritse, sullitsangilaᴋ Gûdib illagingmattigut.

Jeremia 1:19

Unatarvigijomârpâtillo, sâlaginiangilâtille, ilingnênama, Nâlagaᴋ oᴋarpoᴋ, piulijomavlutit.

Jeremia 1:8

Sivoraniarnak taipkoninga; ilingnênama piulijomavlutit, oᴋarpoᴋ Nâlagaᴋ.

Jeremia 10:24

Nâlagaᴋ, sugiarlaunga, nâpkiningnermele; ningarnerneungitoᴋ, mungortitsiᴋonak uvamnik.

Jeremia 15:20

Inungnullo tâpkonunga ilingatitsomârpagit ᴋarmaᴋtut ᴋaᴋᴋorlermik avaluliorsimajotut; sorᴋsugvigijomârpâtit, sâlaginiangilâtille; ilagigapkit saputijomavlutit piulijomavlutillo, Nâlagaᴋ oᴋarpoᴋ.

Jeremia 4:27

Imâk Nâlagaᴋ oᴋarmat: Nuna ilûnât asserortaujomârpoᴋ, nungumariklugole pijomangilanga.

Jeremia 5:10

Majoraritse ᴋarmaᴋsoanginut, asseroiluselo; nungumariniarasigigle; akkerungit (ᴋitorngangit) aularutisigik; pêrᴋutaungimatta Nâlakamut.

Jeremia 5:18

Naliutomele tâpsomane nungumarigomângilapse, Nâlagaᴋ oᴋarpoᴋ.

Jeremiab Ogguarutigijangit 3:22

Nâlekab nâpkiningningit pingmatta keta nungutaumarilungilagut, ilapsugosungningit sorairlungimatta.

Hesekiel 11:13

Taimaglo nelautailertilunga, Pelatia, Benaiab erninga, toᴋovoᴋ. Pâmakterpunga tagva, nippeᴋortovlungalo ᴋaigarsukpunga: Kappê, Nâlegaᴋ Nâlegaujotit! Israêlib amiakungit nungumarigomavisigîk?

Hesekiel 6:8

Kissiane ilapsingnik amiakoᴋartitsomârpapse, saviksoarmit anigoijoᴋarᴋovluse inôᴋatigêksuit akorngane, siamarsimalerupse nunanut.

Hosea 11:9

Ningarnima ilungertudlarninga nâmaksititsomangilara, uteromangilanga Efraim asseroromavlugo; Gudeogama, inônginamalo; ivsornaitoᴋsôjunga akunapsingne; ningarlungalo iteromangilanga iglugasaksoarnut.

Leviticus 26:44

Taimaigaloartilugole, ômigijimik nunanganêtilugit ajaktormarigomângilakka, taimâglo angitigijomik maᴋojugijomângilakka nungutaumariᴋovlugit, angerneralo tâpkonunga serᴋomiᴋovlugo; Uvangaugama Nâlegak Gûdigijangat;

Mattêuse 1:23

Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Apostelit Piniarningit 18:10

Ilagigapkit, inungmut atautsemullônêt idluitulivioniatsangilatit; iglugasaksoarne tamakkonane unuktunik inuᴋoteᴋârama.

Deuteronomy 4:31

Nâlegak Gûdît Gûdeongmat nâpkigosuktok; tâpsoma ᴋujanârutiginiangilâtit asserorniangilâtillônêt, puigorniangilarlo angernermik angerutigilauᴋtaminik atâtagijarnut.

II Timôteusemut 4:22

Nâlekab Jêsusib Kristûsib anernît illagiliuk! Saimarsautib illagilise! Amen. Timôteusemut aglait aipangit aglaktaumavut Rômame, Pauluse aipânik sakᴋertitaugame ataniviksoarmut Nêromut.