Jeremia 30:10 - Labrador Inuttitut Heritage Bible

¹⁰ Taimaimat, sivôraniarnak Jâko kivgara, oᴋarpoᴋ Nâlagaᴋ; kapiasudlarnak, Israêle; ahâk, ᴋelujomârpagit ungasiktomit, kinguvâksatillo nunamit aularutijauvigijamingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Jeremia 30:10 Iomraidhean Croise

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

Jesaiase 14:3

Pijoᴋaromârporlo, Nâlekab merngoerserviksarsitipattit ogguarnernit kiksarnernillo kippaludlarnernillo attortarnit taipsomane,

Jesaiase 35:9

Tagvane loeveᴋaromângilaᴋ, ômajomiglo kêsuktoᴋsoamik tagvûna pissuktoᴋaromângilaᴋ tagvanẽtoᴋaranelo. Uttertitaujulle pissugomârput tagvane.

Jesaiase 43:5

Sivoraniarnak, illagigapkit! Kinguvârijarnik ᴋaitsivunga seᴋinerub nuivianit nippivianillo kattersorlugit.

Jesaiase 44:1

Manale tussalerit, kivgara Jâko, Israêlelo anerijara.

Jesaiase 44:2

Imâk oᴋarpoᴋ Nâlegaᴋ pingortitit, anânavit timinganit pairijit, ikajortit: Sivoraniarnak, kivgara Jâko, Jessuru (Israêle) anerijara.

Jesaiase 46:11

Tingmiarsoaᴋ ᴋairᴋovara seᴋinerub nuivianit angullo kajusimautigijaminik piniartoᴋ nunamit ungasiktomit. Oᴋautigijamnik nallautsititsivunga, issumagijamnik piniarpungatauᴋ.

Jesaiase 46:13

Idluarsaiviksara ᴋannitomut pitipara, ungasigungnairpoᴋ; piuliklerviksara mullutsangilaᴋ. Piuliklerteojomârpunga Zioneme Israêlelo ânanausilerlugo.

Jesaiase 49:12

Ahâk, ukkoa ungasiktomit tikkitsomârput; ahâglo, ukkoa avangat imarbingmillo, ukkoalo Sinît nunangannit.

Jesaiase 49:25

Imâgle Nâlegaᴋ oᴋarpoᴋ: Illâle! sangijoᴋsaoᴋ aᴋsârtaujomârpoᴋ parngnanairsortaurᴋojaminik, pimmariutertub aᴋsârnigarijangit annijomârput; akkerartortitit uvanga akkerartoromârpakka, ᴋitorngatillo uvanga piulijomârpakka.

Jesaiase 54:4

Sivoraniarnak, kangusuktitauniatsanginavit; illerasungniarnak, kangusungniatsanginavit; uigasûnivit kangusûtigijanga puigoromârpat uigarnionivillo kangunarninga erᴋaumajungnairomârpat.

Jeremia 23:3

Uvangalo saugaᴋotima amiakungit katersoromavakka nunanit tamainit ajaktortauvigijanginit uvamnut, utertitsomalerivakkalo pairijauvigilauᴋtanginut; kinguvâktâᴋattalârpullo unuksivaliavlutiglo.

Jeremia 23:4

Pairᴋsijuksaniglo tâpkonunga ilijijomavunga pairᴋsilârtunik tâpkoninga; kingornganalo sivôrajungnairomârput ᴋoaᴋsârungnairlutiglo kingomajaujoᴋalulângilarlo, oᴋarpoᴋ Nâlagaᴋ.

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Jeremia 23:8

Imâgle: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit taggânêtomit, nunanillo tamainit ᴋemâviotitamnit tâpkonunga; nunaᴋaromârpullo nunamingne.

Jeremia 29:11

Uvanga nalunginakpit issumat pivluse issumagijakka, oᴋarpoᴋ Nâlagaᴋ, issumat ulapirᴋsautelit, idluitôlungitullo, mattoma kingorngane tunitjivigijomavluse nerriungnermik.

Jeremia 29:14

Nagvârtaujomârpungalo ilipsingnut, oᴋarpoᴋ Nâlagaᴋ, aularutjauniselo sorairtitsomârpara, katersoromârpapselo inôᴋatigêksuit akornganit, nunanillo tamainit âtauviotilauᴋtamnit ilipsingnik, oᴋarpoᴋ Nâlagaᴋ, utertitsomârpapselo nunamut aulartitauvigilauᴋtapsingnut uvamnut.

Jeremia 3:18

Naliutome tâpsomane Judab ᴋitorngangit aijomârput Israêlib ᴋitornganginut, tikiᴋatigêgomârpullo nunamit avanêtomit nunamut kingormgutijaksautilauᴋtamnut atâtagilauᴋtapsingnut.

Jeremia 30:3

Ahâk, uvlut naliutsomârmatta, oᴋarpoᴋ Nâlagaᴋ, inuᴋotima Israêlikut Judakullo aularutijauningat sorairtitsomârapko, oᴋarpoᴋ Nâlagaᴋ; utertitsomârpakkalo nunamut tunilauᴋtamnut atâtanginut, pigilârpâllo.

Jeremia 30:7

Kappê! Uvloᴋ taimna angijôvoᴋ, adseᴋangilaᴋ; Jakob siorniorvigivâ; piulijaujomârporlo tamattomangat.

Jeremia 33:16

Uvlune tâpkonane Juda piulijaujomârpoᴋ, Jerusalemelo terligomârpoᴋ; tamannalo attinga atserartaujutigijomârtanga: Nâlagaᴋ idluarsijutigijavut.

Hesekiel 16:52

Taimaimat kangusuktitaunît nangmaruk, igvit ᴋatangutitit erᴋartulaurangne; idluitulinernut piniarnerijarnut angiluartomik tâpkonangat, tâpkoa idluarnersauvut ilingnit: ila, kangusuktitaulerit, kangusuktitaunîllo nangmaruk ᴋatangutitit idluarsitinangne.

Hesekiel 38:11

Oᴋaromârpotillo: Takpaungaromavunga nunamut iglugasaktalingmut ᴋarmaᴋangitunut; aivigijomavakka uimajângitut, terliklutik nunaᴋartut, ᴋarmaᴋaratik seneroaᴋaratiglo upkoaᴋaratiglo inôjut:

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Hosea 2:18

Uvlormelo tâpsomane tâpkoa pivlugit angiᴋatigêngnelioromârpunga naternaub nergjutinginut, ᴋilaublo ikiangata tingmianginut, nunablo pâmgortunginut; pitikselo saviksoarlo unatarnerlo pêjaromavakka nunamit, inangatitsomavakkalo terliklutik.

Hosea 2:20

Nelâgôrnermelo ilâ nuliarijomavagit: Nâlegarlo ilitarilârᴋat.

Hosea 6:11

Igvittauᴋ, Jûda, katersivik pijarêrpoᴋ ilingnut, inuᴋotikka aularutijaujut utertigupkit.

Joel 2:21

Sivôraniarnak, nuna, ᴋuviasugit erᴋiertorlutillo; Nâlegaᴋ angijoᴋsoarnik piniarmat.

Migga 4:9

Sôᴋ mâna nippeᴋortovlutit ᴋaigarsuᴋêt? Ataneᴋangilaᴋ ilingnê? Atanertuijêrutivêt, tikitaugavit ânianernut sorlo ernisulertotût?

Saggaria 3:10

Uvlorme tâpsomane, oᴋarpoᴋ Nâlegaᴋ Zebaot, vaineliksataliub atânut paungatannaᴋtaliksûblo atânut ᴋaiᴋojiᴋatigêgomârpose.

Johannese 12:15

Sivôraniarnak, Zionib pania; ahâk atanît ᴋaivok, nangmartauvlune siuterᴋortojûb nogganganut.