Jeremia 3:8 - Labrador Inuttitut Heritage Bible

⁸ Takolauᴋpungalo, tamakkoa tamaita pitjutigilugit Israele kingupiartortoᴋ ajortulisimalaungmat, avilaurapko tunidjivigigapkolo aglangnik avitsijutiksanik, najanga tunganaitoᴋ Juda sivôralaungimat; tâmnaletauᴋ ailauᴋpoᴋ assiniariartorᴋatauvlunalo.

Jeremia 3:8 Iomraidhean Croise

II Kronika 21:11

Poktôjuniglo sannavok ᴋaᴋᴋane Judamêtune, Jerusalemiullo ajortullitipait, Judamiullo uivêrivait.

Jesaiase 50:1

Imak oᴋarpoᴋ Nâlegaᴋ: Aglait avititsijutiksat, anânapsingnik aularᴋojijut uvamnit naûk? Ubvalo kina akkiliksaᴋarvigigapko, akkiliutigivapsê tâpsomunga? Ahâk, idluitullinise pivlugit niorvgutigijauvose, anânaselo aularutjauvoᴋ tappatonise pivlugit.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 3:1

Oᴋarpullo: Angut avigune nuliaminit, nuliangalo aularpat tâpsomangat assianiglo uiniklune, utilârivâ ama tâpsomungâ? Nuna tâmna ivsornartitaunajangilâᴋ?

Jeremia 33:24

Missigilungilatît inuit ukkua oᴋauserijanginik, oᴋarlutik: Kinguvârêt magguit Nâlakab annerilauᴋtâgik, iperarsimavâgik? Taimak inuᴋotikka naggogivait, inôᴋatigêksoangojungnaiᴋovlugit sângine.

Jeremia 5:7

ᴋanoᴋ issumagijungnaivigijungnarᴋagît? ᴋitorngavit ᴋemaksimavânga, angermarikpullo gudeungitut sâvigivlugit; aᴋᴋeartortigapkillo ajortulivut, katimgalutiglo katimavut anguniarpaktut iglungine.

Hesekiel 16:46

Angajuit tagva Samaria, saumikpit tungâne nunalik, tâmnalo paningillo; nukaillo, talerpikpit tungâne nunalik, tagva Sodoma paningillo.

Hesekiel 16:47

Igville arvertalaungilatit tâpkoa apᴋutigijangine, pinialaungilatillônêt tâpkoa maᴋojungnartuliningit maliklugit; tamannale mikijoᴋotigivlugo, sugalulualauᴋpotit tâpkonangat apᴋotingne tamaine.

Hesekiel 16:51

Ama Samaria idluitulinerilauᴋtavit abvanginiglônêt idluitulingilaᴋ; igville maᴋojungnartulinersaungijaidlaravit tâpsomangat, ᴋatangutitillo idluarsitipatit maᴋojungnartulinernut piniartarnut.

Hesekiel 23:44

Itervigivâllo sorlo assiniarpaktomut itersôngomatta, taimak iterput Ohôlamut Ohôlibamullo, arnângnut tapkungnunga kangunartulijûngnut.

Hesekiel 23:9

Tamanna pivlugo tunilauᴋpara assiniaᴋatigijangita agganginut, Assiriamiut agganginut, ikligilauᴋtanginut.

Hosea 3:4

Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Deuteronomy 24:1

Angutib nuliaksarsigune nuliarilugolo, tâmnalo saimaneᴋsingipat tâpsoma ijîgingne, sumik nâmagilungitaminik nagvârviginamiuk, aglaktuksauvok aglangnik avitsitiksanik, tunilugillo tâpsoma agganginut, aulartilugolo iglominit.

Deuteronomy 24:3

Uingatalo tâpsoma kingorliub ômigikpago, aglangniglo avitsitiksanik aglakpat tâpsomunga, tunilugillo tâpsoma agganginut, aulartilugolo iglominit, uingalônêt kingorlek tâpsominga nuliaᴋartok toᴋopat;