Jeremia 3:3 - Labrador Inuttitut Heritage Bible

³ Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 3:3 Iomraidhean Croise

Genesis 19:34

Uvlângolermat, angajukleᴋ nukaminut oᴋarpoᴋ: Takuit, ikpaksaᴋ atâtaga tutilauᴋpara. Unnuaᴋ amma vainemik imertilaulavuk, igvit tagva aiviginiarpat tutiklugolo, kinguvâksarserᴋovlunuk atâtaptingnit.

Nehemia 9:17

ᴋunulaukpullo tussarnermik, tattamnartullinitillo pinniarlauktattit erᴋarlaungilait, tettitosarlaukput angajoᴋâᴋartitsivullo ingmingnut utteromamut kivgaunermingnut keppeserlutik. Igville Gûdiga issumagijungnainilaukpotit, saimarviᴋalaukpotit, napkigosuklutillo, ᴋenuêdlalarpillo, napᴋoartoksôlaukpotit, ᴋemalaungilaillo.

Salomob Okâl 21:29

Gûdeᴋangitub iktoriktailune pijomajane kissiat pinniarutigiva; idluartuble apᴋotinga soᴋosijuiniarpok.

Jesaiase 5:6

Nungutitsomavaralo pairijautailitillugo poagijartautailitillugolo; perortoᴋaromârpoᴋ ukpiganik perornerdluktuniglo kakkilautilingnik, nuvujallo inerteromavakka sillalugviorᴋonnago.

Jeremia 14:1

Tamadja Nâlakab oᴋausinga tikilauᴋtoᴋ Jeremiamut imeᴋarungnaineᴋ pitjutigilugo.

Jeremia 14:22

Nalojut gudingoaᴋotingita akorngane silaluktitisjungnartoᴋarᴋa? Kilaillônêt tunidjijungnarᴋât suarutanîk? Tâmnaungilatît, Nâlagaᴋ Gudivût? Taimaimat tatigijomavaptigit tamakkoa tamaita pingortinangne.

Jeremia 14:3

Angajoᴋât tiliklerput pijimingnik imeᴋtarᴋovlugit; itersanut tikigamik imeᴋsilungilat; uterput imeᴋtautingit imeᴋartinagit; kangusudlarput uimâlalutiglo, niaᴋotiglo ulikpait.

Jeremia 14:4

Ibjo panertoᴋ silalugviolaungitoᴋ pivlugo, perorsêvilerijut kangusukput, niaᴋôtiglo ulikpait.

Jeremia 36:2

Aglagviksamik immûmajomik tigusilerit aglaklutillo tagvunga oᴋautsinik tamainik oᴋauserilauᴋtamnik ilingnut Israêle pivlugo, Judalo pivlugo, inôᴋatigêksuillo tamaita pivlugit, uvlormit taimangat oᴋatainarnimnit ilingnut, Josiab uvlunginit uvlomemut tikidlugo.

Jeremia 5:24

Oᴋangilallônêt ômatimingne: Sivôragilaulavut Nâlagaᴋ Gudivut, tunidjijoᴋ silalungmik sivorliojomik kingorliojomiglo, naliunîgingne; ᴋomiojorlo uvaptingnut vôgenik katersivingmut ilingatitaujunik.

Jeremia 5:25

Idluitulinise sangutitsisimavut tâpkoninga ilipsingnit, ajorniselo tikitailititsivut ajungitunik ilipsingnut.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 9:12

Kina silatovâ tamanna tukkisijungnarlugô? kinauvâlo oᴋarviojoᴋ Nâlakab ᴋaninganut, kigligiutsijungnarᴋovlugo tamattomingâ? Suna pivlugo nuna aserortaumavâ panertungordlunalo sunaᴋajuitotut, inungmut apᴋusârtaujungnaiᴋovlugô?

Hesekiel 3:7

Israêlible ᴋitorngangita tusarniangilâtit; tusaromangimatta uvamnik; Israêlib ᴋitorngangit ilûnatik ᴋauᴋarmatta sittijunik ômateᴋarlutiglo mangaidlartunik.

Leviticus 26:19

Pitsartunipselo piojorininga serᴋomitsomârpara, ᴋilaglo ᴋolipsingnêtok kikiaktut ititsomârpara, nunaselo ᴋaᴋorlertut;

Amos 4:7

Taimaktauk silaluk tikitailitipara ilipsingnut, takᴋeᴋaraloartilugo pingasunik sulle katersoivik tikidlugo: silaluᴋartitsilaukpunga iglugasaksuit ilanginut, silaluᴋartailititsilungalo iglugasaksuit assinginut; ingmiᴋôrtartut ilangat silaluktauvok, silaluktaujorlo panertailivok.

Amos 4:8

Taimaimat nunaᴋartut iglugasaksoarne magguine pingasuinelônêt ingerarput iglugasaksoarnut atautsinut imeromavlutik, nâmaksiniaratigle: sullele utilungilat uvamnut, oᴋarpok Nâlegak.

Sefania 2:1

Katimaleritse ilâ, katimaleritse, inôᴋatigêngojose kangusungneᴋangitose:

Sefania 3:5

Nâlegak tagvanêtok idluartôvok; tâmna idluituliniangilak; ᴋaujarangat idluarsainine ᴋaumajomut pitipâ, nipotilungilak; idluitulle kangusulungilat.

Haggai 1:11

Ipterilingnerlo ᴋaikᴋolauᴋpara nunamut ᴋakᴋanullo, senaugaksanullo, vainiksanullo, orᴋsuksanullo, nunablo saᴋᴋititanginut, inungnullo, nergjutinullo, aggaillo suliarijanginut tamainut.

Deuteronomy 28:23

Kilaglo niaᴋovît ᴋolânêtok ᴋaᴋorleolârpok, nunalo atingnêtok kikiangolârpok.

Ebrêerinut 12:25

Udsertoritse, oᴋâlajomik tapatoᴋonase, Taipkoa, nuname oᴋâlatilugo tapatôlauᴋtut, ᴋemâjungnalaungimatta, tagva uvagut piluartomik ᴋemâjungnangilagut ᴋilangmit oᴋâlajoᴋ tapagiguptigo.