Jeremia 3:25 - Labrador Inuttitut Heritage Bible

²⁵ Inangatuinarta kangusungniptingne, kangusungnipta uliklitigut, Nâlagaᴋ Gudivut idluitulivigisimagaptigo, uvagut atâtagilalauᴋtaptalo, inôsungniptingnit uvloᴋ tamanna tikidlugo, nâlalaungilagullo Nâlakab Gudipta nippinganik.

Jeremia 3:25 Iomraidhean Croise

Imgerut 106:6

Ajortullilaukpogut atâtagilauktavut illagilugit; namangitullilaukpogut, Gûdeᴋangitôlauklutalo.

Imgerut 106:7

Atâtagilauktapta Egipteneme tattamnartullinitit tukkisijomalaungilait; pitsiarnersoarnît erᴋalaungilât, tappatôlaukpullo imarbingme, imarbingme iviktalingme suvlulingnik.

Imgerut 109:29

Akkerartortikka mamailisartaunermik attititaulit; kangusuktitaunermiglo annorârtitaulit ullingmik sorlo.

Salomob Okâl 13:18

Nâlektitaunermik sapᴋotsijok, aklunermik kangusungnermiglo peᴋarpok; inertertaunermigle kamatsiartok, nertornautiksarsivok.

Salomob Okâl 5:13

Nâlelaunginâmalo ajuᴋertortima nippinginnik, siutigalo manilaunginapᴋo ilinniartitsijunut uvamnik!

Jesaiase 48:8

Tamanna tussalungilat, ᴋaujimalungilallo, siutîkiglo angmalungilak sivorngane, ᴋaujimagapkit nallâgôlunginavit, nutaraunernillo tappatojoᴋsôjomik taijaugavit.

Jesaiase 50:11

Okoᴋsê tamapse, ikkomamik ikkitsijose, ᴋargjolijartose ikkomalingnik, ingergaleritse ikkomakut ikkitapsigut ᴋargjuᴋtigullo ikkomaliktigut ikkitapsigut. Agganginit tamanna pivoᴋ illipsingnut, ãnernartome innangajuksauvose.

Jeremia 11:13

Tagva iglugasaksoaᴋotivit unurningit maliklugit taimak unuktigigivut gudingoaᴋotitit; Jerusalemiblo apᴋosineâlungita unurningit maliklugit tunerguserviliorsimavose isserluanertitsivingnik Baalemut.

Jeremia 12:13

Sanaugaksanik karngasoilauᴋput, kakkilautelingnigle katersoisimavut; ilungertorasualauᴋput, sulisimatsangilalle; katersortaselo kangusûtigijomârpase, Nâlakab ningaumajârninga ilungertudlartoᴋ pivlugo.

Jeremia 14:20

Nâlagaᴋ, kigligiksarpogut idluitoᴋsôniptingnik, atâtagilauᴋtaptalo idluitulinerilauᴋtanginik, idluitulivigilauᴋpaptigit.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Jeremia 2:17

Tamanna pitilaungipiûk nangminernût, Nâlagaᴋ Gudit ᴋemakangne tasiornigomajoᴋ ilingnik apᴋomê?

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 2:26

Sorlo tigliktoᴋ kangusungmat nagvârtaugame, taimak Israêlib ᴋitorngangit kangusudlarivut; tâpkoa ataningillo, aulatsijingillo, ajoᴋertuijingillo, nalautaijingillo;

Jeremia 20:18

Sôᴋ anilauᴋingâ igliamit siorniornermik kiksarnermiglo takoᴋovlunga, uvlukkalo nâjauᴋovlugit kangusungnermê?

Jeremia 22:21

Oᴋarvigilauᴋpagit piloringnerme; kiolauᴋpotille: Tusaromangilanga. Taimailiutsainarpotit inôsungnernit, nippiga nâlagomanginangne.

Jeremia 3:13

Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 31:19

Sâgiartitauᴋârtilunga, ᴋaᴋialilauᴋpunga; ajoᴋertortauᴋârtilunga, sibviara tiglulauᴋpara; kangusudlalauᴋpunga, ila, silasiormariklunga, inôsungnima naggonarninga nangmariaᴋarapko.

Jeremia 6:26

Inuᴋotima paningat, attisilerit pôᴋsajavinernik, aksapalloalerillo arᴋjane; kiksalerit, sorlo ernetuaᴋ pivlugo, ogguarnermut sôngojomut; asserorsaijub tikiaᴋiniarmattigut.

Jeremia 7:19

Ningarsârpângale? Nâlagaᴋ oᴋarpoᴋ, nangmineᴋ kangusûtiksarijamingnik sanangilât?

Jeremia 8:14

Suna pivlugo ᴋikkartuinarᴋitâ? (oᴋaromârput): Katersulerta, aiᴋatigêktalo iglugasaksoarnut avaluliorsimajunut; tagvanalo nungutautilerta; Nâlakab Gudipta nungutautingmatigut, tunidjivigilutalo sungârnitomik imiksaptingnik, Nâlagaᴋ idluitulivigilauraptigo.

Jeremia 9:18

Tuavidlarlîllo ogguarniarlutik uvaptingnik, ijivut ᴋugviudlarᴋovlugit, ᴋermeriavullo puailavioᴋovlugit imermik.

Jeremiab Ogguarutigijangit 5:16

Niaᴋôtik kataksimavut niaᴋuptingnit. Kapianarmêk uvagut! Idluitulidlalaurapta.

Jeremiab Ogguarutigijangit 5:7

Atâtavut idluitulidlalaukput, itsungnaipullo; uvagullo idluituliningit erᴋsukpavut.

Hesekiel 2:3

Oᴋautivângalo: Inûb erninga, tilivagit Israêlib ᴋitornganginut, inôᴋatigêksoarnut tapatojunut, nâlegungnaitunut uvamnik: tâpkoalo atâtagilauᴋtangitalo idluitulivigivânga, uvloᴋ tamanna tikidlugo aglât.

Hesekiel 36:32

Ilipse pivluse taimailiolungilanga, oᴋarpoᴋ Nâlegaᴋ Nâlegaujoᴋ, tamanna ᴋaujijaksarivase; iktôdlaritse kangusukluselo iluserijase pivlugit, ilipse Israêlib ᴋitorngangit.

Hesekiel 44:13

Najorniktuksaungilallo uvamnut, ajoᴋertuijub piniaraksarijanginik piniaromavlutik, najorniktuksaungilallônêt ivsornaitoᴋotima nelianik, pimnik ivsornainerpaujunik; nangmartuksauvulle naggonarnermingnik maᴋojungnartulinermingniglo piniartamingnik.

Hesekiel 7:18

Pôᴋsajanik attisilârput, ᴋeungominerublo ulilârpait; kangusungneᴋ kênanginêlârpoᴋ tamaine, merᴋoêrnerlo niaᴋungine tamaine.

Daniel 12:2

Nunablo saningini siniktut ilangit unuktut tupagomârput, ilangit inôtsimut nâksaungitomut, ilangillo kangusuktitaunimut naggogijaunimut nâksaungitomut.

Hosea 9:10

Israêle naipilauᴋpara sorlo vaineliksat paungangit sunaᴋajuitome; atâtase takolauᴋpakka sorlo paungatannait innerᴋârtut paungatannaᴋuteme pijariortome: tikilauᴋpulle Baal-peoremut, kangunartomullo ingmikôrtiput, ungagijingititullo maᴋojungnartigijôvut.

Sefania 1:17

Inuillo tikitautitsomârpakka kapiasungnersoarmut, arvertarᴋovlugit tautungitutitut, Nâlegak idluitulivigingmatsuk; aungillo kovijaulârput imeᴋtut, uviningillo aktarniluᴋotitut.

Rômiunut 6:21

Taipsomane taipkonangat ᴋanoêtunik piksarsivisê? Mâna kangusutigijapsingnik; toᴋomik taipkoa naggateᴋarmatta.

Idluarsaijut 2:2

Illipse angerᴋattigêngnermik pijuksaunginapse nunab tamattoma inunginut; Altareᴋotingillo serᴋomitaksarigapsigik. Illipsele nippiga Nâlelaungilasse. Sôg taimailiorlauᴋise?