Jeremia 3:22 - Labrador Inuttitut Heritage Bible

²² Uteritsetôᴋ, ᴋitorngaujose kingupiartorsimajose, kingupiartornise inûlijomavakka. Ahâk, ᴋaivogut ilingnut, tagva igvit Nâlagauvotit Gudigivaptigillo.

Jeremia 3:22 Iomraidhean Croise

Imgerusersoak 1:4

Amualaunga illingnut, tagva akpangerpogut. Attanniub tassiorpânga aiparuseᴋotiminut. ᴋuviasukpogut serrilutalo pivlutit; naglingnît issumaginersarivavut Weinemit. Idluitailijut nagligivâtit.

Jesaiase 1:2

Kilait tussaleritse! nunalo kamatsialerit! Nâlegaᴋ oᴋarmat: Kitornganik inugoigalloarpunga nertornartitsivlungalo, tâpkoale tunnupânga.

Jesaiase 27:8

Nãmatuinartomik pidlarpattit taipsomane, avigavit taipkonangat. Nuktipait anorersoarmut, uarngnartillugo.

Jesaiase 31:6

Uttervigisiuk tâmna angijomik tunnutase, Israêlikkut illipse.

Jesaiase 57:17

Pijomatudlarnermut idluitullingmatta, ningaumajârvigivakka sugiarlugillo (ijerlunga ningarlungalo), tagva kingumut arvertarput apᴋutigijomajamikkut.

Jeremia 3:12

Ailerit, oᴋautsillo tamakkoa oᴋâlautigikit, avunga sângavlutit, oᴋarlutillo: Uterittôᴋ, Israêle kingupiartortotit, Nâlagaᴋ oᴋarpoᴋ; ningarlunga takonâtsainaromangilagit, nâpkiniktôgama, Nâlagaᴋ oᴋarpoᴋ, soraijunangalo ningaumajâromangilanga.

Jeremia 30:17

Uvanga ᴋanoetsungnaititsomagapkit, ikitillo inûlijomagapkit, oᴋarpoᴋ Nâlagaᴋ; ajaktortaumajônerarmatit, oᴋarlutik: Zioneovoᴋ, kimullônêt erᴋagijaujungnaitoᴋ.

Jeremia 31:18

Efraim tusarsimavara oggorilune nangminerminik, imailivlune: Sugialauᴋparma, tâvalo sugiartaulauᴋpunga, noggaᴋtut nangmautemik sungiusimangitotut; sâgiartilaunga, tâvalo sâgiarsimaniarpunga; Nâlagaugavit Gudigijara.

Jeremia 33:6

Ahâk, tukiutjivigijomavakka atsuilinermik inûlijaunermiglo, inûlijomavakkalo; nalonaijaivigijomavakkalo ulapirksaumik mikseᴋârnermiglo amigangitomik.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Hesekiel 18:30

Tamanna pivlugo erᴋartoromavapse, ilipse Israêlib ᴋitorngangit, atunit apᴋutine maliklugit, oᴋarpoᴋ Nâlegaᴋ Nâlegaujoᴋ. Sâgiaritse, tapanerilauᴋtaselo tamaita tunusigik, idluitulineᴋ piniartauᴋonago ilipsingnut.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Hosea 13:4

Uvangale Nâlegauvunga Gudît Egiptenemit; gudemiglo assimnik ilitarᴋsijuksaungilatit, assimniglo piuliklertoᴋangilaᴋ.

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Hosea 14:4

Kingupiartorsimaningit inûlijomavakka, ᴋunutuivlunga nagligijomavakka; ningarnera sangumat tâpsomangat.

Hosea 14:5

Mitsuksoatut ilingajomavunga Israêlemut, nuvugulâᴋtâlârpoᴋ paunaujaujârtotut, amânelo siamartilârpait Libanonetut.

Hosea 14:8

Efraim oᴋalârpoᴋ: Gudingoat suksarivigît sullê? Uvanga kiolauᴋpunga, kamagijomavaralo; ᴋeblariktotut tungujortatut ipunga; uvamne paungatit nagvârtaujuksauvut.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Joel 2:12

Sullele, sulle, oᴋarpoᴋ Nâlegaᴋ, sâgiaritse uvamnut ômamut tamânut, nerritailivluse, ᴋeavluselo, kiksarluselo;

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.