Jeremia 3:21 - Labrador Inuttitut Heritage Bible

²¹ Nippe tusartauvoᴋ ᴋaᴋᴋane merᴋuᴋangitune, Israelib ᴋitorngangita ᴋeaningit ᴋenuningillo, mumiktitsisimangmatta apᴋotigijamingnik, puigorsimangmattalo Nâlakamik Gudemingnik.

Jeremia 3:21 Iomraidhean Croise

Hiobe 33:27

Inuit sânginne kigligiutsiniarpok, oᴋarniarlunelo: Idluitullilaukunga, idluarnerlo mumiktilaukpara, sulilautsengilangale.

Salomob Okâl 10:9

Passijaksaunane inôjok, ussornarnarlune inôvok; mumiksimajorle apᴋotimine sakᴋertitaujomârpok.

Salomob Okâl 19:3

Inûb silaininga tamartitsivok apᴋotinganik, ommatinga akkerartorᴋovlugo Nâlekamik.

Jesaiase 15:2

Bajitemut Diboniblo ᴋaᴋᴋârulanginut majorarput ᴋeavlutik, Nêbo Medebalo Moabiterit ârosûtigivakik. Illũnatik nujangit sallimavut umeᴋarungnairtitauvlutiglo.

Jesaiase 17:10

Gûde piulijiksarijat puigorangne, ᴋairtorlo sapudjauviksarijat erᴋaumanginangne, perorsêvingnik allianartunik sanavotit, illijivigivlugit takkorngartat karngasûtinginik.

Jesaiase 57:11

Kina pivlugo kuksasukêt sivoravlutillo, saeglûtiksanik attudlaravit, erᴋaumatsanginamgalo õmammiutarinangalo? Imaingilâᴋ: nippangerama, akkunit aglât, sivoragingilarma?

Jeremia 12:12

Asserorsaijut tikisimavut ᴋaᴋᴋanut merᴋuᴋangitunut tamainut sunaᴋajuitome, Nâlakab saviksoanga nungutsilermat nunab kiglingata aipânit nunab kiglingata aipanga tikidlugo, uvinilîllo naliallônêt ulapirᴋsauteᴋangilat.

Jeremia 13:25

Tamanna kajusimautigijat ningersiarijat uvamnit, Nâlagaᴋ oᴋarpoᴋ; puigulauramga, saglonerillo sungertûtigilaurangne.

Jeremia 18:15

Inuᴋotimale puigorsimavânga; isserluanititsisimavut tippitsiariktunik sulitsangitunut; naukiutitipait apᴋutingine, apᴋutetoᴋane, arvertartilugillo apᴋutine apᴋutitsiangolungitune, apᴋutine sanasimangitune;

Jeremia 2:32

Uigasub pinnarnarsautine puigorungnarᴋagît, nuliaksablônêt annorâtsianê? Inuᴋotimale puigorpânga uvlut kitiksaungitut.

Jeremia 3:2

Ijikik uitatikik ᴋaᴋᴋanut merᴋoᴋangitunut, takolerlutillo; nane ajortuliviᴋalaungilatît? Utaᴋilugit iksivalauᴋpotit apᴋosinerne, sorlo Arâbiamioᴋ sunaᴋajuitome; nunalo ivsornartipat ajortulinernut idluitulinernullo.

Jeremia 31:9

Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.

Jeremia 7:29

Nujatit sallikit, egilugillo ilingnit, ogguarillo ᴋaᴋᴋane merᴋuᴋangitune; Nâlakab ningarnermine kinguvârêt ukkua ajaktormagit pingujarlugillo.

Hesekiel 23:35

Tamanna pivlugo Nâlegaᴋ Nâlegaujoᴋ oᴋarpoᴋ imâk: Puigoramga egigamgalo tunungnut, tamanna pivlugo kangunartulinitit assiniarnitillo nangmaraksarivatit.

Hesekiel 7:16

Anigoijulle anigoilârput, ᴋaᴋᴋanêlârpulle sorlo naᴋsab tingmiangititut, ilûnatik ogguarlutik idluitulinermingne.

Hosea 13:6

Nerrinasugvitik maliklugo, taimak aᴋᴋeartorput; aᴋᴋeartorput, ômatingillo pingijaidlarput; taimaimallo puigorpânga.

Hosea 8:14

Israêle puigormat Pingortitiminik, igloᴋsoaliorlunelo; Jûdab iglugasaksuit sôngojut unuksitipait; uvangale ikomamik tilikleromavunga iglugasaksoanginut, nungutsijuksamik igloᴋsoanginik.

Migga 3:9

Tamanna tusarsiuktôᴋ, angajoᴋaujose Jâkokune, aulatsijoselo Israêlekune, ômisuktose idluarsainermik, mumiktitsijoselo nalâgôrnermik ilûnânik.

Numbers 22:32

Nâlekablo engelingata oᴋautivâ: Sugavît siutiᴋortojoᴋotit pingasuertorlutit annaudlarᴋiûk? Agviariartorpagit, apᴋotit idluidlarmat sâmne;

II Korintemiunut 7:10

Kiksarneᴋ Gûdemit pijoᴋ ᴋaᴋialerneᴋartitsingmat piulijaunartomik, kialônêt ᴋaᴋialerutiginiangitanganik; kiksarnerle silaᴋsûb ilusingatut toᴋotitsivoᴋ.