Jeremia 3:19 - Labrador Inuttitut Heritage Bible

¹⁹ Oᴋalauᴋpungale: ᴋanoᴋ tagga pititsungnarpagît ᴋitorngat akornganût, tunidjivigilutillo nunamik pijominartomîk, kingormgutijaksamik pionerpaujomik inôᴋatigêksoarnît? Oᴋalauᴋpungalo: Taijomârparma: Atâtamik; maligungnainiarungnaiparmalo.

Jeremia 3:19 Iomraidhean Croise

Imgerut 106:24

Nunalo ivlernartok nachogilaukpât; oᴋausingit okperingilait.

Imgerut 16:6

Imerautib nallaupânga namatsiartomik; ila kingormgutijamik ânanaudlartomik pivunga.

Imgerut 89:26

Tâpsoma taijomârpânga: Igvit atâtagivagit, Gûdigilutillo, piulijaunimalo ᴋairtorivâtit.

Salomob Okâl 3:35

Ilisimajut opigijaunermik kingormgujijomârput; silaitulle pingijaijutiksarsikpattalonêt, kangusuktitauniarput sulle.

Jesaiase 63:16

Sullele igvit atâtagivaptigit; Abrahable ᴋaujimangilâtigut, Israêliblo illitaringilâtigut; igville, Nâlegaᴋ, atâtagivaptigit; piulijiptingnik — taimak atteᴋarpotit itsaᴋsoarnit.

Jesaiase 64:8

Mãnale, Nâlegaᴋ, igvit atâtagivaptigit; uvagut machauvogut, igvit machaliortigivaptigit; tamapta aggangnut sanajaumavogut.

Jeremia 12:10

Mianersijut unuktut asseroisimavut perorsêvimnik vaineliksatalingmik, perorsêviga tullerajârsimavât, perorsêviga ânanaudlartoᴋ sunaᴋarungnaitungortisimavât.

Jeremia 3:17

Naliutomele tâpsomane Jerusalem atseraromârpât Nâlakab iksivautaᴋsoanganik; inôᴋatigêksuillo ilûnatik katijomârput tagvunga, Nâlakab attinga pivlugo, Jerusalemut; arvertarungnairomârpullo ômatingita idluitut nâmagijangat maliklugo.

Jeremia 3:4

Mânamit ᴋaigarsugvigijomangilarmâ: Atâtaᴋ, inôsungnimne tasiortigilauᴋpagît?

Jeremia 31:20

Efraim ernerivigo erdlingnartôᴋ? Kitorngauvâ ᴋuvianartôᴋ? Suadlarlugo oᴋarvigijarangapko, sulle nagligilugo erᴋaumavara; tamanna pivlugo iluga aulavoᴋ tâmna pivlugo; nâpkigijomadlarpara ila, oᴋarpoᴋ Nâlagaᴋ.

Jeremia 31:9

Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.

Jeremia 33:9

Iglugasaksuillo makkoa attingortitsomavakka uvamnut ᴋuviagijaujomik, nertoraksaujomik opigijaksaujomiglo, inôᴋatigêksuit nunamêtut tamaita sângine, tusaromârtut ajungitunik tamainik piniarnerijomajamnik tâpkoninga, sivôrajomârtullo sajugomârtullo ajunginerit tamaita ulapirᴋsaullo tamât tikititsomajakka tâpkonunga pivlugit.

Jeremia 5:7

ᴋanoᴋ issumagijungnaivigijungnarᴋagît? ᴋitorngavit ᴋemaksimavânga, angermarikpullo gudeungitut sâvigivlugit; aᴋᴋeartortigapkillo ajortulivut, katimgalutiglo katimavut anguniarpaktut iglungine.

Hesekiel 20:6

Uvlorme tâpsomane aggakka ᴋolangiutitilauᴋpakka tâpkonunga anititsomavlugit nunamit Egiptenemit nunamut tâpkonunga ᴋenilauᴋtamnut imungmik igupsaujârtullo orᴋsuanik kôᴋartomut, nunat tamaita pionerpânganut.

Daniel 11:16

Tâpsomungali tikitûb, pijomajani nâmaksititsomârpâ, sânganilo nangirungnartoᴋaromângilaᴋ; nunamilo alianatomi nangiromârpoᴋ assiroinilo agganginêlârpoᴋ.

Daniel 11:41

Nunamullo alianartomut itâromârpoᴋ, unuktullo oggotitaujomârput; ukkuali piulijaujomârput tâpsoma agganginit: Edomekut, Moabekullo, Ammoniblo ᴋitorngangita iᴋanartungit.

Daniel 11:45

Tupinilo inornadlartut napartitsomârpait imarbîk akorngangni, ᴋaᴋᴋab alianartub ivlinartublo tungâni; sullili naggatiksaminut tikiutilârpoᴋ, ikajoromajoᴋaromângilarlo tâpsominga.

Daniel 8:9

Tâpkoalo ilanganit nakjuk mikijoᴋ nuilipoᴋ, Angijororpâdlarlunilo aungalo taunungalo nunamullo alianartomut.

Hosea 11:8

Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.

Galâtsiamiunut 3:26

Ilûnase Gûdib ᴋitorngaringmase, okpernermut Jêsuse Kristusemut.

Efêsusemiunut 1:5

Issumasimagame ᴋitorngautitsomavluta ingminut, Jêsuse Kristusikut, taimâk ᴋuviagijaminut pijomagame,

Deuteronomy 14:1

ᴋitorngauvose Nâlekamut Gûdipsingnut; kilertuksaungilase nangminipsingnik, salijuksaunaselo ᴋablupsingnik tokungajut pivlugit.

Ebrêerinut 10:39

Uvagulle illagingilavut ᴋemâjut erᴋartortaujomârlutik; okpertulle illagivavut tarnimingnik piuliklertut.

I Pêtrusib 1:17

Atâtalo nipliavigigapsiuk, inungnik adsigêngititsinane erᴋartuijoᴋ, ilûnainigle piniarningit maliklugit, tagva arvertaritse kuksasukluse nunamênipsingne.