Jeremia 3:14 - Labrador Inuttitut Heritage Bible

¹⁴ Uteritsetôᴋ, ᴋitorngaujose kingupiartorsimajose, Nâlagaᴋ oᴋarpoᴋ, aipaujomagama ilipsingnut; katersoromagapse, atauseᴋ iglugasaksoarnit, magguglo ᴋitorngarênit, tikiutitsomavapselo Zionemut:

Jeremia 3:14 Iomraidhean Croise

II Kronika 30:6

Tagva akpangertut aivut, aglait attanniub angajoᴋaᴋotingitalo agganginit pijut, naksarlugit, Israelitit, Judakullo illunatik akkorngattigut, attanniublo perᴋojanga malliklugo oᴋarput: ᴋittorngaujose Israelemut, sâleritse Nalekamut, Abrahab, Isaakiblo Israeliblo Gudinganut; tagva tamna sâlerniarivok amiakojunut illipsingnit, ᴋemâlauktunut Assiriamiut attanningata agganginit;

Jesaiase 1:9

Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 10:22

Inuᴋotitit, Israêle, unuktôgalloarpatta siorᴋatitut imab sikjanganẽtutitut, amiakôjut tâpkonangat (kissimik) sâgiaromârput. Nungutaksauningat kajusimajutauvoᴋ, erᴋartuijoᴋ ᴋaglilerpoᴋ,

Jesaiase 17:6

Amiakoᴋaromârpoᴋ, sôrlo (amiakoᴋarmat) napârtome orᴋsutalingme, kattaktitsijoᴋartillugo ajaupiamut, paunganik maggungnik pingasuniglõnêt pappingane, sittamanik tallimaniglõnêt napârtub akkerungine, oᴋarpoᴋ Nâlegaᴋ, Israêlib Gûdinga.

Jesaiase 27:12

Taipsomane Nâlegaᴋ katjugomârpoᴋ sullugainernik kôksûb kiglinganit Egiptenib kôksoanga tikkidlugo; illipselo, Israêlikkut, nallekârluse kattititaujomârpose.

Jesaiase 31:6

Uttervigisiuk tâmna angijomik tunnutase, Israêlikkut illipse.

Jesaiase 44:22

Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.

Jesaiase 54:5

Pingortitit aiparigangne, ᴋilangmiugasaksuit Nâlegangat tagva attinga; ivlernartitorlo Israêlikkune piulijigigangne, sillaᴋsoarmiut illũnamatsiatik Gûdigijangannik atserartaujoᴋ.

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Jesaiase 57:17

Pijomatudlarnermut idluitullingmatta, ningaumajârvigivakka sugiarlugillo (ijerlunga ningarlungalo), tagva kingumut arvertarput apᴋutigijomajamikkut.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 23:3

Uvangalo saugaᴋotima amiakungit katersoromavakka nunanit tamainit ajaktortauvigijanginit uvamnut, utertitsomalerivakkalo pairijauvigilauᴋtanginut; kinguvâktâᴋattalârpullo unuksivaliavlutiglo.

Jeremia 29:14

Nagvârtaujomârpungalo ilipsingnut, oᴋarpoᴋ Nâlagaᴋ, aularutjauniselo sorairtitsomârpara, katersoromârpapselo inôᴋatigêksuit akornganit, nunanillo tamainit âtauviotilauᴋtamnit ilipsingnik, oᴋarpoᴋ Nâlagaᴋ, utertitsomârpapselo nunamut aulartitauvigilauᴋtapsingnut uvamnut.

Jeremia 3:1

Oᴋarpullo: Angut avigune nuliaminit, nuliangalo aularpat tâpsomangat assianiglo uiniklune, utilârivâ ama tâpsomungâ? Nuna tâmna ivsornartitaunajangilâᴋ?

Jeremia 3:12

Ailerit, oᴋautsillo tamakkoa oᴋâlautigikit, avunga sângavlutit, oᴋarlutillo: Uterittôᴋ, Israêle kingupiartortotit, Nâlagaᴋ oᴋarpoᴋ; ningarlunga takonâtsainaromangilagit, nâpkiniktôgama, Nâlagaᴋ oᴋarpoᴋ, soraijunangalo ningaumajâromangilanga.

Jeremia 3:8

Takolauᴋpungalo, tamakkoa tamaita pitjutigilugit Israele kingupiartortoᴋ ajortulisimalaungmat, avilaurapko tunidjivigigapkolo aglangnik avitsijutiksanik, najanga tunganaitoᴋ Juda sivôralaungimat; tâmnaletauᴋ ailauᴋpoᴋ assiniariartorᴋatauvlunalo.

Jeremia 31:12

Tikituksauvullo tuksiarlutiglo Zionib poᴋtoningane; ᴋerdlâᴋaijomârpullo Nâlakab pitsiarninganut, ᴋaᴋᴋôjaksanut, vainemullo, orᴋsumullo, saugâranullo tuktuvâranullo; tarningillo itsomârput sorlo perorsêviktut imeᴋatsiartotut; sanikterijungnaimarigomârpullo.

Jeremia 31:32

Angiᴋatigêngnertut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugillo nunamit Egiptenemit; angiᴋatigêngnerale soᴋosijuitilaungilât, Nâlagaulauraloarama tâpkonunga, oᴋarpoᴋ Nâlagaᴋ.

Jeremia 31:6

Uvloᴋalârmat Efraimib ᴋaᴋᴋangine pigârtut ᴋaigarsugomârvingat: Attê, majoralerta Zionemut Nâlakamut Gudiptingnut.

Hosea 5:15

Aularlunga uteromavunga inimnut, kigligiksarᴋârtinagit idluitulinermingnik, kênaralo ᴋenerlugo; kapiasungnermingne ilungertorlutik ᴋenerasualârpânga.

Saggaria 1:4

Atâtapsetut îniarase, tâpkonunga nalautaijut sivorlit ᴋaigarsulaukput, oᴋarlutik: Imâk oᴋarpok Nâlegak Zebaot: Uteritse mâna apᴋotigijapsingnit idluitunit, piniarnipsingnillo idluitunit; tâpkoale tusângilat, nâlalungilallo uvamnik, oᴋarpok Nâlegak.

Rômiunut 9:27

Jesaiasele nipliavoᴋ Israêlib kinguvângit pivlugit: Inuᴋotitit, Israêle, unuktôgalloarpatta siorᴋatitut imab sidjanganêtutitut, amiakôjut tâpkonangat (kissimik) sâgiaromârput.