Jeremia 3:13 - Labrador Inuttitut Heritage Bible

¹³ Kissiane idluitulinitit kigligiksautigikit, Nâlagaᴋ Gude idluitulivigilaurangne, salumainîllo serᴋerautigisimavat takorngartanut napârtut tungujortat ilûnatik atâne, nâlalaungilaselo nippimnik, Nâlagaᴋ oᴋarpoᴋ.

Jeremia 3:13 Iomraidhean Croise

Nehemia 9:2

Israeliblo kinguvangit avitipait takkorngartat ᴋitornganginit tamainit, nangeriartorlutiglo ajornitik, atâtagijamiglo idluitulliningit kigligiutigilugit.

Salomob Okâl 28:13

Idluitullinerminik missiudjijok, tamna sulliniatsengilak; kigligiksartorle, ipperaijorlo makkoninga, tamna napᴋoarijauniarpok.

Jesaiase 57:5

Ikligosuktose (Gûdingoarnut) napârtoᴋsuit, illa napârtut tungujoᴋtat illũnatik attânne, sorrutsiniglo toᴋotsijose kôrungne, ᴋairtut kôrungnângine.

Jeremia 14:10

Imâk Nâlagaᴋ oᴋarpoᴋ inôᴋatigêksoarnut tamakkonunga: Taimak angitigijomik namuttuinak arvertaromadlarput; itikatik noᴋangatitsomangilait; taimaimat Nâlakab pijomangilait; mânale idluituliningit erᴋaumajomavait, nâmangituliningillo sugiaromavait.

Jeremia 14:20

Nâlagaᴋ, kigligiksarpogut idluitoᴋsôniptingnik, atâtagilauᴋtaptalo idluitulinerilauᴋtanginik, idluitulivigilauᴋpaptigit.

Jeremia 2:20

Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 2:25

Itikatit kammêrutijautailitikit, igiallo ᴋêdlartailitiuk; oᴋarpotille: Ila, ajornarpoᴋ; takorngartat ikligivakka, tâpkoalo udlagomavakka.

Jeremia 3:2

Ijikik uitatikik ᴋaᴋᴋanut merᴋoᴋangitunut, takolerlutillo; nane ajortuliviᴋalaungilatît? Utaᴋilugit iksivalauᴋpotit apᴋosinerne, sorlo Arâbiamioᴋ sunaᴋajuitome; nunalo ivsornartipat ajortulinernut idluitulinernullo.

Jeremia 3:25

Inangatuinarta kangusungniptingne, kangusungnipta uliklitigut, Nâlagaᴋ Gudivut idluitulivigisimagaptigo, uvagut atâtagilalauᴋtaptalo, inôsungniptingnit uvloᴋ tamanna tikidlugo, nâlalaungilagullo Nâlakab Gudipta nippinganik.

Jeremia 3:6

Ataniublo Josiab naliuningane Nâlakab oᴋautivânga: Takogaloarᴋêt Israêlib kingupiarlorsimajub piniarninginîk? Majorarsimavoᴋ ᴋaᴋᴋanut poᴋtojunut tamainut, napârtullo tungujortat ilûnatik atânut, tagvanalo assiniarᴋattarpoᴋ.

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Hesekiel 16:15

Pinnarnarnîlle tatigilauᴋpat, unipkautaunîllo nertûtigivlugo, sennerᴋotullo ilûnaita innapatit uivesârnermut, ajortuligosungnîllo nelonailivat ᴋângertunut tamainut; ᴋunungilatit tâpkoninga.

Hosea 5:15

Aularlunga uteromavunga inimnut, kigligiksarᴋârtinagit idluitulinermingnik, kênaralo ᴋenerlugo; kapiasungnermingne ilungertorlutik ᴋenerasualârpânga.

Deuteronomy 12:2

Inôᴋatigêt pigijapse Gûdingoangit kivgartorvigijangit tamaita asseroraksarivase, ᴋakᴋane poktojune, ᴋaᴋârulanelo, napârtullo tungujortat atâne;