Jeremia 3:12 - Labrador Inuttitut Heritage Bible

¹² Ailerit, oᴋautsillo tamakkoa oᴋâlautigikit, avunga sângavlutit, oᴋarlutillo: Uterittôᴋ, Israêle kingupiartortotit, Nâlagaᴋ oᴋarpoᴋ; ningarlunga takonâtsainaromangilagit, nâpkiniktôgama, Nâlagaᴋ oᴋarpoᴋ, soraijunangalo ningaumajâromangilanga.

Jeremia 3:12 Iomraidhean Croise

Genesis 4:7

Imaingilâᴋ: Idluartoᴋ kajungerigungne maksoavotit; idluartorle kajungeringikungne idluituligiaᴋ utaᴋᴋivoᴋ upkoarme kajungerlune illingnut? Igville tâpsomunga attaniotilerit.

II Atannit 15:29

Pekab Israelitit atanningata nalliuningane, Tiglat Pilesser Assiriamiut atanningat tikkipok, tigulaitalo Hion, Abel, Bethmaecha, Janoha, Kedes, Hazor, Gilead, Galilialo, Naftalikullo nunangat ilunnât, aularutivaillo Assiriamut.

II Atannit 17:23

Nâlegak Israelitinik pêjaikârtinago kênaminit, sorlo oᴋalaurame kivgamigut ilunnaitigut nallautaijutigut Taimak Israelitit nunamingnit aularutitaulaukput Assiriamut uvlok tamanna tikkilugo.

II Atannit 17:6

Hoseablo Jâringita 9 ingane Assiriamiut atanningata Samaria salagivait, Israelitillo aularutivait Assiriamut, nunakartipaillo Halame, Haboremelo Gosanib kôngane, Mederillo iglugasaksoangine.

II Atannit 18:1

Hoseab Elab erningata Israelitit atanningata Jâringita pingajuane, Hiskia Ahasib Judakut atanningata erninga atanningorpok;

II Kronika 29:10

Manna kajusimavunga Nalegak Israelib Gudinga angerᴋattigijomavlugo ningarninga, ᴋaningaumajarningalo allaiᴋovlugik uvaptingnik.

II Kronika 30:9

Illipsele sâlerniarupse Nalekamut, tagva ᴋattangutise ᴋittorngaselo napkigijauneᴋarniarput parnanairsortimingne, nunamut tamattomunga utterᴋovlugit, Nalegak Gudise saimarsaigosungmat, napkigosuklunelo, kênanelo sânguniangilâ illipsingnit, illipse sâvigigupsiuk.

Imgerut 103:17

Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

Imgerut 103:8

Nâlegak nâpkigosukpok, saimarveᴋarosuklunelo, ᴋenuêpok pitsiartoksôlarmelo.

Imgerut 103:9

Suatsainarniangilak, issoᴋangitomullonêt ningarosugomângilak.

Imgerut 145:8

Nâlegak saimarveᴋarpok, nâpkigosuklunelo, ᴋennuêlunelo, pitsiarlunelo angijomik.

Imgerut 79:5

Nâlegak ᴋannok sivitutigijomik ningaromamariᴋît, illungertornîllo ikkomatut ikkoalaᴋojomaviûk?

Imgerut 86:15

Igville Nâlegak Gûd, nâpkigosukpotit, saimarvekarosuklutillo, ᴋennuêlutillo takopsoajoksôlutillo nertornartoksôlarpillo.

Imgerut 86:5

Igvit Nâlegak ajunginavit illanaksârlutillo; saimarveᴋarlutit angijomik, illûnainut nipliavigijingnut.

Salomob Okâl 28:13

Idluitullinerminik missiudjijok, tamna sulliniatsengilak; kigligiksartorle, ipperaijorlo makkoninga, tamna napᴋoarijauniarpok.

Jesaiase 31:6

Uttervigisiuk tâmna angijomik tunnutase, Israêlikkut illipse.

Jesaiase 44:22

Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.

Jeremia 11:6

Nâlakablo oᴋautilauᴋpânga: Oᴋautsit tamakkoa tamaita oᴋâlatigikit Judab iglugasaksoangine, Jerusalemiblo apᴋosineâlungine, oᴋarlutit: Angeᴋatigêngnerub tamattoma oᴋausertangit tusarsigik piniarlugillo.

Jeremia 12:15

Imaitsomârporlo: Nussuksimajarêrupkit, uteromârivunga nâpkigijomavlugillo; tikiutitsomalerivakkalo atunit kingormgutijaminut, atunillo nunaminut.

Jeremia 23:8

Imâgle: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit taggânêtomit, nunanillo tamainit ᴋemâviotitamnit tâpkonunga; nunaᴋaromârpullo nunamingne.

Jeremia 3:1

Oᴋarpullo: Angut avigune nuliaminit, nuliangalo aularpat tâpsomangat assianiglo uiniklune, utilârivâ ama tâpsomungâ? Nuna tâmna ivsornartitaunajangilâᴋ?

Jeremia 3:14

Uteritsetôᴋ, ᴋitorngaujose kingupiartorsimajose, Nâlagaᴋ oᴋarpoᴋ, aipaujomagama ilipsingnut; katersoromagapse, atauseᴋ iglugasaksoarnit, magguglo ᴋitorngarênit, tikiutitsomavapselo Zionemut:

Jeremia 3:18

Naliutome tâpsomane Judab ᴋitorngangit aijomârput Israêlib ᴋitornganginut, tikiᴋatigêgomârpullo nunamit avanêtomit nunamut kingormgutijaksautilauᴋtamnut atâtagilauᴋtapsingnut.

Jeremia 3:22

Uteritsetôᴋ, ᴋitorngaujose kingupiartorsimajose, kingupiartornise inûlijomavakka. Ahâk, ᴋaivogut ilingnut, tagva igvit Nâlagauvotit Gudigivaptigillo.

Jeremia 3:5

Soraijunane ningatsainarniarᴋâ? Anigortiniangilaûk issoᴋangitomût? Ahâk, taimak oᴋaralloarpotit idluitulivotillo, issumangniglo piniaromavotit.

Jeremia 3:7

Tamakkoninga tamainik piniarsimaᴋârtilugo oᴋalauᴋpunga: Uterniarpoᴋ uvamnut; utilaungilarle; najangatalo tunganaitub Judab takovâ tamanna.

Jeremia 30:11

Ilingnênama, oᴋarpoᴋ Nâlagaᴋ, piulijomavlutit; inôᴋatigêksuit ilûnaita siamangatitauvigijatit uvamnut nungumarigomârapkit, igville nungumarigomângilagit; sugiaromârpagille nâmatuinartomik, pidlartautailititsomângimarikpagillo.

Jeremia 31:20

Efraim ernerivigo erdlingnartôᴋ? Kitorngauvâ ᴋuvianartôᴋ? Suadlarlugo oᴋarvigijarangapko, sulle nagligilugo erᴋaumavara; tamanna pivlugo iluga aulavoᴋ tâmna pivlugo; nâpkigijomadlarpara ila, oᴋarpoᴋ Nâlagaᴋ.

Jeremia 31:21

Nalonaijaijutiksanik apᴋosinermik napartitsilerit, napajunik unertutjijuksanik âᴋiksoilerit; ômatît apᴋosinersoarmut sâtiuk, apᴋomut ingerarvigilauᴋtarnut; utermît uigasôjotit Israêl, utermît iglugasaksoaᴋotingnut ukkununga.

Jeremia 31:8

Ahâk, tamaungartitsomârpakka nunamit taggardlermit, katersoromârpakkalo nunaᴋsûb kiglinginit issuklerpânit, tautungitut, tussiaktullo, singaijullo, ernisuktullo ilautilugit, katimgajoᴋsôvlutik uteromârput tamaunga.

Jeremia 33:26

Tagvatauᴋ Jâkob kinguvângit, kivgamalo Dâvidib kinguvângit iperaromagivakka, tigusijungnaiᴋovlunga kinguvângita ilanginik ataniotijuksaujunik Abrahab, Isaablo, Jakoblo kinguvânginut; aularutijaujungit utertitsomârapkit, nâpkigijomavakkalo.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Jeremiab Ogguarutigijangit 3:22

Nâlekab nâpkiningningit pingmatta keta nungutaumarilungilagut, ilapsugosungningit sorairlungimatta.

Hesekiel 11:17

Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Inôᴋatigêksoarnit katersoromavapse, nunanillo siamartitauvigijapsingnit katersoromârpapse, tunitjivigijomavapselo Israêlib nunanganik.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Hesekiel 39:25

Tamanna pivlugo imâk oᴋarpoᴋ Nâlegaᴋ Nâlegaujoᴋ: Mâna Jâkob aularutijauninga utertitsomârpara, Israêliblo ᴋitorngangit ilûnaita nâpkigijomarpakka; ateralo ivsornaitoᴋ ilungertûtigijomârpara.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Leviticus 26:40

Kigligiutjijomârpullo idluinermingnik, atâtamiglo idluininginik idluitulivigilaungmanga, akkerartorlungalo arvertalauramik.

Saggaria 1:4

Atâtapsetut îniarase, tâpkonunga nalautaijut sivorlit ᴋaigarsulaukput, oᴋarlutik: Imâk oᴋarpok Nâlegak Zebaot: Uteritse mâna apᴋotigijapsingnit idluitunit, piniarnipsingnillo idluitunit; tâpkoale tusângilat, nâlalungilallo uvamnik, oᴋarpok Nâlegak.

Deuteronomy 30:2

Sâgiaruvillo Nâlekamut Gûdingnut, tâpsomalo nippinga nâlagungne, uvlome perᴋojakka ilingnut tamaita maliklugit, igvit ᴋitorngatillo, ômatingnut tamânut tarningnullo tamânut, maligomalerungne;