Jeremia 28:4 - Labrador Inuttitut Heritage Bible

⁴ Jekonialo, Jojakimib erninga, Judab ataninga, tamaitalo Judamit aularutijaulauᴋtut Babilonemut pijut tamaungautitsomagivakka, oᴋarpoᴋ Nâlagaᴋ; Babilonib ataningata nangmautanga navgorapko.

Jeremia 28:4 Iomraidhean Croise

Genesis 27:40

Saviksoarnit inôgutiksarsijomârpotit, nukallo kivgartoraksarivat. Pijoᴋaromârporle, nâlegungnairlugo nangmaut ᴋongasernit kippijomârangne.

II Atannit 24:14

Aularutivaillo Jerusalemiut illuêngarlutik, angajoᴋajat ilunnaita, sorsuktuksat ilunnaita, parngnanaigutsaumajut 10,000 dit, igloliortut ilunnaita, sabviortullo ilunnaita; amiakoᴋarkojilungilarlo nunab innunginik erkananginerpangojunik kisianik.

Jesaiase 9:4

Nangmautit nangmagaksangit, issaᴋautit ᴋollêgingnut attortut, aulatsijingitalo annautangit navigangne, sôrlo Midianib nalliuningane.

Jeremia 13:19

Iglugasaksuit seᴋinerdlît parngnanairsimangmatta, palangairudjarijoᴋangilarlo tâpkoninga; Judamiut iluengarlutik aularutijauvut, ila, iluengamariklutik aularutijauvut.

Jeremia 2:20

Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 22:10

Tokungajok ᴋeaniarasiuk, kiksautiginiarasiuglônêt; aulartorle ᴋeagidlarsiuk; uterniatsangimat, nunalônêt inûlervigijane takoniarungnailugo.

Jeremia 22:24

Sorlo mikseᴋartomik inôgama, oᴋarpoᴋ Nâlagaᴋ, Kônia, Jojakimib erninga Judab ataninga, ᴋetterdlermigigaloarupko naᴋitjutauvlune aggangma talerpingane, pêjarajarpagit tagvangat;

Jeremia 24:1

Nalekab unertutjivigilauᴋpânga, sunaubvalo amargaujâk maggûk paungatannaktalîk Nâlakab katimavingata sânganut ilijaujûk; Nebukadnezarib Babilonib ataningata aularutjiningata Jekoniamik, Jojakimib erninganik, Judab ataninganik, Judablo angajoᴋâᴋsoanginik, sanajiniglo, sabviortiniglo Jerusalemit tikiutilugillo Babilonemut, kingorngane.

Jeremia 24:5

Imâk oᴋarpoᴋ Nâlagaᴋ, Israêlib Gudinga: Paungatannaktitut ukkutitunak piojutitut, taimak issumagijomavakka aularutijaujut Judamit, aulartitakka nunamit mattomangat Kaldêarit nunanganut, ajungitulivigijomavlugit.

Jeremia 27:8

Pijoᴋalârporlo, inôᴋatigêksuit ataniovillo kivgartoromangitut Nebukadnezaremik, Babilonib ataninganik, ilijijomangitullo ᴋongasermingnik Babilonib ataningata nangmautinganut, inôᴋatigêksuit tâpkoa sugiaromavakka saviksoarmut, kângnartoᴋsoarmullo nusilingnartomullo, nungutsiᴋârtinanga tâpkoninga tâpsoma agganginut.

Jeremia 28:10

Tâva nalautaijub Hannaniab nangmaut tiguvâ nalautaijub Jeremiab ᴋongasinganit navgorlugolo.

Jeremia 28:2

Imâk oᴋarpoᴋ Nâlagaᴋ Zebaot, Israêlib Gudinga, oᴋarlune: Babilonib ataningata nangmautanga navgorpara.

Jeremia 29:1

Makkoangovut aglait oᴋausertangit nalautaijub Jeremiab tilijangit Jerusalemit aularutijaujut angajoᴋângita amiakunginut, ajoᴋertuijunullo, nalautaijunullo, inungnullo tamainut Nebukadnezarib aularutijanginut Jerusalemit Babilonemut;

Jeremia 29:2

Ataneᴋ Jekonia, nuliangalo, pimaklertullo, angajoᴋaᴋsuillo Judame Jerusalemelo, sanajillo sabviortillo, Jerusalemit aularsimaningita kingorngane;

Jeremia 30:8

Pijoᴋalârporlo uvlorme tâpsomane, oᴋarpoᴋ Nâlagaᴋ Zebaot, tâpsoma nangmautanga pêjaromagapko ᴋongasernit, ᴋelarutitillo kiktoraromagapkit, takorngartallo kivgarijungnailârpât;

Leviticus 26:13

Uvangauvunga Nâlegak Gûdise tikiutitise nunamit Egiptenemit kipaloᴋonase tâpkonunga; nangmautapsele ᴋejuktangit navilauᴋpakka, makitatsiarluse arvertarungnarᴋovluse.

Nahum 1:13

Mânalo tâpsoma nangmautanga pêjaromavara ilingnit, ᴋelarutingillo kiktoraromavakka.