Jeremia 27:5 - Labrador Inuttitut Heritage Bible

⁵ Uvanga nunaᴋsoaᴋ, inuillo nergjutillo nunab ᴋânganêtut pitsartunersoamnut talimnullo issaksimajomut pingortilauᴋpakka, tunivakkalo tunitjivigijomajamnut idluarijamnut.

Jeremia 27:5 Iomraidhean Croise

Genesis 1:25

Gûdiblo pingortipait ômajut nunaᴋsiutit, tamaita ingmikut pitjutilît, nergjutillo ingmikut pitjutilît, tamaitalo pâmgortut ivjome ingmikut pitjutilît. Gûdelo takovoᴋ nâmangmat.

Genesis 9:6

Nalliat inub aunganik kovisijoᴋ, tâpsoma aungatauᴋ inungmut kovijaujuksauvoᴋ; Gûdib inuk sanangmago ingminik adsilivlune.

I Atannit 8:42

(Tusarniarmatta aternik angijoksoarmik, aggangniglo pitsartujoksoarnik, tallerniglo issamijomik), ᴋailunelo tuksiarpat iglub oma sângane,

Esra 1:2

Imâk Korese Persiamiut attanningat oᴋarpok: Nalekab ᴋillaub Gudingata tunnitsivigilaukpânga attanniovingnik tamainik nunane, perᴋolaukpângalo, iglomik igluliorlugo Jerusaleme Judame.

Nehemia 9:22

Tunnitsivigilaukpattillo atanniovingnik, inuᴋattigêksoarniglo, avilaukpattillo maunga ikungalo, aksarnigarivâllo Sihonib nunanga, Hesbonib atannertangata, Ogiblo nunanga, Basanib atannertangata;

Imgerut 102:25

Igvit sivurngane nuna tunganektâlaukpat, aggakpîllo ᴋillait sannagivait.

Imgerut 96:5

Innuᴋattigêksuit Gûdingit Gûdingoangôvut; Nâlekable ᴋillak sannalaukpâ.

Exodus 20:11

Uvlune 6ine Nâlekab ᴋilak nunalo imarbiglo ilûnnaitalo imab iluanêtut sanalaungmagit, uvlullo 7ingane merngoersilaukpok: tamanna pivlugo Nâlekab uvlok Sabbateojok saimanartipâ ivsornaitilâllo.

Exodus 6:6

Tamanna pivlugo Israêlikunut oᴋarit: Uvanga Nâlegauvunga Egiptenemiullo siorniortitsininginit aularutijomârpapse, nûtiluse kivgartortitsininginit, piulivluse talikut isamijokut, sugiartauviksoakullo.

Jesaiase 42:5

Imâk oᴋarpoᴋ Gûde Nâlegaᴋ, ᴋilangmik pingortitsijoᴋ tassiterijorlo, nunamik issivitsijoᴋ perortunginiglo, inungnut ᴋânganẽtunut inôtsemik tunidjijoᴋ, anernermiglo tunidjijoᴋ arvertartunut tagvane:

Jesaiase 44:24

Nâlegaᴋ piulijit, pairijit anânavit timinganit oᴋarpoᴋ imâk: Uvanga Nâlegauvunga, tamainik piniartunga; kissima ᴋilak issivipara nunamiglo nerrototitsivunga, ikajorteᴋarnanga.

Jesaiase 45:12

Uvanga nuna sanavara, uvangalo inuit nunamẽtut pingortipakka, uvanga aggamnut ᴋilak issivipara, pitanginullo illũnamasianginut Nâlegauvunga.

Jesaiase 48:13

Aggama nunaᴋsoaᴋ sanavât, tallerpima ᴋilait issivipait; ᴋairᴋogapkit, saᴋᴋijâlerput tagva illũnatik.

Jesaiase 51:13

Nâlegarlo puigorpat pingortitit, ᴋilangmiglo issivitsijoᴋ, nunamiglo tungaviliorijoᴋ. Kaut tamât erᴋsitsainarpotit aksorôtjijub ningaumajârninganik, kajusimangmat asseroromavlutit. Aksorôtjijub ningaumajârninga naûk?

Jeremia 27:4

Perᴋokillo oᴋarᴋovlugit angajoᴋâmingnut, oᴋarlutik: Imâk oᴋarpoᴋ Nâlagaᴋ Zebaot, Israêlib Gudinga: Imâk oᴋartuksauvose angajoᴋâpsingnut:

Jeremia 32:17

Nâlagaᴋ Gudik! Ahâk, ᴋilaᴋ nunalo pingortilauᴋpakik pitsartunersoarnut talingnullo issangmijomut; ajornartoᴋangilaᴋ ilingnut;

Jeremia 51:15

Tâpsoma nuna pingortilauᴋpâ pitsartunerminut, silaᴋsoarlo tunganeᴋtâlauᴋpâ ilisimanerminut, silatunerminullo ᴋilait issivilauᴋpait.

Daniel 2:38

Tamaitalo inuit ᴋitorngangita iniᴋarvingit, ômajut natinamêtut tingmiallo ᴋilaub atânêtut tunivait aggangnut, tâpkonungalo tamainut nâlegangortipâtit; igvit tâmnauvotit niaᴋoᴋ goldiojoᴋ.

Daniel 4:14

Nippiᴋortojomik ᴋaigarsukpoᴋ, oᴋarluni imâk: Napârtoᴋ kipisiuk, akkirungillo nakkasigik, milukatangillo pêjarsigik, paungangillo siamartisigik; nigjutit nûlit atânit, tingmiallo akkirunginit.

Daniel 4:17

Pigârtuksat tamanna kajusimautigivât, ivsornaitullo oᴋaᴋatigêklutik piᴋojijutigivât: inôjut ᴋaujimaᴋovlugit ᴋotsingnirojub aulangmago inuit ataniovingat, tuningmagolo pijomajaminut, inuillo nikanarsarnipaujungit ataningortingmagit tâpsomani.

Daniel 4:22

Tâmnauvotit, igvit ataniᴋ, angijoᴋsôvotit sôngojoᴋsôlarpillo; angijoᴋsônît tôngmat ᴋilangmut, atanionîllo nunab issuanut.

Daniel 4:25

Inungnit ajaktortaulârpotit, natinaublo nigjutingit ilagilârpatit, tuktuvaktut iviksukatolârpotit, ᴋausititaulârpotillo ᴋilaub mitsuksoanganut, naliunirit 7nit ᴋângiutilârput ilingnik; ᴋaujimaᴋârtinak ᴋotsingnipângojub aulangmago inuit ataniovingat, tunilugolo pijomajaminut.

Daniel 5:18

Ataniᴋ, ᴋotsingnipângojub atâtait Nebukadnezar tunitjivigilauᴋpâ ataniovingmik, angijônimiglo, ânanaunimiglo, inornarnimiglo;

Apostelit Piniarningit 14:15

Oᴋarlutiglo: Angutaujose, sôk taimailiorpisê? Inutuinauvoguk toᴋojomârtoguk ilipsitut, oᴋautsiniglo tusarnertunik oᴋâlavojuk ilipsingnut, sâgiarᴋovluse ômangat Gûdeungitomit Gûdemut ômajomut, ᴋilangmiglo nunamiglo, imarbingmiglo iluanêtuniglo tamainik pingortitsijomut;

Apostelit Piniarningit 17:24

Gûde silaksoarmik pingortitsijok pinginiglo tamainik, Nâlegaugame ᴋilangmullo nunamullo, katimaviksoarne aggangnut sanamajune iniᴋangilaᴋ;

Apostelit Piniarningit 17:26

Inugasaksuillo kinguvângoᴋatigêt tamaita pingortilaukpait aungmit atautsemit, nunaksoak ilûnât inuᴋalertilugo, sivorngagullo isumasimatigivait naliuningita sivitujariangit, ᴋanorlo ᴋaningitigijomut nunaᴋariangit;

Deuteronomy 2:19

Ammonikullo tungânut tikiutiguvit, pagvisarniarnagit sorᴋsungniarnagillo, Ammonikut nunangata ilanganik tunitjivigijomanginapkit perᴋutauᴋovlugo; Lotib ᴋitornganginut tunimagapko perᴋutauᴋovlugo.

Deuteronomy 2:21

Inuit angijut, unuktut, takijullo, Enakikutitut; Nâlekable nungupait tâpkoa sângine; inangerlugillo kinguninginelo tagvanêmiongolerput;

Deuteronomy 2:7

Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.

Deuteronomy 2:9

Nâlekablo oᴋautivânga: Moabekut pagvisarniarasigik sorᴋsungniarnagillo; tâpsoma nunangata ilanga tunijomanginapko perkutauᴋovlugo ilipsingnut; Ar tunimagapko Lotib ᴋitornganginut perᴋutauᴋovlugo.

Deuteronomy 32:8

Kotsingnerpângojûb inôᴋatigêksuit tunitjivigilaungmagit kingormgutijaksamingnik, inuit ᴋitorngangit aviutitilaungmagit, inôᴋatigêt kiglingit âᴋiksorpait, Israêlib ᴋitorngangita unurningit issumagilugit.

Deuteronomy 4:17

Nergjutingoarmiglônêt nunamêtomik, tingmingoarmiglônêt tingisômik ᴋilaub ikiangane,

Deuteronomy 4:25

Kitorngatarupse erngutatârluselo, nunamêᴋitârupselo, asserorupselo ilipsingnik, adsingoaliorluselo Nâlekab Gûdivît takkoane, tâmna ningarsârlugo;

Deuteronomy 4:32

Aperᴋutigikit uvlut ᴋângersimajut, sivunernêtut, uvlormit Gûdib pingortitsivigilauᴋtanganit inungnik nuname, kilaublo issuanit issuata aipânut, mattotunak angitigijoᴋalaungmangât, mattotunarlônêt tusaumajaujoᴋarmangât.

Deuteronomy 4:35

Ilingnut unertutigijaulauᴋpok, ᴋaujiᴋovlutit Nâlegak, tâmnaungmat Gûde, nelleᴋangimallo.

Deuteronomy 5:16

Atâtangnik anânangniglo nâlektuksauvotit, sorlo Nâlekab Gûdivît perᴋongmatit; uvlutit sivitoᴋovlugit, inôtsialuarᴋovlutillo nuname Nâlekab Gûdivît tunijangane ilingnut.

Deuteronomy 9:29

Igville inuᴋotigivatit kingormgutilaitalo, tikiutijatit pitsartunersoarmut talingnullo issamijomut.

Kolossamiunut 1:16

Tâpsomûna ilûnaita pingortitaungmatta, ᴋilangmêtullo nunamêtullo, takuksaujullo takuksaungitullo, iksivautaksuillo, nâlegauvîllo ataniotinerillo, pitsartujoᴋsuillo; ilûnamatsiatik pingortitaulaukput tâpsomûna tâpsomungalo.

Ebrêerinut 1:2

Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.